+7 (701) 759 90 19
-7 °С : نۇر-سۇلتان
-11 °С : الماتى
USD 375.91 EUR 416.85
RUB 6.10 CNY 54.77
جاڭالىقتار

ماڭعىستاۋدا بيىل 10 مىڭعا جۋىق جاس جۇمىسپەن قامتىلدى

10 جەلتوقسان 09:14
:ءبولىسۋ
ماڭعىستاۋدا بيىل 10 مىڭعا جۋىق جاس جۇمىسپەن قامتىلدى

اقتاۋ. قازاقپارات - وڭىردە بيىل مەملەكەتتىك ءتۇرلى باعدارلامالار ارقىلى جۇمىسپەن قامتىلعان جاستار سانى 10 مىڭعا جۋىقتادى، دەپ حابارلايدى قازاقپارات ءتىلشىسى.

اتاپ ايتساق، «ەڭبەك» باعدارلاماسى بويىنشا اعىمداعى جىلى 7881 جاس ەكى قولىنا ءبىر كۇرەك تاپقان. جاس ماماندارعا ارنالعان «ديپلوممەن اۋىلعا» باعدارلاماسى دا ناتيجەلى بولدى. بيىل 384 جاس اۋىلدىق جەرلەرگە جۇمىسقا تارتىلىپ، ولارعا كوتەرمە اقى تولەندى، سونداي-اق 309 جاس مامانعا تۇرعىن ءۇي الۋعا نەسيە بەرىلگەن.

ماسەلەن، ءتۇپقاراعان اۋدانىنىڭ تۇرعىنى راۋشان ساربايەۆا اۋىلدىڭ مەديتسينا سالاسىنا ۇلەس قوسۋدا. اقتوبە قالاسىنداعى م. وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ جالپى مەديتسينا فاكۋلتەتىن ءتامامداپ، 2018 -جىلدان بەرى فورت- شەۆچەنكونىڭ ورتالىق اۋرۋحاناسىندا جالپى تاجىريبەلىك دارىگەر بولىپ ەڭبەك ەتۋدە.

«وقۋدى بىتىرگەن بويدا اۋىلعا بارۋدى ءجون كوردىم. سەبەبى، وقۋداعى ۇستازدارىمىز ۇنەمى اۋىلدان باستاعان دۇرىس دەپ كەڭەس بەرەتىن. مەن دە ويلانا كەلە، وسىنداي شەشىم قابىلدادىم. اۋرۋحانا جاعدايى جاقسى، تۇرعىندار دا ريزا»، - دەيدى راۋشان ساربايەۆا.

وڭىردە كاسىپكەرلىككە بەت بۇرعان جاستار سانى ارتۋدا. ءوزىن عانا ەمەس، وزگەنى جۇمىسپەن قامتىپ، يدەياسىن كاسىبىنە اينالدىرعاندار مەملەكەتتىك باعدارلامالاردىڭ شاراپاتىن كورۋدە. ماسەلەن، «اتامەكەن» ۇلتتىق كاسىپكەرلەر پالاتاسى ماڭعىستاۋ وبلىستىق فيليالى جانىنان جۇزەگە اسىرىلعان «جاس كاسىپكەر» جوباسى اياسىندا بيىل 141 ادام جالپى سوماسى 71 ميلليون 205 مىڭ تەڭگە مولشەرىندە مەملەكەتتىك گرانت جەڭىپ الدى.

بيىلعى جىلى وبلىستا «Zhas Project» جوباسى قارقىندى ىسكە اسىرىلدى. جوبا اياسىندا ماڭعىستاۋ وبلىسى رەسپۋبليكا بويىنشا ەڭ جوعارى كورسەتكىشكە قول جەتكىزدى. ياعني 285 جوبا ىسكە اسىرىلسا، 566 ميلليون تەڭگە كولەمىندە قايتارىمسىز ينۆەستيسيا بەرىلدى.

جوبا ناتيجەسىندە وڭىردە ەت جانە ءسۇت ونىمدەرىن ءوندىرۋ، جىلىجايلار مەن قۇس فەرماسى بويىنشا 93 شاعىن شارۋاشىلىق، 26 ءبىلىم بەرۋ ورتالىقتارى، 17 دەمالىس ورتالىعى مەن شىعارماشىلىق ۇيىرمەسى، 19 سپورت ورتالىعى مەن فيتنەس كلۋبى، 24 ناۋبايحانا مەن كونديتەرلىك، 29 تىگىن جانە اياق كيىم شەبارحاناسى، 5 سۇلۋلىق سالونى قىزمەتتەرىن باستادى.

ماسەلەن، جوبا اياسىندا ءوز كاسىبىن باستاعان قاراقيا اۋدانى، قۇرىق سەلوسىنىڭ تۇرعىنى بيبىگۇل مىرزابەكوۆا اۋىلدان مۋزىكالىق مەكتەپ اشتى. ول از قامتىلعان وتباسىلار، كوپبالالى انالاردىڭ بالالارى مەن جارتىلاي جانە تۇل جەتىم بالالارعا تەگىن ءبىلىم بەردى.

«جوسپار بويىنشا 30 بالاعا تەگىن مۋزىكالىق ءبىلىم بەرۋدى كوزدەدىك. ءبىراق، تۇگەل اۋدان بويىنشا 80 وقۋشىنى قامتىدىق. 3 باعىتتا جۇمىس جاسايمىز: ۆوكال، گيتارا، دومبىرا ۇيىرمەلەرى بار. جالپى سوماسى 940 مىڭ تەڭگە الدىم. قاراجاتقا اسپاپتاردى ساتىپ الدىق. اتا- انالاردىڭ سۇرانىسى بويىنشا اكتەرلىك شەبەرلىك، بي ۇيىرمەسىن قوستىق. ءبىزدىڭ مەكتەپتە ءتالىم العان وقۋشىلار وبلىستاعى ءار ءتۇرلى قايىرىمدىلىق شارالارعا اتسالىسۋدا»، - دەيدى بيبىگۇل مۋرزابەكوۆا.

سونىمەن قاتار، رەسپۋبليكالىق «باستاۋ بيزنەس» جوباسى ارقىلى 295 جاس كاسىپكەرلىك ماشىقتارىن مەڭگەردى. وقىپ شىققان جاستار بيزنەس جوبالارىن قورعاپ، ءارى قاراي كاسىبىن اشۋعا مۇمكىندىك الدى.

ماۋسىمدىق «جاسىل ەل» جوباسى بويىنشا بيىل 1228 جاس اۋىلدىق ەلدى مەكەندەردى اباتتاندىرۋعا اتسالىستى.

«كەڭەس الاڭى» جوباسى اياسىندا 9 رەت بوس جۇمىس ورىندار جارمەڭكەلەرى ۇيىمداستىرىلدى. بوس جۇمىس ورىندار جارمەڭكەسىنە قالا، اۋدان اۋماعىندا ورنالاسقان 21 كاسىپورىن مەن مەكەمەلەر قاتىسىپ 365 بوس جۇمىس ورىندارىن ۇسىندى. جارمەڭەكە 300-گە تارتا جاستار قاتىستى.

ايتا كەتەيىك، ماڭعىستاۋدا 14-29 جاس ارالىعىندا 145657 جاس بار، ول وبلىس حالقىنىڭ 23 پايىزىن قۇرايدى. ونىڭ ىشىندە - 70174 قالالىق، 75483 اۋىلدىق جاستار.

اۆتور: ءلايلىم ءالىم


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات