+7 (701) 759 90 19
6 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقپارات كۇنتىزبەسى: 10- جەلتوقسان - دۇنيەجۇزىلىك فۋتبول كۇنى

10 جەلتوقسان 07:38
:ءبولىسۋ
قازاقپارات كۇنتىزبەسى: 10- جەلتوقسان - دۇنيەجۇزىلىك فۋتبول كۇنى

نۇر-سۇلتان. قازاقپارات - قازاقپارات وقىرماندارىنا 2018-جىلعى 10- جەلتوقسانعا ارنالعان كۇنتىزبەسىن ۇسىنادى.

اتاۋلى كۇندەر

ادام قۇقىقتارىنىڭ حالىقارالىق كۇنى

1948-جىلعى 10- جەلتوقساندا ب ۇ ۇ باس اسسامبلەياسى جالپىعا بىردەي ادام قۇقىقتارى دەكلاراتسياسىن قابىلدادى. بارلىق ەلدە 1950-جىلدان باستاپ اتاپ وتىلەدى.

دۇنيەجۇزىلىك فۋتبول كۇنى

ب ۇ ۇ- نىڭ شەشىمىمەن بەكىتىلگەن. ميلليونداعان ادامعا تەك ويىن عانا ەمەس، ءومىر ستيلىنە اينالعان سپورتتىڭ بۇل تۇرىنە حالىقارالىق قوعامداستىق ەرەكشە قۇرمەت كورسەتەدى.

فۋتبول ويىنى تۋرالى العاشقى دەرەكتەردى تاريحشىلار ءبىزدىڭ زامانىمىزعا دەيىنگى ەكىنشى مىڭجىلدىقتاعى قىتاي جىلناماسىنان تاپقان. ول تسۋ چيۋ دەپ اتالعان. فۋتبول ويىنى قىتاي جاۋىنگەرلەرىن بابىندا ساقتاۋعا سەپتىگىن تيگىزگەن دەسەدى. ال كەيبىرەۋلەر فۋتبولدىڭ ءىزاشارى دەپ VIII عاسىردا انگليادا ءومىر سۇرگەن ساكسونداردىڭ «جابايى ويىنىن» اتايدى. ولار ۇرىستان كەيىن شايقاس دالاسىندا دۇشپانىنىڭ شابىلعان باسىن تەپكىلەپ ويناعان. فۋتبولدى ءبىزدىڭ زامانىمىزعا دەيىنگى ەكى جارىم مىڭجىلدىقتا ەجەلگى گرەكيادا، ريمدە دە ويناعان.

نوبەل سىيلىعىن تاپسىرۋ كۇنى

جىل سايىن نورۆەگيا كورولىنىڭ قاتىسۋىمەن وسلو ۋنيۆەرسيتەتىنىڭ ۇلكەن زالىندا جانە شۆەتسيانىڭ ستوكگولم قالاسىندا نوبەل سىيلىعىن تاپسىرۋ سالتاناتى وتەدى. 1900-جىلى قۇرىلعان نوبەل قورىنىڭ باستاپقى كاپيتالى 31 ميلليون شۆەد كروناسى بولدى. العاشقى نوبەل سىيلىعى 1901-جىلعى 10- جەلتوقساندا تابىس ەتىلدى. فيزيكا، حيميا، فيزيولوگيا جانە مەديتسينا بويىنشا سىيلىقتار ستوكگولمدە، ال بەيبىتشىلىك سىيلىعى وسلو قالاسىندا بەرىلەدى. 2004 جانە 2005-جىلدارداعى اقشالاي سىيلىقتىڭ كولەمى 10 ميلليون شۆەد كروناسىن قۇرادى.

جانۋارلار قۇقىعىن قورعاۋ كۇنى

بۇل كۇن 1998-جىلى ادام قۇقىعى دەكلاراتسياسىنا قول قويۋدىڭ 50 جىلدىعىندا ماقۇلداندى.

ەستە قالار وقيعالار

1930-جىل الماتىدا تۇڭعىش قازاق مەملەكەتتىك مەديتسينا ينستيتۋتى اشىلدى (قاز م م ي). ونىڭ رەكتورى بولىپ لەنينگراد اسكەري-مەديتسينالىق اكادەمياسىنىڭ تۇلەگى سانجار اسفەندياروۆ تاعايىندالدى. 1963-جىلى ج و و الماتى مەملەكەتتىك مەديتسينالىق ينستيتۋتى (ا م م ي) بولىپ وزگەرتىلدى. 2001-جىلى ق ر پرەزيدەنتىنىڭ جارلىعىمەن س. اسفەندياروۆ اتىنداعى قازاق مەملەكەتتىك مەديتسينالىق ۋنيۆەرسيتەتىنە «ۇلتتىق ۋنيۆەرسيتەت» مارتەبەسى بەرىلدى.

1991-جىلى الماتىدا اشىلعان جوعارعى كەڭەستىڭ جەتىنشى سەسسياسىندا قازاق ك س ر- ءىن قازاقستان رەسپۋبليكاسى دەپ اتاۋعا شەشىم قابىلدادى.

1991-جىلى الماتىداعى رەسپۋبليكا سارايىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ انت بەرۋ ءراسىمى ءوتتى. وسىدان كەيىن قازاقستان جوعارعى كەڭەسىنىڭ قاۋلىسىمەن پرەزيدەنت ءوز قىزمەتىنە كىرىستى.

1991-جىلى مەملەكەت باسشىسى ن. ءا. نازاربايەۆتىڭ «الماس» قورىن قۇرۋ تۋرالى جارلىعى شىقتى.

1997-جىلى نۇرسۇلتان نازاربايەۆ رەسەي ۇلتتىق قولدانبالى عىلىمدار اكادەمياسىنىڭ قۇرمەتتى مۇشەسى بولىپ سايلاندى.

1997-جىلى اقمولا قالاسى (قازىرگى استانا) قازاقستان رەسپۋبليكاسىنىڭ استاناسى بولىپ جاريالاندى.

2010-جىلى الماتىداعى 28 پانفيلوۆشىلار ساياباعىندا ۇلى وتان سوعىسىنىڭ ارداگەرى، كەڭەس وداعىنىڭ باتىرى باۋىرجان مومىش ۇلىنا ارنالعان ەسكەرتكىشتىڭ سالتاناتتى اشىلۋ ءراسىمى ءوتتى. جاڭا ەسكەرتكىشتىڭ اشىلۋىنا داڭقتى جاۋىنگەر-جازۋشىنىڭ ۇرپاقتارى، زامانداستارى، قوعامدىق ۇيىم وكىلدەرى قاتىستى. جالپى بيىكتىگى 6 مەترلىك ەسكەرتكىشتىڭ تۇعىرى گرانيتتەن، ال باتىردىڭ ءمۇسىنى قولادان سوعىلعان. بۇل - باتىردىڭ سوم تۇلعاسىن ايشىقتايتىن قالاداعى العاشقى ەستەلىك. اۆتورلارى - نۇربول دالباي مەن راسۋل ساتىبالديەۆ.

2013-جىلى كوناكريدە يسلام ىنتىماقتاستىق ۇيىمىنىڭ سىرتقى ىستەر مينيسترلەر كەڭەسىندە (ي ى ۇ س ى م ك) شتاب-پاتەرى استانا قالاسىندا ورنالاسقان ازىق-تۇلىك قاۋىپسىزدىگى جونىندەگى يسلام ۇيىمىن قۇرۋ تۋرالى شەشىم قابىلداندى. جاڭا ۇيىمنىڭ جارعىسىنا 19 مەملەكەت قول قويدى.

2014-جىلى يتالياداعى ءىرى باسىلىمداردىڭ ءبىرى - «ساندرو تەتي ەديتوردا» يتاليان تىلىندە «قازاقستان - ەۋرازيا ورتالىعى» كىتابى باسىپ شىعارىلدى. ونىڭ اۆتورى - گەوساياسات سالاسىنداعى يتاليان ساراپشىسى فابيو يندەو.

2016-جىلى «استانا بالەت» تەاترى سالتاناتتى تۇردە اشىلدى. قازاق ۇلتتىق حورەوگرافيا اكادەمياسىنىڭ جانىندا ورنالاسقان. كورەرمەن زالىنىڭ سىيىمدىلىعى - 783 ورىن، سونىڭ ىشىندە پارتەر - 609 ورىن، بالكوننىڭ ەكىنشى يارۋسى - 104 ورىن، بالكوننىڭ ءۇشىنشى يارۋسى - 70 ورىن. ديزاينەرلەردىڭ ۇسىنعان جوباسى بويىنشا، التىن- قوڭىر ءتۇستى شىمىلدىق ءىلىنىپ، ورىندىقتار جاۋقازىن تۇستەس ماتەريالمەن قاپتالعان، ال ەدەن - قوڭىر ءتۇستى. ساحنانىڭ اۋدانى 536 م² قۇرايدى. ساحنانى ترانسفورماتسيالاۋ ءۇشىن قوزعالمالى جانە كوتەرۋ- ءتۇسىرۋ مەحانيكاسىنىڭ ەڭ وزىق تەحنولوگيالارى پايدالانىلدى.

2018-جىلى ەل استاناسىنىڭ الماتىدان اقمولاعا اۋىسۋ قۇرمەتىنە استانادا تۇڭعىش رەت «ەلوردا جۇلدىزى» سىيلىعىن بەكىتتى. العاشقى ماراپاتتى Astana Ballet تەاترى، «ەكسپو-2017» كومپانياسى، «سپارتا-نوماد استانا» كۆن كومانداسى جانە «جاستار» تەاترى يەلەندى. ەلوردا الماتىدان اقمولاعا رەسمي تۇردە 1997-جىلدىڭ 10- جەلتوقسانىندا اۋىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات