+7 (701) 759 90 19
-9 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ورالدا ءمايىتحانادا 10 جاسار قىزدىڭ سۇيەگىن شاتاستىرىپ، باسقا بىرەۋلەرگە بەرىپ جىبەرگەن

22 قاراشا 09:28
:ءبولىسۋ
ورالدا ءمايىتحانادا 10 جاسار قىزدىڭ سۇيەگىن شاتاستىرىپ، باسقا بىرەۋلەرگە بەرىپ جىبەرگەن

ورال. قازاقپارات - ورالدا جول اپاتىنان قازا تاپقان 10 جاسار قىزدىڭ سۇيەگىن ءمايىتحانادا شاتاستىرىپ، باسقا بىرەۋلەرگە بەرىپ جىبەرگەن، دەپ حابارلايدى قازاقپارات ءتىلشىسى.

ايارۋ ەرمەكتىڭ اكەسى اسىلحان قازيەۆتىڭ ايتۋىنشا، ءمايىتحاناعا قىزىنىڭ سۇيەگىن الۋعا 21 -قاراشا كۇنى ساعات 17.00 شاماسىندا بارعان.

«ءمايىتحانا قىزمەتكەرلەرى قىزدىڭ سۇيەگىن بوكەي ورداسى اۋدانىنان كەلىپ، الىپ كەتتى دەدى. قايتا تانىستاردان بوكەي ورداسى اۋدانى سايقىن اۋىلدىق وكرۋگىندەگى شوڭاي ەلدى مەكەنىنەن كەلگەن تاعى ءبىر ءبۇلدىرشىن قىزدىڭ قايتىس بولعانىن، سۇيەگىن اۋىلعا الىپ كەتەدى دەپ ەستىگەنبىز. دەرەۋ تەلەفوندارىن تاۋىپ، سولارعا حابارلاستىق. سويتسەك، ولار جارتى جولعا، جاڭاقالا اۋدانى ماستەكساي اۋىلى تۇسىنا جەتىپ قالىپتى. ءمايىتتى اشىپ قاراماعان عوي. اشسا، باسقا قىز ەكەنىن كورگەن. ەندى ولار كەرى قايتتى. قىزىمىزدى جۇما كۇنى جەرلەگەلى وتىر ەدىك. ءوزىمىز قايعى جۇتىپ وتىرعاندا، مىنا جاعداي ءتىپتى ەسەڭگىرەتىپ تاستادى»، - دەدى قازاقپارات تىلشىسىنە ا. قازيەۆ.

قازا تاپقان ايارۋ ەرمەك - بوكەي ورداسى اۋدانىنان شىققان ەلگە تانىمال، ونەرلى اۋلەتتەن. اتاسى ەرمەك، اكەسى اسىلحان قازيەۆتەر - بەلگىلى دومبىراشىلار، اناسى اسەل داۋلەتوۆا - «اقجايىق» بي انسامبلىنىڭ جەتەكشىسى. ايارۋدىڭ ءوزى دە بيمەن، گيمناستيكا، كاراتەمەن اينالىسقان، تالابى زور ءبۇلدىرشىن ەدى.

ەسكە سالا كەتەيىك، بۇدان بۇرىن ورالدا 10 جاسار قىزدى قاعىپ، قاشىپ كەتكەن جۇرگىزۋشىنىڭ ۇستالعانىن جازعان بولاتىنبىز.

اۆتور: ەلجان ەرالى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات