قىتايدا سالوننىڭ توبەسىندە 10 جىل بويى الىپ جىلان ءومىر سۇرگەن
ابىروي بولعاندا جىلان كەلۋشىلەردىڭ باسىنا قۇلاپ تۇسپەگەن. ول سول توبەدە 10 جىل ءومىر سۇرگەن دەيدى.
سالون قوجايىنى جىلاندى كورىپ شوشىپ كەتىپ، بىردەن پوليسيا شاقىرتقان. پوليسيا قىزمەتكەرلەرى 5 مينۋتتىڭ ىشىندە «شاقىرىلماعان قوناقتى» ۇستاپ الىپ، زووباققا وتكىزگەن.
Daily Mail-دىڭ حابارلاۋىنشا، وقيعا 12 - قاراشا كۇنى فوشان قالاسىندا بولعان. جىلان توبەدەن قۇلاپ تۇسكەنىن سول سالوننىڭ قىزمەتكەرى كورگەن. زارداپ شەككەندەر جوق.
ەڭ قىزىعى جىلاننىڭ ويىن- ساۋىق ورتالىعىنا قالاي كىرگەنى بەلگىسىز. سالون قوجايىنى عيماراتتا جىلان بارىن وسىدان ون جىل بۇرىن ەستىگەنىن ايتادى. ال 3 جىل بۇرىن جوندەۋ جۇمىستارىن جۇرگىزگەن قىزمەتكەرلەر «قۇبىجىق» كورگەنىن ايتقان.
زوولوگتاردىڭ ايتۋى بويىنشا، جىلان سول توبەدە ءومىر ءسۇرىپ، تىشقاندارمەن قورەكتەنگەن. (جىلاندار شامامەن 20-25 جىل ءومىر سۇرەدى) .