سولتۇستىك قازاقستاندا مۇز قاتقان كولدەن 10 اققۋ قۇتقارىلدى

نۇر- سۇلتان. قازاقپارات - پەتروپاۆل قالاسىنىڭ ماڭىندا مۇز قاتقان كولدەن 10 اققۋ قۇتقارىلدى، دەپ حابارلايدى قازاقپارات.

بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت Facebook-تە جازدى.

«2019 -جىلدىڭ 12 - قاراشاسىندا پەتروپاۆل قالاسىنىڭ ماڭىندا سولتۇستىك قازاقستان وبلىستىق ورمان جانە جانۋارلار دۇنيەسى اۋماقتىق ينسپەكسياسىنىڭ مەملەكەتتىك ينسپەكتورلارى مۇزدانا باستاعان سۋ قويماسىنان 10 اققۋدى قۇتقاردى. ينسپەكتورلار توتەنشە جاعدايلار قىزمەتكەرلەرىمەن بىرگە قۇستاردى مۇز قاتپاعان «بەلوە» كولىنە جىبەردى. اۋماقتىق ورمان جانە جانۋارلار دۇنيەسى اۋماقتىق ينسپەكسياسى وڭىردەگى مۇنداي جاعدايلارعا تۇراقتى مونيتورينگ جۇرگىزەدى. جىل سايىن قىس تۇسكەندە تابيعات ينسپەكتورلارى جۇزدەگەن جابايى اڭداردى قۇتقارادى»، - دەلىنگەن حابارلامادا.

اۆتور: ايجان سەرىكجان قىزى