+7 (701) 759 90 19
-3 °С : نۇر-سۇلتان
3 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

بادام جاڭعاعىنىڭ 10 پايدالى قاسيەتى

11 قاراشا 22:33
:ءبولىسۋ
بادام جاڭعاعىنىڭ 10 پايدالى قاسيەتى

نۇر-سۇلتان.قازاقپارات - جاڭعاقتاردىڭ پايدالى تىسكەباسار ەكەنىن ءجيى ايتامىز. بۇگىن بادام جاڭعاعىنا جەكە توقتالۋدى ءجون كوردىك. ونىڭ ادام اعزاسىنا پايدالى 10 قاسيەتىن ۇسىنامىز.

1. بادام - پروتەين كوزى. ءبىر ۋىس بادامدا اقۋىزدىڭ كۇندىزگى نورماسىنىڭ 1/8 بولىگى بار. سوندىقتان ەتتى قاجەتتى مولشەردە جەمەيتىن نەمەسە مۇلدەم جەمەيتىن ادامدارعا بادام جەۋدى ۇسىنادى.

2. حولەستەرين تەپە- تەڭدىگىن ساقتايدى. كوپتەگەن زەرتتەۋلەر بادام قانداعى قالىپتى حولەستەرين دەڭگەيىن ۇستاۋعا كومەكتەسەتىنىن انىقتادى.

3. بادام جاڭعاعى - ە دارۋمەنىنىڭ كوزى. ءبىر ۋىس بادام جاڭعاعىندا ە دارۋمەنىنىڭ كۇندىزگى نورماسىنىڭ %37 ى بار. ە دارۋمەنى جاسۋشالارداعى حولەستەرول قىشقىلدانۋىن الدىن الادى، ال ول ءوز كەزەگىندە جۇرەك اۋرۋلارىنان قورعايدى جانە التسگەيمەر اۋرۋىن الدىن الادى. سونداي- اق ە دارۋمەنى تەرى جاسۋشالارىن قورعاپ، ءاجىمنىڭ ەرتە پايدا بولۋىن الدىن الادى. كىرپىككە ارنالعان ە دارۋمەنى

4. ارتىق سالماقتان ارىلۋعا كومەكتەسەدى. ەگەر جاڭعاقتار ءسىزدىڭ كالوريا نورماڭىزعا سايكەس كەلسە، بادامدى تاماقتانۋ ۇلەسىڭىزگە قوسۋ ارقىلى ارىقتاي الاسىز.

5. قاتەرلى ىسىكتىڭ جانە جۇرەك اۋرۋلارىنىڭ پايدا بولۋ قاۋپىن تومەندەتەدى. مەحيكو ۋنيۆەرسيتەتىنىڭ زەرتتەۋى بادام جاڭعاعىن ۋاقىتىلى جەۋ كەۋدە قاتەرلى ىسىگىنىڭ جانە توق ىشەك ىسىگىنىڭ پايدا بولۋ قاۋپىن 2-3 ەسەگە ازايتاتىنىن ورناتقان. كۇنىنە 50 گ بادام جەۋ قان جۇرەتىن تامىرلار قابىرعاسىن قاتايتادى، قانداعى انتيوكسيدانتتار دەڭگەيىن ارتتىرادى جانە ارتەريالىق قىسىم مەن قاناعىمدى جاقسارتادى.

6. ۇيقى ساپاسىن جاقسارتادى. بادام - ماگنيي، كالتسيي جانە مەلاتونين كوزى. ول - بۇلشىقەتتەردى بوساتۋعا جانە جاقسى ۇيقىعا ىقپال ەتەتىن جاڭعاق.

7. قانداعى قانت تەپە- تەڭدىگىن ساقتايدى. قانت ديابەتىن الدىن الۋدا دا بادام جاڭعاعىنىڭ پايداسى بار. جاڭعاقتاعى ماگنيدىڭ جوعارى مولشەرى قانداعى قانت دەڭگەيىنە جاقسى اسەر بەرەدى.

8. ىشەكتەر دەنساۋلىعىن جاقسارتادى. بادام (جاڭعاق نەمەس ماي تۇرىندە) قۇرامىنداعى پروبيوتيكتىڭ ارقاسىندا ىشەكتەر ميكلوفلوراسىنا جاعىمدى اسەر ەتەدى.

9. كوگنيتيۆتىك فۋنكتسيانى جاقسارتادى. بادام ميعا وتە پايدالى. ول مي بەلسەندىلىگىن ارتتىرادى.

10. شاش پەن تەرى ساۋلىعىن ساقتايدى. بادامدا ۆ دارۋمەنى، مىرىش، تەمىر، نيكوتين قىشقىلى، ريبوفلاۆين جانە ە دارۋمەنى بار. بۇل زاتتاردىڭ بارلىعى شاش پەن تەرىگە جىلتىرلىق پەن كۇش سىيلايدى.

بادام تۋرالى تاعى نە ءبىلۋ كەرەك؟

- تاعام قۇندىلىعى: ءبىر پورتسيا جاڭعاق (شامامەن 23 دانا) 3,5 گ جاسۇنىق، 6 گ اقۋىز جانە 14 گ مايدان تۇرادى.

- كۇنىنە نەشە جاڭعاق جەگەن ءجون؟ ءبىر پورتسيا، ياعني شامامەن 23 جاڭعاق.

- بادامدى كوپ مولشەردە جەۋ ۇسىنىلمايدى. ونىڭ قۇرامىندا جاسۇنىق كوپ بولعاندىقتان، ونى كوپ جەسەڭىز، ىشەكتەر جۇمىسىندا جايسىزدىقتار ورىن الۋى مۇمكىن.

- بادامدى اش قارىنعا جەۋگە بولا ما؟ ونى اش قارىنعا جەۋ ۇسىنىلادى، سول كەزدە ونىڭ قۇرامىنداعى پايدالى زاتتار اعزاعا جاقسى سىڭەدى.

- سۋلانعان بادامنىڭ ارتىقشىلىعى قانداي؟ سۋلانعان بادام جاقسىراق قورىتىلادى جانە سىڭەدى دەگەن پىكىر بار. ءبىراق وعان دالەلدەر از. سۋلانعان بادام جۇمسارا تۇسەتىندىكتەن كوپشىلىكتىڭ كوڭىلىنەن شىعادى. ونى سۋلاۋ ءۇشىن بادامدى سۋى بار ىدىسقا سالىپ، 8-12 ساعاتقا قالدىرادى.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات