+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

ءبىلىم ءمينيسترى توقايەۆقا حات جازعان 10 جاسار وقۋشىنىڭ ارمانىن ورىندادى

8 قاراشا 20:12
:ءبولىسۋ

نۇر-سۇلتان.قازاقپارات -تاياۋدا 10 جاسار الماتىلىق وقۋشى مەملەكەت باسشىسى قاسىم- جومارت توقايەۆقا حات جازعان ەدى. ارتىنشا بالانىڭ حاتى تۋرالى بۇكىل قازاقستاندىق ءبىلدى. مەكتەپ وقۋشىسى نۇرباقىت عالىمجاننىڭ اناسى حاتتىڭ يەسىنە جەتىپ، ۇلىنىڭ ارمانى ورىندالعانىن ايتتى.

پرەزيدەنتكە حات جازعان وقۋشىنىڭ اناسى الما سەرىكقالي Facebook جەلىسىندە ۇلىنىڭ ومىرىندەگى وزگەرىستەر تۋرالى ايتتى. ونىڭ سوزىنشە، ءبىلىم جانە عىلىم ءمينيسترى كىشكەنتاي عالىمجاننىڭ ارمانىن ورىنداعان.

ءوز كەزەگىندە الما سەرىكقالي مەملەكەت باسشىسى مەن مينيسترگە العىس ءبىلدىردى.

«ەل پرەزيدەنتىنىڭ قاراپايىمدىلىعى مەنىڭ انا جۇرەگىمدى ەلجىرەتىپ، وعان دەگەن شەكسىز قۇرمەتىمدى ارتتىردى.

سونداي- اق، ءبىلىمى مەن بىلىكتىلىگىنىڭ ارقاسىندا ءبىلىم بيىگىنىڭ تۇعىرىن باعىندىرعان ءبىلىم جانە عىلىم ءمينيسترى ايماعامبەتوۆ اسحات قانات ۇلى دا «4 - سىنىپ وقۋشىسىنىڭ حاتى» دەپ قاراماي ۇلكەن ازاماتتىق تانىتىپ، بالامنىڭ حاتىنا جاۋاپ جازۋى دا ونىڭ جاس تا بولسا قايراتكەرلىگىن كورسەتتى. اسحات قانات ۇلى وسى اسىل مىنەزىمەن كوپكە ۇلگى بولا وتىرىپ، ەندى عانا بۋىنى بەكىپ كەلە جاتقان بالا قىراننىڭ قاناتىنىڭ قاتايىپ، بيىككە سامعاۋىنا جول اشىپ، اسقاق ارمانىنىڭ جۇزەگە اسۋىنا ىقپال جاساپ، تاەكۆاندو سپورت سەكتسياسىنا جازدى. بۇگىنگى ءبىلىمنىڭ بيىگىندە وسىنداي ەل ءۇشىن ەت جۇرەگى ەلجىرەي بىلەتىن مەملەكەت قايراتكەرى تۇرعاندا كەم- كەتىگىمىز تۇزەلىپ، ەرىك- جىگەرىمىز قايرالا تۇسەرى انىق. ءبىز سىزگە سەنەمىز، اسحات قانات ۇلى!» - دەپ جازدى وقۋشىنىڭ اناسى.

ەسكە سالا كەتسەك، بۇعان دەيىن 10 - جاسار وقۋشىنىڭ پرەزيدەنتكە جازعان حاتى جاريالانعان ەدى. توقايەۆ حاتپەن تانىسىپ، ءبىلىم جانە عىلىم ءمينيسترى اسحات ايماعامبەتوۆكە وعان جاۋاپ بەرۋدى تاپسىردى. ارتىنشا ب ع م باسشىسى وقۋشىعا جاۋاپ بەردى.


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات