07:12, 08 - قاراشا 2019 | GMT +6
ەلىمىزدەگى 10 جوعارى وقۋ ورنىندا تەكسەرۋ جۇمىسى جۇرگىزىلەدى - ب ع م
نۇر- سۇلتان. قازاقپارات - بيىلعى قاراشا ايىنىڭ سوڭىنا دەيىن ب ع م ءبىلىم جانە عىلىم سالاسىنداعى ءبىلىم ساپاسىن قامتاماسىز ەتۋ كوميتەتىمەن ەلىمىزدەگى 10 ج و و- دا تەكسەرۋ جۇرگىزەدى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
پروفيلاكتيكالىق باقىلاۋ جانە بۇرىن- سوڭدى انىقتالعان كەمشىلىكتەر اتالعان تەكسەرۋ جۇمىسىنا نەگىز بولىپ وتىر.
«بۇگىنگى تاڭدا 3 جوعارى وقۋ ورنىندا تەكسەرۋ جۇمىستارى اياقتالىپ قالدى. اتاپ ايتساق، «قاينار» اكادەمياسى، «اقمەشىت» گۋمانيتارلىق- تەحنيكالىق ينستيتۋتى جانە ازاماتتىق اۆياتسيا اكادەمياسى تەكسەرۋدەن ءوتتى. زاڭنامانى ورەسكەل بۇزۋ فاكتىلەرى انىقتالعان جاعدايدا اكىمشىلىك ايىپپۇل سالىنادى جانە ءبىلىم بەرۋ قىزمەتى بويىنشا ليسەنزيانى ۋاقىشا توقتاتۋ ارقىلى اكىمشىلىك ىستەر قارالادى» دەلىنگەن حابارلامادا.
قاراشا ايىنىڭ سوڭىنا دەيىن ەلىمىزدەگى 7 جوعارى وقۋ ورنىندا تەكسەرۋ جۇمىستارى جۇرگىزىلەدى.