+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

توميريس پاتشايىم جايلى 10 دەرەك

7 قاراشا 11:25
:ءبولىسۋ
توميريس پاتشايىم جايلى 10 دەرەك

نۇر-سۇلتان. قازاقپارات - 1. پارسىلاردى ويسىراتا جەڭگەن توميريس پاتشايىم ب. ز. د. VI عاسىردىڭ باسىندا، ماسساگەت پاتشاسى سپارگاپيستىڭ وتباسىندا دۇنيەگە كەلگەن.

ونىڭ اناسى - ابي تايپاسى كوسەمىنىڭ قىزى.

2. توميريس دۇنيە ەسىگىن اشا سالا، اناسىنان ايىرىلعان. الايدا، كەيبىر دەرەكتەردە پاتشايىمنىڭ اناسى بالا بوسانعاندا ەمەس، ءسال كەيىن قايتىس بولعانى ايتىلادى.

3. توميريس - ساق كوسەمى يشپاكايدىڭ ۇرپاعى. پاتشايىمنىڭ اكەسى ەل جادىندا اسقان دانالىعىمەن، سوعىستاردى ءمىنسىز جۇرگىزۋ تاكتيكاسىمەن جانە تايپالار اراسىنداعى داۋ- دامايدى كەرەمەت شەشە بىلەتىن قاسيەتىمەن ساقتالعان.

4. توميريس بار بولعانى بەس جاسىندا اساۋ اتتى ۇيرەتىپ، ءبىر جىلدان كەيىن اكيناكتى (ساقتاردىڭ 40-60 سانتيمەترلىك سەمسەرى - رەد. ) قولدانۋدى ۇيرەنگەن.

5. بولاشاق پاتشايىم ون ءۇش جاسىندا نايزا، سەمسەرمەن كەرەمەت شايقاسۋدى ءبىلدى. ساداقتان وق اتۋعا كەلگەندە ول ەشكىمگە دەس بەرمەيتىن. توميريس مىنگەن ات شۋ دەگەندە ماڭىنا قارا ىلەستىرمەيتىن حاس تۇلپار ەدى.

6. ول اكەسى ۇيىمداستىرعان مەرەكەلىك جيىنداردىڭ بىرىندە بولاشاق كۇيەۋى رۋستامدى كەزدەستىرگەن. رۋستام - تيگراحاۋدا- ساقتاردىڭ پاتشاسى كاۆودانىڭ ۇلى. بىردە ءبىر رەت جەڭىلىپ كورمەگەن، مىقتى سارباز بولعان. رۋستامنىڭ قايراتتىلىعى مەن قايسارلىعىنا تامسانعان توميريس ونى وزىنە تەڭ كەلەتىن، ىڭكار سەزىمىنە لايىقتى جان دەپ شەشىپ، وعان تۇرمىسقا شىققان. الايدا، رۋستام شاڭىراق كوتەرگەننەن كەيىن ايەلىنە جاڭا قىرىمەن تانىلىپ، كوڭىلىن قالدىرعان ەكەن. مايداندا باتىر جاۋىنگەر قاراپايىم ومىردە كۇن سايىن دۋمانداتىپ توي تويلاۋدان شارشامايتىن قاراپايىم جان ەدى. ەڭبەكقور، قايسار مىنەزدى توميريس جولداسى ۇستانعان ءومىر سالتىن تۇسىنبەيتىن.

7. پاتشايىمدى تاقتان قۇلاتۋدى كوزدەگەندەر از ەمەس. توميريسمەن ءتىل تابىسا الماعان، ودان قورىققان تايپا كوسەمدەرى بار وتىنىشتەرىن اقكوڭىل، كوڭىلشەك رۋستام ارقىلى جەتكىزەتىن.

8. ساق پاتشايىمى توميريس - جاۋىنگەر ايەلدەردىڭ ءپىرى. ول ءبىرىنشى بولىپ مىڭداعان جاۋىنگەر ايەلدەردەن اسكەري جاساق قۇرعان. ايەلدەر باتىرلىق جاعىنان ەر ادامداردان كەم تۇسپەدى. ەر كىسىلەر سەكىلدى مايداندا ولىمنەن قورىقپاي باتىل شايقاستى.

9. گەرودوت «ەڭ ۇلى جانە ەڭ قاتىگەز» دەپ اتاعان شايقاس ساقتار مەن پارسىلاردىڭ اراسىندا وتكەن. شامامەن ب. ز. د 530-529 -جىلدارى كوپتەگەن ەلدەردى باعىندىرىپ، «ازيا بيلەۋشىسى» دەگەن اتپەن تانىلعان ميديا پاتشاسى كير ۇلى دالانى باعىندىرۋ ءۇشىن جورىققا شىقتى. شايقاستاردىڭ بىرىندە ول توميريسدىڭ كۇيەۋى رۋستامدى ءولتىرىپ، بالاسىن تۇتقىنعا الدى. پاتشايىمنىڭ ۇلى سپارگاپيس تۇتقىندا قازا تاپتى. الايدا، اقتىق شايقاستا ماسساگەتتەر پارسىلاردىڭ كۇل- تالقانىن شىعارىپ، جەڭىسكە جەتەدى.

10. پاتشايىم قايتىس بولعاندا ساق اسكەرى مەن جەرىنە ءبىر ەمەس، ءۇش ەر كىسى يەلىك ەتكەن.

oinet.kz


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات