شىعىس قازاقستان وبلىسىندا 10 اۋىل تاراتىلدى
تاراتىلعان ون شاقتى اۋىل ءتورت اۋدانعا قاراستى.
ايتالىق، كۇرشىم اۋدانى بويىنشا اقبۇلاق اۋىلدىق وكرۋگىنىڭ التاي اۋىلى، كۇرشىم اۋىلدىق وكرۋگىنىڭ دىڭگەك اۋىلى، مارقاكول اۋىلدىق وكرۋگىنىڭ تەنتەك اۋىلى تاراتىلدى. سونداي- اق قالعۇتى اۋىلدىق وكرۋگىنىڭ جىلىتاۋ اۋىلى تاراتىلىپ، قاراتوعاي اۋىلىنىڭ قۇرامىنا، قۇيعان اۋىلدىق وكرۋگىنىڭ قارابۇلاق اۋىلى تاراتىلىپ، قاينار اۋىلىنىڭ قۇرامىنا ەنگىزىلدى.
ۇلان اۋدانىنداعى بوزانباي اۋىلدىق وكرۋگىنە قاراستى اقجارتاس، قىزىلسۋ اۋىلدارى تاراتىلدى.
كوكپەكتى اۋدانىنا كەلسەك، بيعاش اۋىلدىق وكرۋگىنىڭ كومسومول اۋىلى تاراتىلىپ، ەگىنبۇلاق اۋىلىنىڭ قۇرامىنا، قويگەلدى اۋحادييەۆ اۋىلدىق وكرۋگتىڭ كىشى بوكەن اۋىلى تاراتىلىپ، ۇكىلى قىز اۋىلىنىڭ قۇرامىنا ەنگىزىلدى.
سونداي- اق شەمونايحا اۋدانى وكتيابرسكي اۋىلدىق وكرۋگىنىڭ سادوۆوە اۋىلى تاراتىلدى.
ايتا كەتەيىك، وبلىستىق ءماسليحاتتىڭ بۇل شەشىمى ون كۇننەن كەيىن ىسكە اسا باستايدى.
اۆتور ورازاي جەڭىس