سوڭعى ەكى جىلدا 10 قورىقشى ينسپەكتور براكونەرلىكپەن ۇستالدى - ۆيتسە-مينيستر
نۇر-سۇلتان. قازاقپارات – ق ر ەكولوگيا، گەولوگيا جانە تابيعي رەسۋرستار ۆيتسە-ءمينيسترى ەرلان نىسانبايەۆ قازاقستاندىق قورىقشىلار اراسىنداعى براكونەرلىك وقيعالارى تۋرالى ايتىپ بەردى، دەپ حابارلايدى قازاقپارات ءتىلشىسى.
«مۇنداي فاكتىلەر كەزدەسەدى. ماسەلەن، وتكەن جىل مەن بيىلعى 9 ايدا 10 وقيعا تىركەلگەن. ولاردىڭ بارلىعى بويىنشا سوت وتىرىسى ءوتىپ، ۇكىم شىقتى. سوڭعى فاكتى بويىنشا قىزمەتتىك شارالار ءجۇرىپ جاتىر. سوت شەشىمىن كۇتىپ وتىرمىز»، - دەدى ەرلان نىسانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، ۆيتسە-مينيستر قازاقستاندا تابيعاتتى قورعاۋ ينسپەكتورلارىنا بىلىكتىلىك تالاپتارى كۇشەيەتىنىن جەتكىزدى.
«بارلىق جەردە جاعىمسىز جايتتار بولىپ تۇرادى. سوندىقتان، ينسپەكتور لاۋازىمىنا جۇمىسقا قابىلدايتىن كەزدە بىلىكتىلىك تالاپتارىن كۇشەيتەمىز»، - دەدى ەرلان نىسانبايەۆ.
اۆتور: ايجان سەرىكجان قىزى
