جۇرتقا ۇناۋعا سەپتىگى تيەتىن 10 پسيحولوگيالىق امال

نۇر-سۇلتان. قازاقپارات - عالىمدار ءبىزدى باسقالار نەگە جاقىن تارتىپ تۇراتىنىن جانە بۇل بىلگەنىمىزدى ومىردە قالاي پايدالانۋعا بولاتىنىن ايتىپ بەردى.

1. سويلەسىپ وتىرعان كىسىنىڭ قيمىلدارىن قايتالاڭىز

اڭگىمە كەزىندە سويلەسىپ وتىرعان سۇحباتتاستىڭ قولداناتىن دەنە قيمىلدارى مەن ميميكالارىن ءسىز دە قولدانىڭىز. زەرتتەۋلەردىڭ ناتيجەسىنشە بۇلاي ىستەۋ ادامنىڭ كوڭىلىنەن شىعىپ، ۇناۋدى جىلدامداتادى.

2. ۋاقىتىڭىزدى ارالاسىپ، قارىم-قاتىناس ورناتقىڭىز كەلگەن اداممەن كوبىرەك وتكىزىڭىز

ءبىز تانىس ادامدى ۇناتىپ قالۋىمىزدىڭ ىقتيمالدىعى جوعارى. پسيحولوگتار ءبىر ەكسپەريمەنت جاساپ كورگەن: ستۋدەنتتەر تانىمايتىن ءتورت قىز ۋنيۆەرسيتەتتەگى ساباقتارعا قاتىسىپ ءجۇردى. ەكەۋى ساباققا ءجيى، قالعان ەكەۋى سيرەك بارىپ تۇردى. كەيىن ستۋدەنتتەرگە ول قىزداردىڭ سۋرەتتەرىن كورسەتىپ، ولاردىڭ قايسىسى كوبىرەك ۇناپ تۇرعانىن سۇرادى. ستۋدەنتتەردىڭ ساباقتا كوبىرەك كورگەن قىزدارعا كوڭىلى اۋعان.

3. سويلەسىپ وتىرعان ادامدى ماقتاپ قويىڭىز

جۇرت ءسىز ولاردى ماقتاپ ايتاتىن سىن ەسىم سوزدەرىن ءسىزدىڭ مىنەز- قۇلقىڭىزبەن بايلانىستىرادى. بۇنداي فەنومەن «اياق استىنان قاسيەتتەردى تاسىمالداۋ» دەپ اتالادى. ول كەرىسىنشە دە اسەر ەتەدى: ەگەر ءسىز اڭگىمە قاتىستى ادام تۋرالى جامان سوزدەر ايتساڭىز، جۇرت ءسىزدىڭ ايتقانىڭىزدىڭ ءبارىن وزىڭىزگە ءتان دەپ ويلاي باستايدى.

4. جاقسى دا جاعىمدى ەموتسيالارىڭىزدى كورسەتىڭىز

بىزگە اينالامىزداعىلاردىڭ كوڭىل كۇيى قاتتى اسەر ەتەدى. ءبىز سويلەسىسىپ وتىرعان ادامنىڭ ەموتسياسى قانداي بولسا، بەيسانالى تۇردە ءبىزدىڭ دە ەموتسيامىز سونداي بولىپ كەتەدى. جاعىمدى اسەر قالدىرۋ ءۇشىن جاقسى كوڭىل كۇيىڭىزدى كورسەتىڭىز.

5. بويىڭىزدان ءبىر ءمىن شىعىپ قالۋىنان قورىقپاڭىز

قانداي ءبىر كەمشىلىگىڭىزدى كورسەتىپ، قاتەلىك ىستەپ قويساڭىز، ءسىز دە جۇمىر باستى پەندە ەكەنىڭىزدى بىلدىرەسىز. قاتەلىكتەردىڭ سيمپاتياعا اسەرىن زەرتتەگەن عالىمدار وسىنى بايقاعان. ەكسپەريمەنتكە قاتىسۋشىلار ۆيكتورينانىڭ جازباسىن تىڭداپتى. ەگەر الدەبىرەۋ سۇراقتاردىڭ بارىنە دۇرىس جاۋاپ بەرىپ، سوڭىنا كەلگەندە كوفەنى توگىپ السا، ول ءمىنسىز بولعان باسقا ادامنان گورى كوبىرەك ۇناعان.

6. ورتاق پىكىر-كوزقاراستىرىڭىزعا كوڭىل اۋدارىڭىز

ءبىز وزىمىزگە ايتەۋىر ءبىر جەرى ۇقساس ادامداردى جاقىن تارتىپ تۇرامىز. بۇل «ۇقساستىق بويىنشا جاقىن تارتۋ ەففەكتى» دەپ اتالادى. ونىڭ ۇستىنە بىزگە ءوزىمىزدىڭ دە بويىمىزدان تابىلاتىن ناشار مىنەز- قۇلقى بار ادامدار ەرەكشە ۇنايدى.

7. سويلەسىپ وتىرعان ادامدى ول ءوزىن قانداي ەتىپ كورسەتكىسى كەلسە، سونداي كورىڭىز

جۇرت ءوزىن قانداي كورسە، باسقالار دا ولاردى سونداي كورگەنىن قالايدى. ادامنىڭ ءبىز تۋرالى وي- پىكىرى وزىمىزدىكىنە ساي بولسا، قارىم- قاتىناس ءساتتى جۇرەدى. سۇحباتتاسۋشى ءبىزدى تۇسىنەتىنىن سەزەمىز، ال بۇل بولسا، اراعا سەنىم ورناتۋ ءۇشىن قاجەت- اق.

8. جەكە ءبىر قۇپياڭىزبەن ءبولىسىڭىز

بۇل جاقسى ارالاسىپ كەتۋگە جانە ادامدى جاقسى ءبىلىپ الۋعا سەپتىگىن تيگىزەدى. جالپى تاقىرىپتاردىڭ بىرىنەن (مىسالى، جاقىندا عانا ەكەۋىڭىز دە كورگەن ءبىر فيلمنەن) باستاڭىز دا، اقىرىنداپ جەكە وزىڭىزگە قاتىستىلارعا اۋىسىڭىز. سوسىن ءوزىڭىزدىڭ ەشكىم بىلمەيتىن سىرىڭىزدى اشىڭىز. وسىلايشا كوڭىلدىڭ جاقىندىعى سەزىمى پايدا بولادى، ال سويلەسىپ وتىرعان ادامعا بولاشاقتا سىزگە شەشىلىپ بىردەڭە ايتۋىنا وڭايىراق بولادى.

9. سويلەسىپ وتىرعان ادامعا ءوزى تۋرالى ايتىپ بەرۋىنە كەڭشىلىك ەتىڭىز

گارۆارد ۋنيۆەرسيتەتىنىڭ عالىمدارى ءبىز ءوزىمىز تۋرالى ايتقان كەزدە تاماقتانۋدان، اقشادان الاتىن لاززاتپەن سالىستىرۋعا بولاتىن راحاتقا بولىنەتىنىمىزدى انىقتاعان. سوندىقتان سويلەسىپ وتىرعان ادامعا ءوزى تۋرالى ايتىپ بەرۋىنە مۇمكىندىك بەرىڭىز. وسىلاي قىلساڭىز، ونىڭ كوڭىلىندە سىزبەن بولعان اڭگىمە- دۇكەننەن جاعىمدى اسەر قالادى.

10. سويلەسىپ وتىرعان ادام وزىڭىزگە ۇناپ وتىرعانداي بولىڭىز

ادامنىڭ بىزگە دەگەن ىقىلاس-نيەتى جاقسى دەپ ويلاساق، ءبىز ءوزىمىز دە ونى ۇناتىپ، ءىلتيپاتىمىز ارتا باستايدى. بۇل قۇبىلىس ءوزارا سيمپاتيا دەپ اتالادى.

ونىڭ ۇستىنە، جۇرتتىڭ بىزگە دەگەن ىقىلاسى دۇرىس دەپ ويلاعان كەزدە، ءبىزدىڭ دە ولارعا كوڭىلىمىز ەرەكشە بولادى. وسىلايشا ءبىز جاقسى اسەر قالدىرۋ مۇمكىندىگىمىزدى ۇلعايتامىز.

ەگەر ءسىز سويلەسىپ وتىرعان ادامنىڭ سىزگە دەگەن كوڭىل- بەيىلى قانداي ەكەنىنە كوزىڭىز جەتپەسە، ول سىزگە ۇناپ وتىرعانداي ارەكەت ەتىڭىز. سوندا ونىڭ ءسىزدى ۇناتۋ ىقتيمالدىعى جوعارىلاي تۇسەدى.