08:45, 21 - قازان 2019 | GMT +6
پەتروپاۆلدا ەسىرتكىنى جارنامالاعان بويجەتكەن 10 كۇنگە قامالدى
پەتروپاۆل. قازاقپارات - پەتروپاۆلدا پسيحوتروپتىق زاتتار مەن ەسىرتكى تاراتاتىن سايتتاردى جارنامالاعان 18 جاستاعى قىز جازالاندى، دەپ حابارلايدى قازاقپارات ءتىلشىسى.
پەتروپاۆل قالاسىنىڭ مامانداندىرىلعان اكىمشىلىك سوتىنىڭ اقپاراتىنا سۇيەنسەك، قالانىڭ 18 جاستاعى تۇرعىنى اكىمشىلىك قۇقىق بۇزدى دەپ تانىلىپ، وعان 10 كۇنگە قاماۋ تۇرىندەگى جازا بەلگىلەنگەن.
ءىس ماتەريالدارىنا قاراعاندا، قىركۇيەكتىڭ باسىندا قىز جۇمىسشىلار كەنتىندەگى عيمارات قابىرعالارىنا قارا ماركەرمەن ءتۇرلى جازۋلار جازعان. جازبالاردا پسيحوتروپتىق زاتتار مەن ەسىرتكى تاراتاتىن سايتتارعا سىلتەمە جاسالعان.
سوتتىڭ شەشىمى زاڭدى كۇشىنە ەندى، قىز اكىمشىلىك قاماۋعا الىندى.
اۆتورى ولەسيا جۋكوۆەن