+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

رەسپۋبليكالىق «التىن تۇلپار» بايگەسىنىڭ 10 ميلليون تەڭگە باس جۇلدەسى كىمگە بۇيىردى

13 قازان 15:19
:ءبولىسۋ
رەسپۋبليكالىق «التىن تۇلپار» بايگەسىنىڭ 10 ميلليون تەڭگە باس جۇلدەسى كىمگە بۇيىردى

اتىراۋ. قازاقپارات - بەسىنشى مارتە ۇيىمداستىرىلعان 51 شاقىرىمدىق «التىن تۇلپار» بايگەسى العاش رەت اتىراۋدىڭ ءتوسىن دۇبىرلەتتى، دەپ حابارلايدى قازاقپارات ءتىلشىسى.

ق ر ۇلتتىق سپورت قاۋىمداستىعىنىڭ مالىمەتىنشە، اتىراۋ وبلىسى اكىمدىگى مەن ۇلتتىق سپورت قاۋىمداستىعىنىڭ اتىراۋ وبلىستىق فيليالى ۇيىمداستىرعان الاماندا 12 ءوڭىردىڭ قىرىققا جۋىق جۇيرىگى باق سىنادى. «نۇر وتان» پارتياسى مەن ق ر مادەنيەت جانە سپورت مينيسترلىگىنىڭ قولداۋىمەن وتكەن بايگەنىڭ باس جۇلدەسى 10 ميلليون تەڭگە بولدى. سايىستىڭ جالپى جۇلدە قورى 22 ميلليون تەڭگەنى قۇرادى.


2017 -جىلى وتكەن «التىن تۇلپاردا» ارقان بويى عانا ارتتا كەلىپ، ەكىنشى ورىندى يەلەنگەن جەتىسۋدىڭ جۇيرىگى «قويان قاسقانى» ارادا ەكى جىل وتكەندە يەلەرى قىزىلوردا وبلىسىنىڭ اتىنان قايتا قوسقان. «قويان قاسقا» بۇل جولى ناعىز بابىندا ەكەن. سايگۇلىكتىڭ يەسى بەردىبەك ماحانوۆتىڭ ايتۋىنشا، بۇل جارىسقا جۇيرىكتى ءبىر اي بويى اتىراۋدا ارنايى باپتاعان. ەڭبەك اقتالىپ، جارىس جولىنا شىققان 40-قا جۋىق سايگۇلىكتىڭ الدى بولىپ مارەگە جەتكەن. وسىلايشا، 10 ميلليون تەڭگەلىك باس بايگەنى ولجالاپ قايتتى.


«التىن تۇلپار - جايىق جاعاسىندا» الامان بايگەسىندە جۇلدە العاندار:

1-ورىن: قىزىلوردا وبلىسىنان كەلگەن «قويانقاسقا» اتتى اعىلشىن تۇقىمدى جيرەن بيە. شاباندوزى - عالىمنۇر نوعايبەك، ات يەسى - بەردىبەك ماحانوۆ، باپكەرى - قۋات ءابسالياموۆ. (10 ميلليون تەڭگە)

2-ورىن: جامبىل وبلىسىنان كەلگەن «شىمشىق» اتتى 7 جاستاعى بۋدان تورى بيە. شاباندوزى - الديار سانسىزباي، ات يەسى - جاسۇلان ابدىبەكوۆ، باپكەرى - ماقسات مۇراحانبايەۆ. (5 ميلليون تەڭگە)


3-ورىن: جامبىل وبلىسىنان كەلگەن «دوس» اتتى 5 جاستاعى تورى ايعىر. شاباندوزى - نۇر سايلاۋ، ات يەسى - ەلدوس سۇلتانبەكوۆ، باپكەرى - سەرىك الىمبەكوۆ. (2,5 ميلليون تەڭگە)

4-ورىن: ماڭعىستاۋ وبلىسىنان كەلگەن «ايتوبەل» اتتى 5 جاسار قوڭىر بۋدان ايعىر. شاباندوزى - ەربولات جاڭبىربايەۆ، ات يەسى ءارى باپكەرى - كەلدىباي يبرايەۆ. (1,5 ميلليون تەڭگە)

5-ورىن: اتىراۋ وبلىسى ماحامبەت اۋدانىنان كەلگەن «جەزكيىك» اتتى اعىلشىن تۇقىمدى 7 جاسار قۇلان بيە. شاباندوزى - يناپحان نۇراسىل، ات يەسى - مارات وتەپوۆ، باپكەرى - قانات ماحامەتالييەۆ. (1 ميلليون تەڭگە)

6-ورىن: اتىراۋ وبلىسى جىلوي اۋدانىنان كەلگەن «جەتىقازىنا» اتتى بۋدان ايعىر. شاباندوزى - جانداۋلەت شالابەكوۆ، ات يەسى - «باقاي» كورپاراتسياسى، باپكەرى - ازامات ءپىرجانوۆ. (750 مىڭ تەڭگە)


7-ورىن: الماتى وبلىسى اققاينار اۋىلىنان كەلگەن «جاۋجۇرەك» اتتى 4 جاستاعى قازاقى كۇرەڭ ايعىر. شاباندوزى - ەراسىل ادىلبەك، ات يەسى - بەكارىس ۇمبەتوۆ، بەپكەرى - زاڭعار بايقانبايەۆ. (550 مىڭ تەڭگە)

8-ورىن: الماتى وبلىسى تالعار اۋدانىنان كەلگەن «وسكەمەن» اتتى 4 جاسار اعىلشىن تۇقىمدى تورى ايعىر. شاباندوزى - نۇربولات سۇنەتاي، ات يەسى - مەرحات بۇلعىنوۆ، باپكەرى - نۇرجىگىت تابىلديەۆ. (400 مىڭ تەڭگە)

9-ورىن: اتىراۋ وبلىسى، يندەر اۋدانىنان كەلگەن «امينا» ەسىمدى 6 جاستاعى كوك بيە. شاباندوزى - باقداۋلەت ەسىمجان، ات يەسى ءارى باپكەرى - ولجاس شونىشيەۆ. (300 مىڭ تەڭگە)

الامان بايگەنىڭ جەڭىمپازدارىن «نۇر وتان» پارتياسىنىڭ حاتشىسى عابيدوللا وسپانقۇلوۆ، اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ، ۇلتتىق سپورت قاۋىمداستىعىنىڭ باس حاتشىسى نۇرسۇلتان يبراگيموۆ قۇتتىقتاپ، ماراپاتتادى.

اۆتور: مارلان جيەمباي


باستى سوزدەر: ايماق, سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات