باسپانا كەزەگى: باستاپقى جارنا 10 پايىزعا دەيىن تومەندەتىلۋى مۇمكىن

None
None
نۇر-سۇلتان. قازاقپارات - اكىمدىكتە كەزەكتە تۇرعان ازاماتتار ءۇشىن باستاپقى جارنا نەسيە سوماسىنان 10 پايىزعا دەيىن تومەندەتىلمەك.

بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىنگى كۇنى تۇرعىن ءۇي قۇرىلىس جيناق بانكىندەگى سالىمشىلاردىڭ سانى 1,4 ميلليون ادام بولدى نەمەسە 440,3 ميلليارد تەڭگە قاراجات جيناعان 460 مىڭ وتباسىنا جەتتى. شامامەن، 160 مىڭ سالىمشى اكىمدىكتە كەزەكتە تۇرعان ادامدار»، - دەدى مينيستر ب. اتامقۇلوۆ پارلامەنت ماجىلىسىندە «نۇرلى جەر» باعدارلاماسىنىڭ جۇزەگە اسىرىلۋىنا ارنالعان ۇكىمەت ساعاتىندا.

سونىمەن قاتار، ۆەدومستۆو باسشىسى جەرگىلىكتى اتقارۋشى ورگانداردا باسپانا كەزەگىندە تۇرعانداردىڭ باستاپقى جارناسىن تومەندەتۋ ماسەلەسى پىسىقتالىپ جاتقانىن جەتكىزدى.

«تۇرعىن ءۇيدىڭ قولجەتىمدىلىگىن ارتتىرۋ ماقساتىندا اكىمدىكتە كەزەكتە تۇرعان ازاماتتار ءۇشىن باستاپقى جارنانى كرەديت سوماسىنان 10 پايىزعا دەيىن تومەندەتۋ قاراستىرىلۋدا»، - دەپ اتاپ ءوتتى مينيستر.

سوڭعى جاڭالىقتار