05:34, 19 - قىركۇيەك 2019 | GMT +6
دارىگەرلەر ەر ادامنىڭ باسىنان 10 سانتيمەترلىك ءمۇيىز كەسىپ العان
نۇر- سۇلتان. قازاقپارات - اتالمىش وقيعا ءۇندىستان مەملەكەتىندە ورىن العان ەكەن.
74 جاستاعى شيام لال ياداۆ ەسىمدى ەر ادام بىرنەشە جىل بۇرىن باسىن جاراقاتتاپ السا كەرەك. كەيىن ول جارانىڭ ورنىنا «ءمۇيىز» ءوسىپ شىققان.
ەر ادام اۋەلدە ول ءمۇيىزدى ءوزى كەسىپ العىسى كەلگەن. ۇزاماي شاشتارازىنا دا سونداي ءوتىنىش بىلدىرەدى. الايدا، ءمۇيىزى ىرىققا كونبەسە كەرەك. ارتىنشا لال ياداۆ دارىگەرلەردىڭ كومەگىنە جۇگىنگەن.
دارىگەرلەر بۇل دەرتتى «تەرى ءمۇيىزى» نەمەسە «شايتان ءمۇيىزى» دەپ اتايدى ەكەن. ول باس جاراقاتى كەزىندە كۇن ينفەكتسياسى تۇسكەننەن پايدا بولاتىنىن جەتكىزگەن. ابىروي بولعاندا وتا جاسالىپ، ەر ادام قازىر وڭالۋ جولىندا ەكەن.