ەلىمىزدە ەڭ كوپ ساتىلاتىن 10 كولىكتىڭ توعىزى قازاقستاندا وندىرىلەدى

None
None
نۇر-سۇلتان. قازاقپارات - قازاقستان اۆتوبيزنەس قاۋىمداستىعى ەلىمىزدە تامىز ايىندا قانشا كولىك ساتىلعانى تۋرالى ايتتى، دەپ حابارلايدى قازاقپارات.

وتاندىق ديللەرلەر تامىز ايىندا 5781 جەڭىل كولىك پەن جەڭىل كوممەرتسيالىق تەحنيكانى، سونداي-اق 607 جۇك كولىگى مەن ارنايى تەحنيكانى، اۆتوبۋستاردى ساتقان. قازاقستاندىقتار تامىزدا كولىك ساتىپ الۋ ءۇشىن 60 ميلليارد تەڭگە جۇمساعان.

«تامىز ايىندا كوشباسشىلار ءتىزىمىن Lada - 1377 اۆتوموبيل باستادى (وتكەن ايعا قاراعاندا -%3). ەكىنشى ورىن Hyundai ماركاسىندا بولسا (1269 بىرلىك؛ -%8) ، ءۇشىنشى ورىن Toyota (1 254 اۆتو (-%12) ) ماركاسىندا.

قوستاناي ءوندىرىسىنىڭ Ravon اۆتوموبيلدەرى ءتورتىنشى 323 بىرلىك؛ -%1 ورىنعا تۇراقتاپ، نىعايۋىن جالعاستىرۋدا. بىردەن ءۇش برەند Renault (238 بىرلىك؛ -%2، Nissan 191 بىرلىك؛ -%1 جانە Volkswagen 176 بىرلىك؛ %87+ Kia 162 ماركاسىن تومەنگە ورىندارعا ىسىرىپ جىبەردى. ۇزدىك وندىققا Lexus پرەميۋم سەگمەنتى (139 بىرلىك) جانە Skoda اۆتوكولىكتەرى (93 بىرلىك؛ -%45) تۇيىندەدى»، - دەپ حابارلايدى قاۋىمداستىقتان.

مودەلدەردى ەسەپكە العاندا ءبىرىنشى ورىندى Toyota Camry 70 ۇستاپ تۇر. وتكەن ايدا اتالمىش ماركامەن 578 كولىك ساتىلعان. ەكىنشى ورىن Lada Granta - 453 اۆتو. ودان كەيىنگى ورىنداردى Lada Vesta (381)، Hyundai Tucson (373) ، Ravon Nexia R3 (317 بىرلىك، Hyundai Creta 299 بىرلىك، Hyundai Elantra 264 بىرلىك، Lada 4x4 252 بىرلىك، Hyundai Accent 243 بىرلىك جانە Lada Largus 211 بىرلىك جالعاستىرىپ كەتە بەرەدى.

قازاقستاندا ەڭ كوپ ساتىلاتىن 10 كولىكتىڭ توعىزى وتاندىق كاسىپورىنداردا وندىرىلەدى.

سوڭعى جاڭالىقتار