ارال تەڭىزىنىڭ قۇرعاعان تابانىنا 10 مىڭ گەكتار سەكسەۋىل وتىرعىزىلدى

نۇر- سۇلتان. قازاقپارات - وڭتۇستىك كورەيانىڭ ورمان قىزمەتى ارال تەڭىزىنىڭ قۇرعاعان تابانىن يگەرۋگە 1,7 ميلليون دوللار ءبولدى.

بۇل جونىندە «قازاقستان بيو الۋان تۇرلىلىكتى ساقتاۋ قورى» ديرەكسياسىنىڭ باسشىسى اسىلحان اسىلبەكوۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«جىل سايىن ارال تەڭىزىنىڭ قۇرعاعان تابانىنان جەلمەن بىرگە 80 ميلليون تونناعا دەيىن ۋلى تۇز كوتەرىلەدى. ارالدىڭ تۇزى مەن قۇمى گرەنلانديا، امەريكا جانە ت. ب. ەلدەردەن تابىلدى. بۇل قازاقستاننىڭ عانا ەكولوگيالىق جاعدايى عانا ەمەس، سونداي- اق، الەمدىك پروبلەما»، - دەدى ا. اسىلبەكوۆ قورعالجىن مەملەكەتتىك تابيعي قورىعىندا ستەللانىڭ اشىلۋ سالتاناتىندا.

سەكسەۋىل قۇمنىڭ بەلگىلى ءبىر مولشەرىن ۇستاپ تۇرا الادى. وسىلايشا قۇم ورنىعىپ الىپ، ءشولدى بولدىرمايدى.

«ءبىر جىلدىڭ ىشىندە ارالدىڭ قۇرعاپ قالعان تابانىندا 10 مىڭ گ ا نەمەسە 3,640 ميلليون سەكسەۋىل كوشەتى وتىرعىزىلدى»، - دەپ قورىتىندىلادى ا. اسىلبەكوۆ.