+7 (701) 759 90 19 Лента
20 °С : نۇر-سۇلتان
22 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

لاتىن الىپبيىنە كوشۋ تاعى 10 جىلعا سوزىلاتىنى راس پا؟

17 شىلدە 09:56 65
:ءبولىسۋ
لاتىن الىپبيىنە كوشۋ تاعى 10 جىلعا سوزىلاتىنى راس پا؟

نۇر-سۇلتان. قازاقپارات – مادەنيەت جانە سپورت مينيسترلىگى «قازاقستاندا لاتىن گرافيكاسىنا اۋىسۋ 2020-2035-جىلدارعا دەيىن سوزىلادى» دەگەن رەسەيلىك ب ا ق بەتىندە جاريالانعان اقپاراتتى جوققا شىعاردى دەپ حابارلايدى Sputnik قازاقستان.

مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ ءتوراعاسى عالىمجان مەلدەشوۆ لاتىن گرافيكاسىنا اۋىسۋ 2035-جىلعا دەيىن سوزىلادى دەگەن مالىمەتتىڭ شىندىققا جاناسپايتىندىعىن ايتتى.

«قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» جارلىعىنا سايكەس قازاقستان ۇكىمەتى ءالىپبيدى 2025-جىلعا دەيىن كەزەڭ-كەزەڭىمەن اۋىستىرۋ ءۇشىن شارالار جوسپارىن بەكىتتى»، - دەدى ول.

ايتا كەتەيىك، لاتىن الىپبيىنە كوشۋ شارالارىنىڭ جوسپارى ءۇش كەزەڭنەن تۇرادى. 2018-2020-جىلدارى نورماتيۆتىك قۇقىقتىق اكتىلەردى جەتىلدىرۋ، جاڭا ءالىپبيدىڭ جازۋ ەرەجەلەرىن قۇراستىرۋ جانە ماتىندەردى لاتىن گرافيكاسىنا كوشىرىپ جازاتىن IT قوسىماشالار جاساپ شىعارۋ كوزدەلگەن.

«كەلەسى كەزەڭ 2021-2023-جىلدارعا جوسپارلانعان. وسى ارالىقتا مەملەكەتتىك جانە جەرگىلىكتى اتقارۋشى ورگاندار قابىلداعان نورماتيۆتىك قۇقىقتىق اكتىلەر لاتىن گرافيكاسىنا كوشىرىلەدى، ءتولقۇجات، جەكە كۋالىك جانە باسقا قۇجاتتار ايىرباستالادى»، - دەيدى مەلدەشوۆ.

ال 2024-2025-جىلدارى مەملەكەتتىك ورگاندار مەن جەرگىلىكتى اتقارۋشى ورگاندار ءىس قاعازدارىن لاتىن الىپبيىندە جۇرگىزە باستايدى. مەملەكەتتىك ب ا ق پەن ءبىلىم بەرۋ مەكەمەلەرى دە لاتىن گرافيكاسىنا اۋىسادى.

«قازىر 2020-2025-جىلدارعا تىلدەردى دامىتۋ جانە قولدانۋ تۋرالى مەملەكەتتىك باعدارلامالار ازىرلەنىپ جاتىر. نەگىزگى ماقسات - لاتىن گرافيكاسى نەگىزىندە قازاق ءالىپبيىن جاڭعىرتۋ»، - دەيدى مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ ءتوراعاسى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات