كاسپي بانك بۇرىنعى قىزمەتكەرى تۋرالى اقپاراتقا 10 ميلليون تەڭگە بەرمەك

پاۆلودار. قازاقپارات - Kaspi Bank بۇرىنعى قىزمەتكەرىن ىزدەپ جاتىر.

ول تۋرالى اقپارات بەرۋشىگە 10 ميلليون تەڭگە سىياقى تاعايىندالدى، دەپ حابارلايدى قازاقپارات بانكتىڭ Instagram پاراقشاسىنا سىلتەمە جاساپ.

پاۆلودار قالاسىندا Kaspi Bank قىزمەتكەرى بولعان رۋسلان سەكسەمبايەۆ بانك كليەنتتەرىن كەپىلدەگى جىلجىمايتىن مۇلىكتى ساتىپ الۋعا كومەكتەسەمىن دەگەن ۋادەمەن ءوزىنىڭ شوتىنا قاراجات اۋدارتىپ وتىرعان.

«قازىر پوليتسيا ىزدەۋ جۇمىستارىن جۇرگىزىپ جاتىر. Kaspi قىلمىسكەردى تاۋىپ، جازالاۋ، كليەنتتەردىڭ مۇددەلەرىن قورعاۋ ماقساتىندا قۇقىق قورعاۋ ورگاندارىمەن بەلسەندى جۇمىس جۇرگىزۋدە. الاياقتىڭ قازىرگى ورنالاسقان جەرى تۋرالى اقپارات ءۇشىن Kaspi 10 000 000 تەڭگە مولشەرىندە سىياقى تاعايىندايدى»، - دەلىنگەن حابارلامادا.

بانك وكىلدەرى كۇدىكتى تۋرالى دەرەكتەردى 77052111693+ تەلەفون ءنومىرى ارقىلى Kaspi-دىڭ قاۋىپسىزدىك قىزمەتىنە حابارلاۋعا بولاتىنىن ايتىپ وتىر.

«ەگەر ءسىز نەمەسە ءسىزدىڭ جاقىندارىڭىز وسى ادامنىڭ ارەكەتتەرىنەن زارداپ شەكسەڭىزدەر، پاۆلودار قالاسىنىڭ قۇقىق قورعاۋ ورگاندارىنا ارىزبەن جۇگىنۋىڭىزدى سۇرايمىز. بانكپەن جاسالاتىن بارلىق قارجىلىق قاتىناستاردىڭ شارتپەن بەكىتىلەتىنىن ەستەرىڭىزگە سالامىز. بانك ەشقاشان بىرەۋدىڭ شوتىنا قاراجات اۋدارۋدى تالاپ ەتپەيدى»، - دەلىنگەن اقپاراتتا.