12:45, 11 - شىلدە 2019 | GMT +6
قوستانايدا ءىز-ءتۇزسىز جوعالىپ كەتكەن 10 جاسار قىز بوگدە ادامنىڭ ۇيىنەن تابىلدى
قوستاناي. قازاقپارات - ۇزىنكول اۋدانىندا جوعالىپ كەتكەن قىز بوگدەنىڭ ۇيىنەن تابىلدى، دەپ حابارلايدى قازاقپارات.
9 -شىلدە كۇنى اۋداندىق پوليتسيا بولىمشەسىنە 10 جاسار قىزدىڭ جوعالىپ كەتكەنى تۋرالى حابار كەلىپ تۇسكەن. ىزدەۋ جۇمىستارىنا ەرىكتىلەر، ت ج د قىزمەتكەرلەرى دە اتسالىستى.
«پرەسنوگوركوۆ اۋىلىنان 100 مەتر اۋماقتا 10 جاسار قىزدى ىزدەۋ جۇمىستارى ءجۇردى. كەش ۋاقىتىنا تامان جەرگىلىكتى پوليتسيا قىزمەتىنىڭ ماماندارى جوعالىپ كەتكەن قىزدى بوگدە ايەلدىڭ ۇيىنەن تاپتى»، - دەلىنگەن ت ج د باسپا ءسوز حابارلاماسىندا.
ازىرگە قىزدىڭ قانداي جاعدايدا جوعالىپ كەتكەنى بەلگىسىز. وبلىستىق پوليتسيا دەپارتامەنتىنىڭ باسپا ءسوز قىزمەتى رەسمي اقپارات جاريالاعان جوق.