دانىشپاندار ايتقان تاماشا ءومىر ءسۇرۋدىڭ 10 قاعيداسى

نۇر-سۇلتان. قازاقپارات - ءاربىر حالىقتىڭ دانىشپاندارى بار. ولاردىڭ ۇلاعاتتى سوزدەرى بۇكىل ادامزاتتىڭ اسىل قازىناسى.

فيليپپ حۋمبەرت دەگەن اتاقتى پسيحياتر ولاردىڭ اراسىنان ونىنىڭ ايتقاندارىن ىرىكتەپ الىپ، باقىتقا جەتۋدىڭ جولى دەپ قاراستىرعان:

1. ءوزىڭدى تانى (سوكرات).

2. قالاي بولساڭ سول قالپىڭدا كورىن نە سىرتتاي قالاي بولساڭ سول

 قالىبىڭدى ساقتا ( ءماۋلانا) .

شىنشىل، ءادىل بول دا دۇرىس ويلا. جۇرەگىڭە قۇلاق سال دا ونى قورعا. ومىردە ءبىر نارسەلەردى قورعاۋ ءۇشىن اتسالىسپاساڭ، مارتەبەڭ تۇسەدى.

3. ەڭ جوعارىدا عاشىقتىق بار (ازيز پاۋل).

داۋىستى ىرعاققا اينالدىرعان عاشىقتىق. عاشىقتىق، سۇيىسپەنشىلىك بولماسا، ءومىرىڭ سولعان گۇلدەن ەش ايىرماشىلىعى قالمايدى.

4. دۇنيەنى قيال-ويدىڭ كۇشى شىر كوبەلەك اينالدىرادى (البەرت ەنشتەين).

ىستەگەن امالدارىڭنىڭ بارلىعى ەڭ الدىمەن قيال- ويدان باستاۋ الادى. ءومىر دەگەن بارلىق ادامدار ءۇشىن ويلاعاندارىن جۇزەگە اسىرۋ. بوببي كەننەديدىڭ ايتقانىنداي: «ادامدار دۇنيەگە قاراپ: «نە ءۇشىن؟» دەپ سۇرايدى. مەن باسقا ءبىر دۇنيە جايلى ويلاپ «نەگە ونداي بولماسىن؟» دەپ سۇرايمىن.

5. اسقان ادەمىلىك كوزدى شىعارماسا كەرەك (ماە ۆەست).

تاماشا ءومىردى نەگە راحاتتانىپ وتكىزبەسكە؟! باقىتتى ءبولىسۋ كەرەك. ءومىردى سۇيىسپەنشىلىك سەزىمى ودان سايىن قىزىققا اينالدىرادى. جاننىڭ ىرعاعىندا: «قانەكي، العا، ءوزىڭدى كورسەت» دەگەن لەپ بار. تاكاپپارلىق ەمەس، ۇمتىلىس!

6. مۇمكىندىكتەردى قالت جىبەرمەگەن سايىن كوبەيە تۇسەدى (سۋنزى).

جەڭىس قايسارلىقتى قاجەت ەتەدى. باستاپقى كەزدەگى قايسارلىق كەيىننەن سەنىمگە اينالادى. سەنىم ادام بويىنداعى قىزمەتكە دەگەن ىنتانى وياتقاندا، مۇمكىندىكتەر ودان سايىن ارتا بەرەدى.

7. ءومىر جىلدام شەشىم قابىلداۋدى تالاپ ەتەدى (يودا).

كۇدىكتەنگەندەر ارتتا قالادى. ءومىردىڭ ۇستىمەن جۇرمەسەڭ، ءومىر سەنىڭ ۇستىڭنەن جۇرەدى.

8. كەمەلدىك قوساتىن، نە الىناتىن ءبىر نارسە قالماعان كەزدە پايدا بولادى (انتونيە دە ەحۋ پەريۋ).

ءومىرىڭدى جەڭىلدەت. جەڭىلدەتە ءتۇس، تاعى دا تاعى دا... سول كەزدەگى جاعدايعا ءبىر قارا. ارمان-تىلەكتەرىڭدى ازايت. ەگەر ازايتاتىن بولساڭ، جەتىستىككە جەتەسىڭ.

9. قابىلەت بولماسا، ونەرلى بولمايدى، الايدا ەڭبەك ەتىپ، تەر توكپەسەڭ قابىلەتىڭ تۇككە دە جارامايدى (ەميل زوليا).

تەك قانا اقىلدى، سانالى ءارى ۇقىپتى ارەكەتتەردىڭ ناتيجەسىندە ۇلكەن جەتىستىكتەرگە جەتۋگە بولادى.

10. ءومىر ءسۇرۋدىڭ ەكى جولى بار. ەشقانداي نارسە مۇعجيزا ەمەس سياقتى ءومىر ءسۇرۋ... ەكىنشىسى، بارلىق نارسە مۇعجيزا سياقتى ءومىر ءسۇرۋ (البەرت ەنشتەين). شۇكىر ەتۋدى ۇمىتپاۋ كەرەك!

 

دەرەككوز: Reactor