كيم چەن ىن تۋرالى 10 قىزىقتى دەرەك: ول دارەتحاناعا بارمايدى

 نۇر-سۇلتان. قازاقپارات - الەمدەگى ەڭ قۇپيا مەملەكەتتىڭ ەڭ اتىشۋلى كوشباسشىسىنىڭ جەكە ءومىربايانى بارلىعىنىڭ قىزىعۋشىلىعىن تۋدىراتىنى انىق.

ونىڭ ءوز جاسىندا وسىنشالىقتى اتاق-ابىرويعا جەتۋ جولى دا بەيمالىم. سولتۇستىك كورەيا سەكىلدى ونىڭ ليدەرى تۋرالى دا اقپارات تىم از. ديكتاتور ەشقانداي جۋرناليستكە اقتارىلا سۇحبات بەرمەيدى. سونداي-اق ونىڭ ءومىربايانىندا كۇدىك تۋعىزاتىن فاكتىلەر دە كوپ.

ەگەر ونىڭ ناعىز جاسى مەن عىلىمي اتاقتارىن، تاعى دا قىزىقتى دەرەكتەردى بىلگىڭىز كەلسە، ءارى قاراي وقىڭىز.

1. ونىڭ رەسمي اتاقتارى

ك ح د ر كوشباسشىسى ەڭ كوپ اتاعى بار ادامدار ساناتىنا جاتادى: ونى «ك ح د ر باس قولباسشىسى، پارتيانىڭ، ارميانىڭ، حالىقتىڭ ءتوراعاسى» دەپ اتايدى. الەمگە تانىلا ءتۇسۋ ءۇشىن ول وزىنە تاعى مىناداي اتاقتار جاساتقان: «جاڭا جۇلدىز»، «كەرەمەت باسشى»، «دانىشپاندار ىشىندەگى دانىشپان» جانە «ك ح د ر مارشالى».

بۇل ءالى سوڭى ەمەس. «دانىشپان» كيم چەن ىن فيزيكا عىلىمى بويىنشا عالىم جانە ەكونوميكا عىلىمدارىنىڭ دوكتورى بولىپ سانالادى.

2. Nike كروسسوۆكالارىنا دەگەن ماحاببات

وقىپ جۇرگەن ۋاقىتىندا كيم چەن ىن ساياساتقا ايتارلىقتاي قىزىقپاعان جانە اكەسىنىڭ انتيامەريكالىق ۇگىت-ناسيحاتىن دا قولداماعان. سوندىقتان، بولاشاق ديكتاتور Nike كومپانياسى جاساعان سپورتتىق اياق كيىمدەردى جيناۋدان باسقا حوببي تاپپاپتى.

3. قۇپيا بالالىق شاعى

بولاشاق ديكتاتوردىڭ بالالىق شاعى تۋرالى ەش جەردە ەشقانداي اقپارات جوق. تەك 2014 -جىلى عانا ك ح د ر اسكەري-اۋە كۇشتەرىنىڭ كۇنىن تويلاۋ كەزىندە ەكراندا پرەزيدەنتتىڭ بالا كەزدەگى فوتوسى كورسەتىلدى. ءبىراق بۇل فوتوداعى كىشكەنتاي ۇل بالانىڭ كيم چەن ىن بولۋ- بولماۋى ەكىتالاي.

4. پلاستيكالىق وتالار

وڭتۇستىك كورەيانىڭ اقپارات قىزمەتكەرلەرىنىڭ ماتەريالدارىنا سۇيەنسەك، جاس كوشباسشى ءوزىنىڭ اتاسىنا ۇقساۋ ءۇشىن بىرنەشە رەت پلاستيكالىق وپەراتسيا جاساتقان-مىس. رەسمي دەرەكتەر بۇل اقپاراتتاردى جوققا شىعارعانىمەن، ەسكى فوتولار مەن قازىرگى فوتولاردى سالىستىرساق، ايتارلىقتاي ايىرماشىلىق بار.

5. شۆەيتسارياداعى وقۋى

1998-2000 -جىلدار اراسىندا بەرندەگى ەڭ كەرەمەت مەكتەپتە سولتۇستىك كورەيادان كەلگەن ستۋدەنت تىركەلەدى. بۇل تۋرالى رەسمي ءومىربايانىندا تىركەلمەگەنى تۇسىنىكتى. ويتكەنى، ول ەۋروپاداعى وقۋدى ەلشىلىك مۇشەسىنىڭ بالاسى، ياعني، پاك ىن دەگەن ەسىمدى قولدانعان. ءدال سونىڭ ءوزى دەپ ايتۋعا كەلمەيتىن، ءبىراق سول ۋاقىتتاردان ساقتالعان ساپاسىز ءبىر سۋرەت قانا وسىلاي ويلاۋعا باستاۋ بولىپتى.

ونىڭ ەۋروپاداعى قاتارلاستارى بولاشاق ك ح د ر پرەزيدەنتىمەن بىرگە وقىعاندارىن جاسىرمايدى. كيم چەن ىن ولاردىڭ ساناسىندا سپورتقا اۋەس، ساباقتى اسا جاقسى وقي قويماعان كوڭىلدى جىگىت رەتىندە قالىپتى.

6. كىرپىكتەرى كۇن وتكەن سايىن قىسقارۋدا

ءار جىلدا تۇسىرىلگەن فوتولاردى سالىستىرار بولساڭىز، كيم چەن ىن كىرپىكتەرى قىسقارۋ ۇستىنە قىسقارۋدا. بەلگىسىز دەرەككوزدەرگە سۇيەنسەك، ول ءوزىنىڭ اكەسى كيم چەن يرگە ۇقساۋ ءۇشىن كىرپىكتەرىن ادەيى قىسقارتادى ەكەن.

7. ىشىمدىككە قۇشتارلىق

ناقتىلانباعان اقپاراتتى پرەزيدەنتتىڭ بۇرىنعى شەف-اسپازى ايتقان. ونىڭ ايتۋىنشا، جاس ديكتاتور تەك دەليكاتەستەرمەن اۋقاتتانادى جانە ىشىمدىكتى وتە كوپ مولشەردە ىشەدى. بۇدان بولەك، ول قانت ديابەتى مەن گيپەرتونيا سىندى اۋرۋلارعا شالدىققان.

8. شاشتارازدان قورقادى

جاس ديكتاتوردىڭ شاشتاراز الدىندا بالالىق شاقتاعى جاراقاتىنا بايلانىستى پاتالوگيالىق قورقىنىشى بار. سوندىقتان، ول شاشىن ءوزى الىپ وتىرادى ەكەن. ونىڭ ەرەكشە شاش ۇلگىسىنىڭ قۇپياسى دا وسىندا. سولتۇستىك كورەيانىڭ حالقىنىڭ بەلگىلى ءبىر بولىگى شاشتارازعا كەلگەندە، شاش ۇلگىلەرىن سۇيىكتى پرەزيدەنتتەرىنىڭ ۇلگىسىنە ۇقساتۋدى سۇرايدى ەكەن.

9. تۋعان كۇنى بەلگىسىز

ءارتۇرلى دەرەككوزدەردە ونىڭ تۋعان كۇنى ءتۇرلى داتامەن ايتىلادى. ءتىپتى، جىلدان شاتاسۋعا بولادى. ونىڭ تۋعان كۇنى 1982-جىلدىڭ 8-قاڭتارى نەمەسە 5-شىلدەسى دەگەن اقپارات بار. ال كەيبىرەۋلەر 1983-1984 -جىلدار دەپ جازىپ ءجۇر. ك ح د ر ليدەرى بارىنشا جاسامىس كورىنگىسى كەلگەنىمەن، ول الەمدەگى ەڭ جاس پرەزيدەنت بولىپ قالا بەرمەك.

10. اجەتحاناعا بارمايدى

ارينە، ونىڭ بۇل قىلىعى ءبىرتۇرلى ەستىلەتىنى انىق. ءبىراق ك ح د ر حالقىنىڭ ليدەردىڭ بۇل قىلىعىنا قارسىلىعى جوق. ونىڭ اكەسى دە ءدال وسىنداي بولعان ەكەن. جانە بۇل اقپارات ونىڭ رەسمي ءومىربايانىندا كورسەتىلگەن.

ءبىرتۇرلى دەگەنىمىز جۇقالاي ايتقانىمىز بولار، بالكىم. دەگەنمەن، فاكتىنىڭ اتى فاكت!

 

«قامشى» سىلتەيدى