15:18, 15 - مامىر 2019 | GMT +6
ماقسات بازاربايەۆ 10 جىل بالا سۇيە المادىم، ءبىراق سابىر ەتتىم
نۇر - سۇلتان - قازاقپارات - قاسيەتتى رامازان ايىندا ءانشى ماقسات بازاربايەۆ يماندىلىق تۋراسىندا ءسوز قوزعادى. يماندىلىقتىڭ بەلگىسى - سابىرلىق ەكەنىن اتادى.
بۇل تۋرالى انشىلەر "اسىل ارناعا" بەرگەن سۇحباتىندا ايتتى.
ماقسات بازاربايەۆ مۇسىلماننىڭ نەگىزگى سيپاتى سابىرلى بولۋ ەكەنىن جەتكىزدى. ءانشى جۇما نامازعا بارىپ، جاماعاتپەن ناماز وقىپ، قۇلشىلىق جاساۋدى ۇيرەنە باستاعان.
"ادامعا بارلىق كەزدە سابىرلىق كومەكتەسەدى. يسلامدا دا سابىرلىقتىڭ ءتۇبى كوپ جاقسىلىققا اكەلەتىنىن ايتىلادى. قازاقتا "سابىر ءتۇبى سارى التىن" دەگەن ءسوز بار. ءوزىم دە ۇيلەنگەن جىلدارى 10 جىلداي بالا سۇيە المادىم. مۇنى سىناق دەپ بىلەم. سابىر ەتتىم. 10 جىلدان سوڭ اكە بولدىم. سول سابىرلىقتڭ كومەگىمەن سىناقتى جەڭدىم دەپ ويلايمىن"، - دەيدى ءانشى.