+7 (701) 759 90 19 Лента
7 °С : استانا
16 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

ەلۋ جاستاعى الماتىلىق ايەل مارافوندا 10 شاقىرىم جۇگىردى

22 ءساۋىر 19:26 313
:ءبولىسۋ
ەلۋ جاستاعى الماتىلىق ايەل مارافوندا 10 شاقىرىم جۇگىردى

الماتى. قازاقپارات - الماتىدا اۋىر وپەراتسيانى باسىنان وتكىزگەن 50 جاستاعى ايەل مارافوندا 10 شاقىرىم جۇگىردى، دەپ حابارلايدى قازاقپارات ءتىلشىسى.

50 جاستاعى روزا بايسەيىتوۆا وسىدان ءبىراز ۋاقىت بۇرىن وتا جاساتىپ، توقپان جىلىكتىڭ جامباسقا كىرەتىن ۇرشىعى اۋىستىرىلعان.

ۇرشىق بۋىنى - ادام دەنەسىنىڭ ەڭ ۇلكەن بۋىندارى. ول ادامنىڭ دەنەسى مەن اياعىن ۇشتاستىرادى. دەمەك، ۇرشىق بۋىنىنا جۇگىرۋدەن كوپ كۇش تۇسەتىنى انىق.

مارە سىزىعىنا جەتكەن روزا بايسەيىتوۆا ءوزىنىڭ دارىگەرلەرىنە العىس ءبىلدىردى.

«مەن ومىرىمدە ءبىرىنشى رەت 10 شاقىرىم قاشىقتىققا جۇگىردىم. ۇرشىق بۋىنىمدى وسىدان بىرنەشە جىل بۇرىن اۋىستىرعان بولاتىنمىن. مەن ءۇشىن بۇل كورسەتكىش زور جەتىستىك. ءوزىمنىڭ دارىگەرلەرىم ارنات رامازان ۇلى، ەرلان، قانات مىرزالارعا العىسىمدى بىلدىرەمىن»، - دەدى روزا بايسەيىتوۆا.

ايتا كەتۋ كەرەك، 21 -ساۋىردە الماتى مارافون - 2019 قايىرىمدىلىق شاراسى وتكەن بولاتىن. وعان ورتا ازيا ەلدەرىنەن دە جۇيرىكتەر قاتىستى. بارلىعى 17 مىڭ ادام الماتى كوشەلەرىمەن ءتۇرلى قاشىقتىققا جۇگىرىپ ءوتتى.

 


باستى سوزدەر: قوعام, سپورت,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات