+7 (701) 759 90 19 Лента
12 °С : استانا
17 °С : الماتى
USD 383.43 EUR 429.83
RUB 5.96 CNY 55.39
جاڭالىقتار

حالىقارالىق ۆاليۋتا قورىنىڭ باسشىسى وزبەكستانعا 10 جىلدان بەرى العاش رەت كەلمەك

18 ءساۋىر 12:56 269
:ءبولىسۋ
حالىقارالىق ۆاليۋتا قورىنىڭ باسشىسى وزبەكستانعا 10 جىلدان بەرى العاش رەت كەلمەك

 نۇر-سۇلتان. قازاقپارات - حالىقارالىق ۆاليۋتا قورىنىڭ (ح ۆ ق) باسشىسى كريستين لاگارد مامىر ايىنىڭ ورتاسىندا وزبەكستانعا ساپارلاپ كەلگەلى جاتىر.

بۇل تۋرالى سارسەنبى، 17- ساۋىردە وزبەكستان ورتالىق بانكى وكىلىنە سىلتەمە جاساعان ر ي ا «نوۆوستي» اگەنتتىگى حابارلادى. «ح ۆ ق باسقارۋشى ديرەكتورىنىڭ ساپارى مامىردىڭ ورتاسىنا جوسپارلانعان» دەپ مالىمدەدى وزبەكستان ورتالىق بانكىنىڭ وكىلى. ونىڭ سوزىنشە، قور باسشىسى وزبەكستان بيلىگىمەن ەكى جاقتى سەرىكتەستىك تۋرالى تالقىلاماق.

بۇل حالىقارالىق ۆاليۋتا قورى باسشىسىنىڭ سوڭعى ون جىلدا وزبەكستانعا جاساعان العاشقى ساپارى بولماق. 2009-جىلى تاشكەنتكە قوردىڭ سول كەزدەگى ديرەكتورى دومينيك ستروسس-كان كەلگەن.

2017-جىلى قىركۇيەكتە وزبەكستان پرەزيدەنتى شاۆكات ميرزيايەۆ پەن كريستين لاگارد نيۋ-يوركتە كەزدەسىپ، تاشكەنتتىڭ ۆاليۋتا رەفورماسىنا تەحنيكالىق قولداۋ كورسەتۋ جايىن تالقىلاعان. كەزدەسۋدە مەملەكەت بيۋجەتىنىڭ تابىسىن ارتتىرۋ، بانك جۇيەسىنىڭ تۇراقتىلىعىن قامتاماسىز ەتۋ، سىرتقى ساۋدا ساياساتىن ليبەراليزاتسيالاۋ، سونداي-اق مەملەكەتتىك ستاتيستيكا مەن سالىق سالاسىن رەفورمالاۋ سياقتى ماسەلەلەر ءسوز بولعان.

تاياۋدا وزبەكستان مەملەكەتتىك سالىق كوميتەتىنە حالىقارالىق ۆاليۋتا قورىنان تۇراقتى كەڭەسشى تاعايىندالعانى حابارلاندى. كەڭەسشى كوميتەت پەن قارجى مينيسترلىگىنە 2019-2023-جىلدارعا ارنالعان سالىق رەفورماسىنىڭ ستراتەگياسىن ازىرلەپ، ەنگىزۋگە كومەكتەسەدى.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات