+7 (701) 759 90 19
-13 °С : نۇر-سۇلتان
-11 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

ەلوردالىق اكىمدىك قالانىڭ ەڭ ءىرى 10 بازارىن ءسۇرىپ تاستاماق

17 ءساۋىر 13:05
:ءبولىسۋ
ەلوردالىق اكىمدىك قالانىڭ ەڭ ءىرى 10 بازارىن ءسۇرىپ تاستاماق

نۇر-سۇلتان. قازاقپارات - ەلوردالىق اكىمدىك قالانىڭ ەڭ ءىرى 10 بازارىن ءسۇرىپ تاستاماق. ناقتىراق ايتقاندا، ورتالىق، الاش، شارىن، شاڭحاي سەكىلدى ساۋدا ورىندارىنداعى زاڭسىز تۇرعىزىلعان دۇڭگىرشەكتەر قيراتىلادى، دە حابارلايدى «حابار 24».

ال ساۋداگەرلەر جاڭا ورتالىققا كوشۋى ءتيىس.

اسحات نيازوۆ، «حابار 24» ءتىلشىسى:

- بۇل - «شارىن» بازارىنىڭ كۇزەتىمەن بولعان تەكەتىرەس. زاڭسىز تۇرعىزىلعان دۇڭگىرشەكتەر سۇرىلەدى دەگەن اقپاردى تەكسەرۋ ءۇشىن كەلگەن بىزگە كامەراعا تۇسىرۋگە تىيىم سالدى. ازان- قازان بولدىق. شۋلاستىق. ارتىنشا، ارينە، تاتۋلاستىق. جابايى بازاردىڭ بىلىعى كوپ وسىنداي. سول سەبەپتى، مۇنداعى ساۋداگەرلەردى كوشىرۋ تۋرالى شەشىم قابىلداندى. ءبىراق مۇنى ساتۋشىلاردىڭ وزدەرى ەستىمەگەن سىڭايلى.

قالاي بولسا، سولاي قويىلعان كونتەينەرلەر ەلوردانىڭ كوركىن بۇزىپ تۇر. سوندىقتان ونداعى ساتۋشىلاردان باستاپ، دونەر دۇڭگىرشەكتەرى مەن ءدامحانا يەلەرى دە ورىندارىن جىل سوڭىنا دەيىن بوساتۋى ءتيىس. بازار باسشىلارى بۇل تۋرالى «ساۋداگەرلەردى ءاۋ باستان ەسكەرتىپ قويدىق»، دەپ سەندىردى.

مۇراتبەك احمادوۆ، بازار ديرەكتورى:

- ءبىز بىلمەيمىز نەگە ولار سولاي ايتاتىنىن. ءبىز ولاردى ەسكەرتتىك ءبىر جىل بۇرىن. قازىر ءبىز جاڭارتۋدى باستادىق. جاڭا عيماراتتاردى سالۋدى باستادىق. سول عيماراتتاردىڭ ىشىنە ءبىز ولاردى كوشىرەمىز.

الايدا جەرگىلىكتى بيلىكتىڭ بۇل شەشىمىن قولداعاندار دا تابىلدى. ەلوردالىق اكىمدىك قالانىڭ شەتىن زاڭسىز ساۋدا نۇكتەلەرىن جويىپ، رەتكە كەلتىرمەك. ءبىراق مۇنداعى ساۋداگەرلەر ورىنسىز قالمايدى. ولاردىڭ بارلىعى دا قازىر قۇرىلىسى ءجۇرىپ جاتقان زاماناۋي ساۋدا كەشەنىنە كوشىرىلەدى. 60 مىڭ شارشى مەتر اۋماعى بار عيماراتتا 12 مىڭ كاسىپكەر ەمىن- ەركىن بيزنەسىن دوڭگەلەتە الادى. وسى بازارعا اپاراتىن الاش تاس جولى دا كۇدەلى جوندەۋدەن وتپەك.

www.24.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات