بۇگىن «باتىس ەۋروپا- باتىس قىتاي» ءدالىزى باستاماسىنا 10 جىل تولدى
ەستە بولسا، 2009 -جىلدىڭ 16 -ساۋىرىندە قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ قىتاي حالىق رەسپۋبليكاسىنا مەملەكەتتىك ساپار جاسادى. ساپار اياسىندا ەلباسى ق ح ر ءتوراعاسى حۋ جينتاۋ شاعىن جانە كەڭەيتىلگەن قۇرامدا كەلىسسوزدەر جۇرگىزدى. ناتيجەسىندە «باتىس ەۋروپا- باتىس قىتاي» اۆتوكولىك ءدالىزىن قۇرۋ تۋرالى ق ر كولىك جانە كوممۋنيكاتسيالار مينيسترلىگى مەن ق ح ر كوممۋنيكاتسيا مينيسترلىگى اراسىندا ءوزارا تۇسىنىستىك مەموراندۋمىنا قول قويىلعان ەدى.
بۇگىنگى كۇنى جالپى ۇسىندىعى 8445 شاقىرىمدى قۇرايتىن «باتىس ەۋروپا- باتىس قىتاي» ترانسقۇرلىقتىق ءدالىز ءۇش مەملەكەتتىڭ، اتاپ ايتقاندا قىتاي، قازاقستان جانە رەسەيدىڭ اۋماعىن باسىپ وتەدى. جۇرگىزىلگەن زەرتتەۋلەرگە سايكەس، 2020 -جىلى اتالعان باعدار بويىنشا تاسىمالداناتىن جۇك كولەمى 2,5 ەسە ارتاتىن بولادى. ياعني، جىلىنا 13 ميلليون توننادان 33 ميلليون تونناعا دەيىن جەتەدى.
قازىرگى ۋاقىتتا ءدالىز بويىندا جول قىزمەتىنىڭ 277 نىسانى جۇمىس ىستەپ تۇر. 47 جاڭا ءوندىرىس ورنى قۇرىلىپ، 8 قولدانىستاعى ءوندىرىس كەڭەيتىلگەن.