ساۋلەتى ەرەكشە 10 ءۇي الەم جۇرتشىلىعىن تاڭداي قاقتىردى

 استانا. قازاقپارات - الەمدە ادامدار بىلە بەرمەيتىن ساۋلەت ونەرى وتە كوپ. ولاردىڭ باسىم بولىگىن قاراپايىم تۇرعىندار سالعان.

تاڭداي قاقتىرارلىق عيماراتتاردىڭ سۇلۋلىعىن KAZ. NUR. KZ - مەن بىرگە تاماشالاڭىز.

1. پەنسيلۆانيا شتاتىنداعى ەتىك ءۇي (ا ق ش)

بۇل ءۇيدى جارناما ماقساتىندا 73 جاسار ەتىكشى مەلون حەينس تۇرعىزعان بولاتىن. قازىرگى تاڭدا اتالعان ءۇيدىڭ يەلەرى بۇل جەردى ءدامحاناعا اينالدىرعان.

2. سوپوت قالاسىنداعى قيسىق ءۇي (پولشا)

بۇل ەرەكشە ءۇيدىڭ تىك بۇرىشتارى مۇلدە جوق. اسەم عيماراتتى زاليەۆسكي مەن شوتينسكي ساۋلەتشىلەر سالعان. ولاردىڭ ايتۋىنشا بالالار كىتابىنىڭ اۆتورلارى پەر وسكار دالبەرگ پەن يانا مارتسينا شانتسەر وسىنداي ەرەكشە ءۇي سالۋعا سەبەپشى بولعان.

3. وتريۆ قالاسىنداعى فەرديناند شيەۆالدىڭ ءمىنسىز سارايى (فرانسيا)

بۇل تاڭعاجايىپ ءۇي - فرانسۋز پوشتاشىنىڭ تۋىندىسى. ونىڭ ءۇيى - باتىس پەن شىعىس مادەنيەتىنىڭ ءمىنسىز ۇندەستىگى. قاراپايىم پوشتاشى فەرديناند شيەۆال بۇل ءۇيدى تۇرعىزۋ ءۇشىن ءومىرىنىڭ 33 جىلىن سارپ ەتكەن.

4. تاس ءۇي (پورتۋگاليا)

اتالعان ءۇي پورتۋگاليا تاۋلارىندا تابيعاتپەن ۇندەسىپ تۇر. تاڭعاجايىپ قۇرىلىس 2 قاباتتان تۇرادى. بۇل ساۋلەت ونەرى تۋريستەردىڭ نازارىنان تىس قالمايدى. سوندىقتان مۇندا ەشكىم تۇراقتاماعان.

5. پەر كاردەننىڭ كوپىرشىكتى ءۇيى (فرانسيا)


بۇل ەرەكشە ءۇيدى سانگەر پەر كاردەن ءۇشىن ونىڭ دوسى انت لوۆاگ سالعان ەكەن.

6. حاماد شەيحىنىڭ عالامشار ءۇيى (و ا ە)

و باستا ءۇي شەيح حامادتىڭ بىرىككەن اراب امىرلىگىنىڭ شولەيتتى جەرلەرىندە ەركىن قوزعالۋى ءۇشىن سالىنعان بولاتىن. عالامشار ءۇيى 4 جاتىن، 6 جۋىناتىن بولمەمەن جابدىقتالعان 4 قاباتتان تۇرادى.

7. سۋتياگيننىڭ ءۇيى (رەسەي)

بۇل عيمارات ءبىردە-ءبىر شەگەسىز سالىنعان. 13 قاباتتان تۇراتىن ءۇيدىڭ توبەسىنەن اق تەڭىزدى كورۋگە بولاتىن. كەيىننەن 2008-جىلى عيمارات زاڭسىز سالىنعان دەپ انىقتالىپ، 4- قاباتقا دەيىن بۇزىلدى.

8. تەحاس شتاتىنداعى تەسىك ءۇي (ا ق ش)

ءبىر كۇنى سۋرەتشى جانە ديزاينەر دەن حيەۆەل مەن دين راك ەرەكشە دۇنيە ويلاپ تاپپاق بولىپ، اتالعان ءۇيدى تۇرعىزادى. ءۇيدىڭ نەگىزىندە فيلوسوفيالىق ويلار جاتىر.

9. ۆەناداعى «شابۋىلدى ءۇي» (اۆستريا)

«شابۋىلدى ءۇي» اۆستريانىڭ تانىمال ءمۇسىنشىنىڭ قولىنان تۋىنداعان ينستالياتسيا. اتالعان ۇيدە ادام تۇرمايدى.

10. حانگ نگا قوناق ءۇيى نەمەسە «ەسسىز ءۇي» (ۆەتنام)

انتونيو گاۋدي تۋىندىسىنان شابىت العان قوناق ءۇي يەسى حانگ نگا ءوزىنىڭ ەرتەگى ءۇيىن سالعان. كەيىننەن ول «ەسسىز ءۇي» اتالىپ كەتكەن. ۇيدە ءتۇزۋ قابىرعالار مۇلدە جوق. ول تۇگەلىمەن لابيرينتتەن تۇرادى.