جاس تەلەجۋرناليست ءبىلۋى ءتيىس 10 قاعيدا

None
None
 استانا. قازاقپارات - كەشە سايتىمىزدا «جاس تەلەجۋرناليست ءبىلۋى ءتيىس 30 قاعيدا» ماقالاسىنىڭ العاشقى ءبولىمى جارىققا شىققان بولاتىن.

بۇگىن 30 قاعيدانىڭ ەكىنشى وندىعىن جالعاستىرامىز: 1. بالالار: سۇحباتتى بالالاردان العان كەزدە وبەكتيۆتى بالانىڭ كورۋ ايماعىنا ورنالاستىرىپ، ءوزىڭىز وتىرىڭىز.

2. ءتۇسىرىلىم بۇرىشتارى: ەگەر ءتۇسىرىلىم كەزىندە كامەرا ادامنان بيىك ورنالاسسا، سۇحبات بەرۋشىنى كىشىرەيتەدى، ال تومەن ورنالاسسا ۇلكەيتەدى. سوندىقتان، كامەرانى كورۋ ايماعىنا ورنالاستىرۋ قاجەت.

3. تەكسەرىس: ءتۇسىرىلىم باستالماس بۇرىن ۆيدەو، دىبىستىڭ دۇرىستىعىن تەكسەرىڭىز. اياقتالعان سوڭ دا، قايتا تەكسەرىپ شىعۋدى ۇمىتپاڭىز.

4. كامەرا ءوسى: بۇل -  ەكى ادامدى نە ەكى زاتتى بىرىكتىرەتىن، كوزگە كورىنبەيتىن سىزىق. سۇحبات كەزىندە كامەرا ءوسى كامەراداعى ەكى ادامنىڭ مۇرىن ۇستىنەن وتەدى. ءتۇسىرىلىم جانە مونتاج كەزىندە ءوستىڭ قيىلىسۋىنان ساقتانىڭىز.

5. كەس- كەستەيتىن كادرلار: ۇزاق ۋاقىتتى الاتىن ءتۇسىرىلىم كەزىندە بۇنداي كادرلار مىندەتتى تۇردە كەرەك. ويتكەنى، 10 مينۋت بويىنا سۇحبات بەرۋشىنىڭ بەتىن عانا تاماشالاۋ كورەرمەندى جالىقتىرىپ جىبەرەدى. مىسالى، دارىگەردى تۇسىرسەڭىز، ونىڭ اق حالاتىنا جازىلعان ەسىمىن، قولىن جاقىنداتۋ ارقىلى شاعىن كادرلار الۋعا بولادى.

6. كەرەك ەمەس كادرلاردى قولدانباڭىز: جاۋاپ بەرمەيتىن بولساڭىز، كورەرمەنگە سۇراق قويماڭىز. مىسالى، جەلىنبەگەن ءبالىشتىڭ جاقىننان كورسەتتىڭىز دەلىك. ءسىز بۇل ارقىلى نە ايتقىڭىز كەلدى؟

7. ينكوگنيتو: جەكە تۇلعا رەتىندە ءتۇرىن كورسەتپەۋدى جانە اتىن اتاماۋدى ءجون سانايتىن سۇحبات بەرۋشىلەر بار. بۇل كەزدە ەڭ قاراپايىم ءتاسىل -  ادامدى جارىققا قارسى قويۋ، ال ەڭ ءقاۋىپسىزى -  قابىرعاداعى ادام كولەڭكەسىن ءتۇسىرۋ.

8. بليتس ساۋالناما: ءبىر تاقىرىپتا ادامداردىڭ پىكىرىن جيناۋ تاقىرىپتى اشا ءتۇسۋ ءۇشىن ماڭىزدى بولۋى مۇمكىن نەمەسە زەرتتەۋدىڭ «ەرىنشەككە ءتان ءتاسىلى» بولۋى دا عاجاپ ەمەس. ساۋالنامانى ءجيى قولدانباڭىز جانە ءار ادامعا سۇراقتاردى قوياردا بىردەي ءسوز تىركەستەرىن عانا قولدانىڭىز.

9. ادامنىڭ ءسوزى پىكىردەن ءالداقايدا ماڭىزدى: كادردان تىس ماتىنگە قاراعاندا سۇحباتتان الىنعان ۇزىندىلەر الدەقايدا ماڭىزدى ءارى سەنىمدىرەك.

10. ادام ەموتسياسى: ادام ەموتسياسى ءسىز كورسەتكىڭىز كەلگەن اسەردى تولىقتاي جەتكىزەدى. سوندىقتان، جانسز نىسانداردان گورى، ادامداردى ءجيى كادرعا العانىڭىز دۇرىس. جالعاسى بار...

 

Massaget.kz

سوڭعى جاڭالىقتار