USD 434.34 EUR 491.93
RUB 5.56 CNY 68.67
جاڭالىقتار

قازاقستاندىق وليمپيادا چەمپيونى 10 بالاسىن قالاي اسىراپ جۇرگەنىن جاسىرماي ايتىپ بەردى

28 اقپان 13:24
:ءبولىسۋ
قازاقستاندىق وليمپيادا چەمپيونى 10 بالاسىن قالاي اسىراپ جۇرگەنىن جاسىرماي ايتىپ بەردى

استانا. قازاقپارات - ون بالاسى بار وليمپيادا چەمپيونى ەرماحان يبرايموۆ كوپبالالى وتباسىلارعا مەملەكەتتەن تولەنەتىن جاردەماقىعا قاتىستى پىكىرىن ءبىلدىردى.

سپورتشى ءار بالاسىنا ايىنا 50 مىڭ تەڭگە كولەمىندە قاراجات جۇمسالاتىنىن ايتتى دەپ حابارلايدى Sputnik قازاقستان.

بۇرىنعى بوكسشى ءار بالاعا 20 مىڭ تەڭگە بەرۋ كەرەك دەپ سانايدى. سوندا انا جۇمىس ىستەمەي، بالالارىنىڭ تاربيەسىمەن اينالىسار ەدى دەگەن ويدا.

يبرايموۆتىڭ سوزىنشە، تاربيەلى ۇرپاق مەملەكەتىمىزگە ەكى-ءۇش ەسە پايداسىن اكەلەدى. سوندىقتان بۇل ماسەلەگە ات ءۇستى قاراۋعا بولمايدى دەيدى.

سونداي-اق، كوپبالالى اكە ون بالاسىن اسىراۋ ءۇشىن بىرنەشە جەردە قىزمەت ەتەتىنىن دە ايتا كەتتى.

«ءبىر بالانى اسىراۋعا ايىنا 50 مىڭ تەڭگەدەي كەتىپ قالادى. سوندىقتان جاتپاي-تۇرماي جۇمىس ىستەۋگە تۋرا كەلەدى. مەن ءوزىم بىرنەشە جەردە قىزمەت ەتەمىن. ۋنيۆەرسيتەتتەردە ءدارىس وقيمىن. اقىلى سەمينارلار وتكىزەمىن»، - دەيدى وليمپيادا چەمپيونى.

ەستەرىڭىزگە سالا كەتەيىك، ەلباسى كوپبالالى وتباسىداعى ءار بالاعا اي سايىن 21 مىڭ تەڭگە مولشەرىندەگى جاردەماقى تاعايىنداۋدى تاپسىردى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات