راۋشان گۇلى تۋرالى قىزىقتى 10 دەرەك

 استانا. قازاقپارات - الەمدەگى ەڭ تانىمال گۇلدەردىڭ ءبىرى راۋشان گۇلى تۋرالى ءسىز بىلمەگەن قىزىقتى دەرەكتەر ۇسىنامىز.

 راۋشان (روزا) - الەمدەگى ەڭ ادەمى گۇلدەردىڭ ءبىرى. ول مۋزىكاعا، پوەزياعا جانە كوپتەگەن ۇرپاقتىڭ ماحابباتىنا بولەنگەن. الەمدە سىيلانعان راۋشان گۇلىنە قاراپ، كۇلىمدەمەيتىن بىردە- ءبىر ايەل جوق شىعار. ال ەندى گۇلدەردىڭ پاتشايىمىنامەن جاقىنىراق تانىسىپ كورەيىك.

 1. راۋشان - ا ق ش، يران جانە انگليانىڭ ۇلتتىق گۇلى.

 2. تابيعي راۋشان مايى - الەمدەگى ەڭ قىمبات ماي. ول التىن مەن پلاتينادان دا باعالى. ال ءبىر كەلى راۋشان مايىن الۋ ءۇشىن ءۇش توننا راۋشان كۇلتەلەرى كەرەك.

 3. اۋليە ۆالەنتين كۇنى الەمدە ەڭ كوپ راۋشان گۇلى ساتىلادى. بۇل كۇنى 3 ميلليوننان اسا راۋشان ساتىلادى.

 4. راۋشان گۇلىنىڭ حوش ءيىسىن ۇنەمى يىسكەپ جۇرەتىن ادام اق پەيىلدى جانە سابىرلى بولادى. سەبەبى، گۇلدىڭ حوش ءيىسى ادامنىڭ كوڭىل- كۇيىن جاقسارتادى.

 5. شەكسپير ءوز تۋىندىلارىندا راۋشان گۇلىن 50 دەن اسا اتاپ وتكەن. ونىڭ قۇرمەتىنە ورتاسى ەرەكشە راۋشان سۇرىپتارىنىڭ ءبىرى اتالعان.

 6. الەمدەگى ەڭ كىشكەنتاي راۋشان سۇرىبى «سي» دەپ اتالادى. ونىڭ ۇلكەندىگى كۇرىش دانىندەي عانا.

 7. گەرمانياداعى حيلدەسحەيم سوبورىندا الەمدەگى ەڭ كونە راۋشان گۇلى وسەدى. ول راۋشان بۇتالارى ءتىپتى، عيماراتتىڭ توبەسىنە دەيىن جەتكەن. بۇل راۋشانعا شامامەن 1000 جىل بولعان. الايدا، ول سوعىس كەزىندە زاقىمدالدى، ءبىراق ساقتالىپ قالعان تامىرلار كەيىننەن تاعى وسكىن بەردى. 1945 -جىلى بۇتالارى قايتادان ءوسىپ، ادەمى گۇلدەرمەن جابىلدى.

 8. جابايى راۋشان تۇقىمى -  يتمۇرىندا ليموننان دا كوپ c ءۆيتامينى بار. ونىڭ قايناتپاسى دەنساۋلىقتى نىعايتۋدىڭ ءتيىمدى قۇرالى بولىپ تابىلادى.

 9. بۇل تاڭعاجايىپ گۇل رەسەيدە العاش رەت XVI عاسىردا پايدا بولدى. I پەتر پاتشا كەزىندە باقشالار مەن ساياباقتار راۋشان بۇتالارىمەن بەزەندىرىلە باستادى، ال II ەكاتەرينا بيلىك ەتكەن كەزدە راۋشان پاتشا باعىنىڭ پاتشايىمى بولدى.

 10. راۋشانننىڭ «حامەلەون» دەگەن ەرەكشە سۇرىبى جاپونيادا وسىرىلگەن. ول راۋشاننىڭ كۇلتەلەرى تاڭەرتەڭ اشىق قىزىل ءتۇستى بولسا، كەشكە -  اق بولادى.