ەڭ باي قازاقستاندىق 10 سپورتشى كىم؟

None
None
 استانا. قازاقپارات - 2019-جىلدىڭ قورىتىندىسى بويىنشا كوپ قاراجات تاپقان قازاقستاننىڭ 10 سپورتشىسىن QUECIE پورتالى انىقتاپ بەردى.

رۋسلان بالتيەۆ



10-شى ورىنعا سپورتتىق مانسابىن 1997-جىلى «جەتىسۋ» كلۋبىندا باستاعان بۇرىنعى قازاقستاندىق فۋتبولشى ورنالاسقان. ونىڭ بايلىعى 2,8 ميلليون دوللارعا باعالانۋدا.

سپورتشى Forbes جانە Bloomberg سىندى جۋرنالداردان دا كورىنگەن.

اندرەي كارپوۆيچ



كاسىبي فۋتبولشىنىڭ جەكە قورى 3,3 ميلليون دوللاردى قۇرايدى.

ول مانسابىن سەمەيلىك «ەلىماي» كلۋبىندا باستاپ، 2007-جىلى ماسكەۋلىك «دينامودا» دوپ تەپكەن. كارپوۆيچ قازاقستان ۇلتتىق قۇراماسىنىڭ كاپيتانى دا بولدى.

ول قازىرگى ۋاقىتتا كوكشەتاۋلىق «وقجەتپەس» كلۋبىنىڭ باس باپكەرى قىزمەتىن اتقارادى.

ۆيتالي كولەسنيك



حوككەيدەن قازاقستان قۇراماسىنىڭ قاقپاشىسى 3,5 ميلليون دوللارعا يە. ول مانسابىن «كازتسينك-تورپەدو» كومانداسىندا باستاعان.

گالينا ۆوسكوبويەۆا



تەننيسشىنىڭ جەكە قورىندا 4,3 ميلليون قارجىسى بار. گالينا رەسەي مەن قازاقستان قۇرامالارىنىڭ اتىنان حالىقارالىق جارىستارعا قاتىستى.

ياروسلاۆا شۆەدوۆا



كاسىبي تەننيسشى 2012-جىلى ۇزدىك ناتيجە كورسەتىپ، الەمدىك رەيتينگتە 25- ورىنعا دەيىن كوتەرىلگەن. ونىڭ بايلىعى 5 ميلليون دوللار دەپ باعالانۋدا.

باقتيار ارتايەۆ



2004-جىلى وتكەن وليمپيادادا التىن مەدال جەڭىپ العان بوكسشىنىڭ قارجىسى 6,9 ميللون دوللاردى قۇرايدى.

سامات سماقوۆ



فۋتبولشى قازاقستان ۇلتتىق قۇراماسىندا ەڭ كوپ ويىن وتكىزگەن ويىنشىلاردىڭ ءبىرى. ول مانسابىن سەمەيلىك «ەلىماي» كلۋبىندا باستاپ، رەسەيلىك كلۋبتاردا دا دوپ تەپتى. قازىر «اقتوبە» كلۋبىنىڭ قوجايىنى.

ونىڭ جەكە قورىندا 7,5 ميلليون دوللارى بار.

نيكولاي انتروپوۆ



استانالىق «بارىس» حوككەيشىسى 7,6 ميلليون دوللار قارجىعا يە.

ۆاسيلي جيروۆ



جيروۆ 1996-جىلى انتلانتا قالاسىندا وتكەن وليمپيادا ويىندارىندا التىن مەدال جەڭىپ العان. ونىڭ بايلىعى 8,1 ميلليون دوللارعا باعالانۋدا.

گەنادي گولوۆكين



بوكسشى قازاقستاندىق سپورتشىلار اراسىندا «قالتالىسى» بولىپ سانالادى. ونىڭ جەكە قورى 8,5 ميلليون دوللاردى قۇرايدى.

سوڭعى جاڭالىقتار