ءوزىن -ءوزى جەتىلدىرۋگە ارنالعان 10 نەگىزگى كىتاپ
ەگەر كۇن سايىن ارتىق 20 مينۋت ۋاقىتىڭىز بولسا، 1 اپتادان كەيىن بۇل كىتاپ ءومىرىڭىزدى وزگەرتەدى.
بۇل كىتاپتى كىمدەر وقۋى ءتيىس؟
1. ءوزىن ءوزى ىزدەپ جۇرگەندەر.
2. اۆتوپيلوتپەن ءومىر سۇرەتىندەر.
3. بۇرىننان كەلە جاتقان ورىندالماعان ارمانى بار ادامدار.
4. ماڭىزدى ىستەردى كەيىنگە ىسىرا بەرەتىندەر.
5. جۇيەلى تۇردە ءوزىن - ءوزى دامىتۋدى ۇستاناتىندار.
كىتاپ نە جايلى؟
بۇل شىعارما - ءوز ءومىرىڭدى باسقارۋداعى « اسپاپتار جاشىگى» دەسە دە بولادى. ءسىز سول كەڭەستەردەن كەيىن جارقىن ماقساتتارىڭىزعا ناقتى قادامدار جاساپ، ەڭ باستىسى سول قادامدى ومىرىڭىزگە ەنگىزەسىز. كىتاپتا تەوريالار، مىسالدار، ولاردى تاجىريبەدە ورىنداۋعا ناقتى نۇسقاۋلار كەلتىرىلگەن. كىتاپتىڭ ءتىلى جاتىق، سوزدەرى تۇسىنىكتى، «اقىلدى» يىرىمدەر مەن تۇسىنىكسىز تەرميندەر جوق.
بۇل كىتاپتى نەگە ىزدەۋ كەرەك؟
جەلىدە 2014 -جىلدىڭ جەلتوقسان ايىندا پايدا بولعان بۇل كىتاپ جارىلعان بومباداي اسەر قالدىردى. ءبىر جارىم ايدىڭ ىشىندە سايتتا 100 مىڭنان استام وقىرمان قاراعان. كىتاپ ءار ءتۇرلى پىكىرتالاستار تۋدىرىپ، حيت- پارادتارعا ءىلىنىپ، باسپا نازارىنا ءتۇستى. اۆتور الەكس نوۆاك كىتاپتىڭ قاعازداعى نۇسقاسىن شىعارۋ تۋرالى ۇسىنىستار الدى. «پيتەر» باسپاسىمەن 2014 -جىلى كەلىسىمشارت جاسالىپ، «بار بولسا دا، جوق كىتاپ» دۇكەن سورەلەرىنە 2015 -جىلدىڭ ءساۋىر ايىندا جول تارتتى.
2. نيك ۆۋينيچ. «شەتسىز - شەكسىز ءومىر».
نيك ۆۋينيچ ومىرگە قولى مەن اياعى جوق بولىپ كەلدى. سوندا دا تاۋەلسىز، تولىققاندى ءومىر سۇرۋدە. ەكى جوعارى ءبىلىمى بار، كومپيۋتەردە مينۋتىنا 43 ءسوز تەرەدى، سەرفينگپەن، بالىق اۋلاۋمەن، جۇزۋمەن اينالىسادى، ءتىپتى ترامپليننەن سەكىرۋدى دە ۇناتادى. ونىڭ كىتابى - قيىندىقتى جانە ومىردەن تۇڭىلگەن كەزدە جەڭۋگە دەگەن تالپىنىس تۋدىراتىن شىعارما. وزىڭە سەنىپ، باقىتتى بولۋعا ارەكەت ەتۋدى ناسيحاتتايدى. نيك ءوزىنىڭ فيزيكالىق جاعدايى مەن ۋايىمدارى جايلى اشىق باياندايدى، ءوزىنىڭ مۇگەدەكتىگىنە كوندىگۋ اۋىر بولعانىن، وزىنە قول جۇمساماق بولعان كەزدەرى بولعانىن جاسىرمايدى. ءوز ماسەلەلەرىندە بوگەت ەمەس، الدىعا ۇلكەن ماقسات قويىپ، قالاعانىنا قول جەتكىزۋ مۇمكىندىگىن كورىپ ۇيرەنۋگە از ۋاقىت جۇمساعان جوق . قول- اياعى بولماسا دا ول كوتەرىلە الدى. ءوز كىتابىندا ول وزىنە كومەكتەسكەن ءومىر ءسۇرۋدىڭ ەرەجەلەرىن وقىرماندارىمەن بولىسەدى.
3.يتسحاك پينتوسيەۆيچ «ءومىر ءسۇر!»
بۇل كىتاپ- سوڭعى ۋاقىتتاعى مەديتسينا، فيزيولوگيا جانە پسيحولوگيا سالالارىنداعى جاڭالىقتار مەن وليمپيادا سپورتشىلارىن دايىنداۋ قۇپيالارىنىڭ سينتەزى. اۆتور يتسحاك پينتوسيەۆيچ بۇرىن الەمدىك دەڭگەيدەگى كاسىبي سپورتسمەن، جاتتىقتىرۋشى، كاسىپكەر ادام. بۇل كىسى كوپ ۋاقىتىن جۇمىستا وتكىزىپ، ماقساتتارىنا جەتۋگە ۇمتىلعان، ءبىراق جۇمىس گرافيكتەرىن وزگەرتۋگە قۇلىقسىز ادامدارعا ارنالعان ەرەكشە باعدارلاما جاساپ شىعاردى. باعدارلاما ماقساتى - ولاردى بۇزىلۋدان، اۋرۋلار مەن كۇيزەلىستەردەن قۇتقارۋ. وسى باعدارلاما اياسىندا قۋاتتىلىق دەڭگەيىن كوتەرىپ، دەنساۋلىقتى جاقسارتىپ، تىرشىلىكتە تابىستىڭ جوعارى دەڭگەيىنە جەتۋگە بولادى.
4. يگور مانن. «ءبىرىنشى».
ادامنىڭ العا ۇمتىلۋىن كورسەتەتىن «مەن ءوزىمدى بەس جىلدان كەيىن قالاي ەلەستەتەمىن» دەگەن تانىمال جاتتىعۋ بار. كوپشىلىك ادامدار ءبىرىنشى بولعىم كەلەدى، سالامنىڭ بەتكە ۇستارى بولسام دەيدى، ءبىراق بەرىلگەن ۋاقىت ارالىعىندا تاڭدالعان ماقساتتا بىردەڭە تىندىراتىندار از. تەك قولعا الىنعان ءىس ارەكەت قانا تۇلعانىڭ ناقتى ماسشتابىن كورسەتەدى. ءوزىڭدى ءوزىڭ جاساۋ وڭاي ەمەس: ناتيجەگە كوپ جاعداي ىقپال ەتەدى. بارلىعىنداعى سياقتى، جوسپارعا سايكەس قيمىلداۋ كەرەك. بۇل كىتاپ سونداي جوسپار ۇسىنادى. ونى وزىڭىزگە قاراي بۇرىپ، وزگەرتۋگە بولادى. وقىپ، ارنايى كەستەلەردى (كۇشتى ءالسىز ساپالاردى انىقتاۋ، ارتىقشىلىقتاردى انىقتاۋ، داعدىلاردى دامىتۋ جولدارى، يميدج وزگەرتۋ، ءوزىن ءوزى جىلجىتۋ ادىستەرى) تولتىرعان سوڭ قازىرگى تۇرعان نۇكتەدەن جەتكىڭىز كەلگەن نۇكتەگە دەيىنگى ءىس- ارەكەت الگوريتمىنا يە بولاسىز.
5.دجوش ۆايتسكين. « وقۋ ونەرى».
بۇل دجوشۋا ۆايتسكيننىڭ اۆتورلىق ءومىربايانى. ول 9 جاسىندا شاحماتتان ۇلتتىق چەمپيوناتتى جەڭىپ العان جانە 28 جاسىندا تايتسزي جەكپە جەك ونەرىنەن چەمپيون بولعان. ەكى ءتۇرلى سپورتتان مۇنداي ناتيجەنە قالاي قول جەتكىزدى؟ دجوشۋا ءوزىن شاحماتتان نەمەسە تايتسزيدەن مىقتىمىن دەپ ەسەپتەمەيدى. ول «مەن وقىپ ۇيرەنۋدە مىقتىمىن» دەيدى. كىتاپتا ول ءوز حمكاياسىمەن بايانداپ، شىڭعا ەكى رەت كوتەرىلۋگە مۇمكىندىك بەرگەن وقۋ پرينتسيپتەرىمەن بولىسەدى. بۇل جاي عانا حيكايا ەمەس، بۇل كەز كەلگەن جەتىستىك ، چەمپيوندىق دەڭگەيدە بولسىن، تۋا بىتكەن تالانتپەن ەمەس، دۇرىس ءومىر ءسۇرۋ مەن دۇرىس داعدىلار مەن پسيحولوگيالىق دايىندىق ارقاسىندا كەلەتىنىن دالەلدەيتىن شىعارما.
6. ۆاديم زەلاند «تەحنوگەندى جۇيەنىڭ بۇزىلۋى».
ەگەر ەشقانداي ەرەكشە دارىنىڭىز بولماسا، جالپى قاتاردان شىعىپ، ەرەكشە بولۋعا تۋرا كەلەدى. كىتاپتا كەلتىرىلگەن بوساپ شىعۋ تەحنيكاسىن مەڭگەرسەڭىز، كەز كەلگەن الەمگە كىرە الاسىز. ءسىزدىڭ ينتەللەكتىڭىز جانە ونەرگە قابىلەتىڭىز دانىشپاندىق دەڭگەيگە جەتەدى. ءوز ماقساتىڭىزعا جەتۋ جولىندا ەش كەدەرگى بولمايدى. ەگەر اڭساعان ارمانىڭىز بولسا، ماقساتىڭىز وتە قيىن بولسا، ارمانىڭىزعا جەتۋ جولىندا ۇزىن سونار كەزەك كۇتۋ كەرەك بولسا، وندا ، سىزدە ەرەكشە مۇمكىندىك بار ەكەنىن ەسكەرىڭىز. ەشكىمدە جوق ارتىقشىلىققا يە بولۋ مۇمكىندىگى...
ماتريتسانى بۇزىپ شىعىپ، بوستاندىققا اتتانۋ. ءسىز ونىڭ مۇمكىن ەكەنىن ءبىلۋىڭىز كەرەك.
7. توم پيتەرس. «ەلەستەتىپ كورىڭىز».
الەمدىك بەستسەللەرلەر اۆتورى، كاسىپتى جۇرگىزۋدەگى جاڭا قادامداردىڭ اۆتورى، مەنەدجمەنت گۋرۋى توم پيتەرس زاماناۋي ىسكەرلىك الەمنىڭ جاڭا تارتىپتەرى جايلى باياندايتىن جاڭا كىتابىمەن ورتامىزعا قايتا ورالدى. ەشكىمدە جوق ستيلدە جازىلىپ، اۆتوردىڭ جاڭا Re-imaigne! فيلوسوفياسىن ناقتى جەتكىزۋ ماقساتىندا وڭدەلگەن كىتاپ ءىس- ارەكەتكە يتەرمەلەيدى. توم پيتەرستىڭ دەسترۋكتيۆتى بۇيرىقتارىمەن تانىسىڭىز، بيۋروكراتيا اجالىن قالاي بولجايتىنىن كورىڭىز، نەگە كاسىپكەرلىك دەگەن ادەمى ويلاۋ، ءبىرتۇرلى ويلاۋ، بۇرىن ەلەستەتە الماعان وزگەرىستەردى قابىلداۋ دەپ سانايتىنىن كورىڭىز..
8. برايان ترەيسي. «جايلىلىق ايماعىنان شىق».
ءوزىن ءوزى دامىتۋداعى ءبىرىنشى كىتاپ. 40 تىلگە اۋدارىلعان. 1 ميلليون، 200 مىڭ داناسى ساتىلعان. وسى كىتاپتان برايان ترەيسي ەسىمدى وزىندىك دامۋ بويىنشا جەتەكشى ماماننىڭ الەمدىك جەتىستىگى باستالادى. كىتاپتا ۋاقىتتى بولۋگە باعىتتالعان سۇراقتاردى مەڭگەرۋگە 30 دان اسا ءادىس تاسىلدەر كەلتىرىلگەن. جايلىلىق ايماعىنان شىعا وتىرىپ، كۇرمەۋى قيىن ماسەلەلەردىڭ شەشىمىن تابۋعا بولاتىنى جايلى باياندايدى.
9. بودو شەفەر. «جەڭىمپازدار زاڭدارى».
ومىردە ءوز ماقساتىڭا جەتۋ ءۇشىن پايدالىلىعى سىنالعان 30 زاڭدىلىق جيناقى، قولجەتىمدى، قىزىقتىراتىن فورمادا سيپاتتالعان.
10. روبين شارما. « فەرراريىن ساتقان موناح».
ناعىز تابىس دەگەن نە جانە وعان قالاي قول جەتكىزۋگە بولادى؟ مانساپتىڭ وسۋىنە، الەمدىك داعدارىس جاعدايىنا تاۋەلسىز باقىتقا كەنەلگەن بولا ما؟ ۇنەمى ەرتەڭگى كۇنگە الاڭداماي، ءار وتكەن كۇننەن ءلاززات الۋعا بولادى؟ ۇيرەنگەن جايلىلىقتان باس تارتپاي- اق رۋحاني بايلىققا قول جەتكىزۋگە كومەكتەسەتىن ادىستەر بار ما ەكەن؟ ەرەكشە دارىندى قالاي جەتىلدىرىپ، تاعدىردى باعىندىرۋعا بولادى؟ جانە ەڭ باستىسى، ءوزىڭ بەيىم ءىستى قالاي تابۋعا بولادى جانە ءوزىڭدى قالاي تابۋعا بولادى؟ جاۋاپتار الەمنىڭ كوپتەگەن ەلدەرىندە بەستسەللەر بولعان وسى كىتاپتا. روبين شارما دجۋليان مەنتل اتتى ميلليونەرمەن بىرگە ارماندار ورىندالاتىن سيۆانا اتتى ەلگە تاڭ قالارلىق ساياحات جاساۋدى ۇسىنادى.