قازاقستاندىقتار ەڭ كوپ دەمالاتىن 10 قالانىڭ اتى انىقتالدى

استانا. قازاقپارات - تۇركيا مەن مىسىر ەلى بۇرىنعىشا قازاقستاندىقتار ەڭ كوپ دەمالاتىن ەل بولىپ وتىر، دەپ حابارلايدى قازاقپارات ءتىلشىسى «تۋريستىك قامقور» كورپوراتيۆتىك قوردىڭ باسپا ءسوز-قىزمەتىنە سىلتەمە جاساپ.

«قور جەلىسى بويىنشا 2018-جىلى 343 مىڭ قازاقستاندىق شەتەلدە دەمالىپ قايتتى. «تۋريستىك قامقور» قۇرىلعان ساتتەن باستاپ جالپى العاندا 616 مىڭ تۋركود بەرىلدى. وتكەن تۋريستىك ماۋسىمدا قازاقستاندىقتار كوبىنەسە دەمالۋعا تۇركياعا باردى (148 مىڭ ادام). ەكىنشى ورىندا مىسىر ەلى - 104 مىڭ ادام. ءۇشىنشى ورىندا - بىرىككەن اراب امىرلىگى (33,5 مىڭ قازاقستاندىق) تۇر. ءتورتىنشى ساتىنى قىتاي مەن تايلاند ءوزارا بولىسسە (18 مىڭ تۋريستەن)، بەسىنشى ورىندا - ۆەتنام (4,5 مىڭ)، التىنشى ورىندا - ءۇندىستان (2,7 مىڭ)، چەحيا (2,4 مىڭ)، سەگىزىنشى ورىندا - دومينيكان (2,1 مىڭ)، توعىزىنشى ورىندا - گرەكيا (2 مىڭ) جانە وندىقتى گرۋزيا (1,4 مىڭ ادام) تۇيىندەيدى»، - دەلىنگەن قوردىڭ حابارلاماسىندا.

بەلگىلى بولعانداي، 2018-جىلى شەتەلگە شىققان بىردە-ءبىر قازاقستاندىق ساقتاندىرۋ جاعدايىن پايدالانباپتى. بارلىق كومپانيا ءوز مىندەتتەرىن ادال ورىنداپ وتىر.

تۋىنداعان كىشىگىرىم ماسەلەلەر جەدەل تۇردە سول جەردە شەشىلگەن. قازاقستاندىقتاردىڭ تۋروپەراتوردىڭ كەسىرىنەن شەتەلدەن شۇعىل شىعارۋ جاعدايى بولعان جوق.

قازىرگى تاڭدا «تۋريستىك قامقور» تىزىمىندە 56 تۋروپەراتور بار. ولارمەن fondkamkor.kz سايتىندا تانىسۋعا بولادى. بۇل رەتتە، جالپى تۋروپەراتورلىق قىزمەتتى جۇزەگە اسىراتىن شامامەن 140 كومپانيا جۇمىس ىستەيدى. قالعان 80 كومپانيا ءوز قىزمەتىن دەمالىس ۋاقىتىندا زاڭسىز جۇزەگە اسىرادى دەگەن ءسوز.

«اۋا رايى جاعدايىن نەگىزگە الا وتىرىپ اقپاندا قازاقستاندىقتاردىڭ دەمالىسى ءۇشىن جاقسى ورىندار رەتىندە تايلاند، ەگيپەت، كۋبا، ءۇندىستان، شري-لانكا، دومينيكانا، فيليپپيندەر، تانزانيا ەلدەرىن اتاپ وتۋگە بولادى»، - دەلىنگەن حابارلامادا.

سىرتتا دەمالۋ تۋريزمى سالاسىندا قازاقستان رەسپۋبليكاسى ازاماتتارىنىڭ قۇقىقتارىن كەپىلدەندىرۋ جۇيەسىنىڭ جۇمىس ىستەگەن ساتىنەن باستاپ جۇيە باسقارۋشىسى - «تۋريستىك قامقور» كورپوراتيۆتىك قورى (ك ق) شەتەلگە دەمالۋعا شىققان قازاقستاندىقتارعا 616 مىڭ تۋركود بەرگەن.