اتىراۋ وبلىسىندا ءمۇيىزىن كەسىپ كەتكەن 10 كيىكتىڭ دەنەسى تابىلدى
«تۇياقتى جابايى اڭداردى جانە كيىكتەردى قورعاۋ اياسىندا جۇرگىزىلگەن شارا بارىسىندا 10 كيىكتىڭ دەنەسى تابىلدى. ولاردى اتىراۋ وبلىسى ماحامبەت اۋدانىندا «وحوتزووپروم» ءو ب» رەسپۋبليكالىق مەملەكەتتىك قازىنالىق كاسىپورنى باتىس قازاقستان وبلىسىنداعى فيليالىنىڭ جەدەل ارەكەت ەتۋ توبى ينسپەكتورلارى تاپقان. بوكەندەردىڭ ءبارىن بىرەۋلەر اتىپ الىپ، كەيىن ءمۇيىزىن كەسىپ اكەتكەن»، - دەپ حابارلايدى «وحوتزووپروم» ءو ب» ر م ق ك.
وڭىرلىك پوليتسيا دەپارتامەنتىنىڭ مالىمەتىنشە، وقيعا ورنىنا ماحامبەت اۋدانى ا ءى ءى ب جەدەل تەرگەۋ توبى جىبەرىلگەن. فاكت ماحامبەت اۋدانى ا ءى ءى ب- ە تىركەلگەن.
ايتا كەتەيىك، قاڭتار ايىنىڭ 14 ءى كۇنى قاراعاندى وبلىسىندا براكونەرلەر «وحوتزووپروم» ينسپەكتورىن ءولتىرىپ كەتكەن بولاتىن.
ول جولى دا «وحوتزووپروم» ءو ب» ر م ق ك ينسپەكتورلارى قاراعاندى وبلىسىنىڭ نۇرا اۋدانىنىڭ اۋماعىنا رەيد جۇرگىزۋ بارىسىندا اتىپ الىنعان 5 كيىكتى تاپقان. كيىكتى اتقان ادامداردىڭ ىزىنە تۇسكەن ينسپەكتورلار مەملەكەتتىك تىركەۋ ءنومىرى جوق ەكى كولىكتى قۋىپ، ونىڭ ءبىرىن توقتاتقان. اۆتوموبيلدى تەكسەرۋ بارىسىندا ولار قارسىلىق كورسەتكەن. سونىڭ سالدارىنان ءبىر ينسپەكتوردىڭ جاعى سىنىپ، پىشاق جاراقاتىن السا، ەكىنشى ينسپەكتوردىڭ ميى شايقالىپ، ەس-تۇسىنەن ايىرىلدى. كەيىن ول استانا قالالىق 1№ اۋرۋحاناسىندا جان تاپسىردى.
21- قاڭتار كۇنى قىلمىستىق پوليتسيا دەپارتامەنتى قىزمەتكەرلەرىنىڭ قىزىلوردا وبلىسىنداعى ارنايى وپەراتسياسىنىڭ ناتيجەسىندە جەكە ۇيلەردىڭ بىرىنەن «وحوتزووپروم» ءو ب» ر م ق ك ينسپەكتورى نۇرعاليەۆ ەرلان بالعابەك ۇلىنىڭ ولتىرىلۋىنە قاتىستى ءۇش كۇدىكتى ۇستالدى. قازىرگى ۋاقىتتا تەرگەۋ امالدارى جۇرگىزىلىپ جاتىر. كۇدىكتىلەردىڭ ۇشەۋى دە ۋاقىتشا وقشاۋلاعىشقا قامالعان. سوتقا دەيىنگى تەرگەۋ امالدارى جالعاسۋدا.