+7 (701) 759 90 19 Лента
10 °С : استانا
19 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

حالىقارالىق رەيتينگ: قازاقستان جاستارى ءبىلىمدى 10 ەلدىڭ قاتارىنا كىردى

14 قاڭتار 07:38 468
:ءبولىسۋ
حالىقارالىق رەيتينگ: قازاقستان جاستارى ءبىلىمدى 10 ەلدىڭ قاتارىنا كىردى

استانا. قازاقپارات - Vouchercloud پورتالىنىڭ باعالاۋى بويىنشا قازاقستان جاستارعا ءبىلىم بەرۋ دەڭگەيى بويىنشا 9-ورىننان كورىنىپ، شۆەيتساريا، امەريكا قۇراما شتاتتارى، نورۆەگيا جانە فينليانديانى باسىپ وزدى، دەپ حابارلايدى قازاقپارات.

رەيتينگتى جاساۋشىلار ەلىمىزدىڭ «بارلىق ۇمىتتەردى اقتاعانىن» جازىپ، قازاقستاننىڭ «جاڭا ينتەللەكتۋالدى دەرجاۆا» بولا الاتىنىنا سەنىم بىلدىرەدى.

ايتا كەتۋ كەرەك، رەيتينگتىڭ العاشقى بەستىگىندە ازيا ەلدەرى تۇر. رەيتينگتى قۇراۋشىلاردىڭ پايىمداۋىنشا، بۇل جاعداي جاھاندىق ينتەللەكتۋالدى كۇشتىڭ ۇلكەن وزگەرىسكە ۇشىراعالى تۇرعانىن كورسەتەدى. ۋاقىت وتە كەلە جاڭا يننوۆاتسيالاردىڭ ءبارى دە شىعىستان اعىلىپ، باتىستىڭ يدەيالارى وزدەرىنىڭ ۇستەمدىكتەرىن توقتاتادى دەپ بولجايدى.

جاستاردىڭ ءبىلىم دەڭگەيى بويىنشا ەلدەردىڭ رەيتينگى پورتال جۇرگىزگەن زەرتتەۋدىڭ ءبىر بولىگى عانا بولىپ وتىر. Vouchercloud ساراپشىلارى الەمدەگى ەڭ اقىلدى 25 ەلدىڭ ءتىزىمىن جاساۋ ءۇشىن ءبىرشاما دەرەكتەردى پايدالانعان. جاستاردىڭ ءبىلىم دەڭگەيىنەن باسقا نوبەل سىيلىعىنىڭ لاۋرەاتتارى مەن حالىقتىڭ ورتاشا IQ كورسەتكىشى ەسكەرىلگەن.

Vouchercloud ساراپشىلارىنىڭ باعالاۋىنشا، امەريكا قۇراما شتاتتارىنان بىرنەشە رەت نوبەل لاۋرەاتتارى شىققانىنا قاراماستان (368) كۇن شىعىستاعى جاپونيا ەڭ اقىلدى ەلدەر رەيتينگىندە ءبىرىنشى ورىندى يەلەنگەن.

بۇل ەلدە تەك نوبەل سىيلىعىنىڭ 26 لاۋرەاتى عانا شىققانىمەن، ءبىراق حالىقتىڭ IQ دەڭگەيى مەن جاستاردىڭ ءبىلىم دەڭگەيى وتە جوعارى. ەكىنشى ورىننان شۆەيتسارياعا كورىنىپ وتىر.

ءۇشىنشى ورىنعا - الەمدەگى IQ دەڭگەيىندە ەكىنشى ورىنداعى قىتاي ورنالاسقان. ا ق ش رەيتينگتىڭ ءتورتىنشى ورنىنا جايعاسقان.

نيدەرلاندى ۇزدىك بەستىكتى تۇيىندەسە، ودان كەيىنگى ورىنداردان رەسەي (6-ورىن)، بەلگيا (7-ورىن)، ۇلى بريتانيا (8-ورىن)، كانادا (9-ورىن) جانە وڭتۇستىك كورەيا (10-ورىن) كورىنگەن.


باستى سوزدەر: قوعام, ءبىلىم جانە عىلىم,
:ءبولىسۋ

اأتور:

novasa

ونلاين قىزمەتكەرلەر
مۇراعات