نيۋ-يورك مەتروسىندا 10 مىڭ دوللارىن جوعالتقان قازاقستاندىققا اقشاسىن قايتارىپ بەردى
ال ا ق ش ازاماتى ونى يەسىنە قايتارىپ بەردى، دەپ حابارلايدى قازاقپارات CBS New York باسىلىمىنا سىلتەمە جاساپ.
جوعارى ۆەست-سايد تۇرعىنى، ا ق ش ازاماتى ريچارد تاۆەرنا نيۋ-يوركتەگى مەترونىڭ پلاتفورماسىندا ءىرى كولەمدە اقشا سالىنعان سومكە تاۋىپ العان. سومكەدەگى اقشانىڭ كولەمى 10 مىڭ ا ق ش دوللارىن قۇرايدى، دەپ جازادى امەريكالىق باسىلىم. كەيىنىرەك سومكەنىڭ يەسى قازاقستان تۇرعىنى ايا تولەماعانبەتوۆا ەكەنى انىقتالدى.
جەرلەسىمىزدىڭ ايتۋىنشا، ول ءوز اقشاسىن بالالارعا روجدەستۆو مەرەكەسىنە وراي سىيلىقتار الۋعا جۇمساماق بولعان. بۇل وتكەن ايدا بولعان وقيعا، الايدا ول تۋرالى كەشە عانا ءمالىم بولدى.
ريچارد تاۆەرنا ءوزى تاۋىپ العان زاتتى قالاي بولعاندا دا يەسىنە قايتارۋ قاجەت دەپ شەشكەن. ول زاتتىڭ يەسىن تاۋىپ الىپ، ونىڭ ىشىندەگىنىڭ بارلىعىن تولىعىمەن يەسىنە قايتارىپ بەرگەن.
«ريچارد ارى تازا، كەڭپەيىل ازامات بولىپ شىقتى. ونىڭ بۇل ارەكەتى مەنىڭ امەريكالىقتارعا دەگەن كوزقاراسىمدى وزگەرتتى»، - دەيدى ايا تولەماعانبەتوۆا.
ا ق ش ازاماتىنىڭ وسى ارەكەتىنە ريزاشىلىق رەتىندە ول 10 مىڭ دوللاردىڭ 1 مىڭ دوللارىن قايىرىمدىلىق شاراسىنا جۇمساپ، ريچاردقا «التىن ادامنىڭ» ءمۇسىنىن سىيعا تارتقان.