21:28, 11 - قاڭتار 2019 | GMT +6
لوتەرەيا جەڭىمپازىنىڭ 10 ميلليون دوللار ۇتقان بيلەتىن ۇرلاپ كەتكەن
استانا. قازاقپارات - كاليفورنيا تۇرعىنى لوتەرەيادان جەڭىپ، ۇتىسى تۋرالى ءبىر بولمەدە تۇراتىن كورشىسىنە ماقتانعان.
ءبىراق، ول ۇيىمداستىرۋشىلاردىڭ كەڭسەسىنە اقشانى الۋعا كەلگەن كەزدە وعان ەشتەڭە ۇتپاعانىن حابارلاعان.
ول ون مىڭ دوللار ۇتقانىنا سەنىمدى بولعاندىقتان پوليتسياعا كورشىلەرىنىڭ اۋىستىرىپ قويعانىن ايتىپ، شاعىم تۇسىرگەن.
جەرگىلىكتى پوليتسيا ءبولىمىنىڭ Facebook-تەگى پاراقشاسىندا حابارلانعانداي، كورشىلەردىڭ ءبىرى ۇتىسى بار بيلەتتى اۋىستىرىپ، اقشانى قولما-قول الماقشى بولعان. بۇدان بولەك، جەڭىمپازعا تيەسىلى بولعان ۇتىس 10 مىڭ ەمەس، 10 ميلليون دوللار بولىپ شىقتى.
بيلەتتى ۇرلاعان كورشىسىن اقشانى قولما-قول الۋعا كەلگەن كەزدە ۇستاپ، اقشانى شىنايى جەڭىمپازعا بەرگەن.