وزىنە سەنىمدى بالا ءوسىرۋدىڭ 10 جولى

 استانا. قازاقپارات - ءار بالا - ءوز قابىلەتىمەن، دەنە-ءبىتىمى، مىنەز-قۇلقى، ىشكى دۇنيەسىمەن ەرەكشە جاراتىلعان جان.

ءبىر ءۇيدىڭ بالالارىنىڭ ءوزى ءارتۇرلى بولادى، ءار بالانى وزىندىك بولمىسىمەن قابىلداي ءبىلۋ، تۇسىنە ءبىلۋ، قابىلەتىنە قاراي باعىت-باعدار بەرە ءبىلۋ وتە ماڭىزدى. اتا-انانىڭ تاربيەگە دەگەن دۇرىس كوزقاراسىبالاسىن وزىنە سەنىمدى، جەتىستىكتى، جان-جاقتى ەتسە، جىبەرگەن قاتەلەرى سەنىمسىزدىك پەن ىزاقورلىققا، جاسىقتىققا، وزىنە دەگەن سالعىرتتىق پەن ءومىرىنىڭ مانسىزدەنۋىنە اكەپ سوعۋى ابدەن مۇمكىن.

وزىنە سەنىمدى بالا ءوسىرۋ ءۇشىن مىنا فاكتورلارعا كوڭىل ءبولىنۋى كەرەك:

1. بالانىڭ ءوز ويىن ايتۋىنا، ىشىندەگىسىن جەتكىزۋىنە جاعداي جاساۋ.

2. ءسوزىن بولمەي، كوڭىل بولە وتىرىپ تىڭداي ءبىلۋ.

3. تىڭداي سالۋ عانا ەمەس، ايتقاندارىن ەستۋ، دۇرىس جاۋاپ بەرۋ.

4. بالادان ءوز جاسىنا ساي ارەكەتتەر كۇتۋ، مىسالى، قوناقتا 3 ساعات قيمىلداماي وتىرۋىن نەمەسە 3 جاستاعى بالانىڭ توكپەي- شاشپاي جەۋىن تالاپ ەتۋ دۇرىس ەمەس.

5. بالاعا كىشكەنە دە بولسا، جاۋاپكەرشىلىكتەر جۇكتەۋ، ورىنداۋىنا مۇمكىندىك بەرۋ.

6. بالانىڭ ۇمتىلىسىن باعالاي ءبىلۋ، كەيدە ماقتاۋ، قولپاشتاۋ.

7. بالانىڭ ۇلگەرىمسىزدىگى نەمەسە سۇرىنگەن جەرلەرىن «سەن سوندايسىڭ» - دەپ تۇلعالىق كەمشىلىگىنە اينالدىرماي، ءبىر سالاداعى ۋاقىتشا ءبىر جەڭىلىس ەتىپ كورۋ جانە بالاعا دا سولاي كورسەتە ءبىلۋ.

8. مەكتەپتە دە بالاعا جەكە تۇلعا رەتىندە قارالۋى، جاقسى وقيتىن بالالاردى عانا وقشاۋلاماي، بارلىق بالاعا بىردەي ۇستازدىق ەتىلۋى وتە ماڭىزدى.

9. بالانىڭ قالاۋىن ەسكەرۋ، كىشكەنتايىنان وعان تاڭداۋ مۇمكىندىگىن بەرۋ - كەلەشەكتە ءوز پىكىرىنىڭ قالىپتاسۋىنا سەبەپشى بولادى.

10. بالاعا ايعايلاماۋ، زەكىمەۋ، استە قول كوتەرمەۋ.