جىلىنا 10 توننا التىن كونتسەنتراتىن وندىرەتىن نىسان ىسكە قوسىلدى
«الدىڭعى قاتارلى قۇرال- جابدىقتار مەن تەحنولوگيالاردى پايدالانۋ ارقىلى زاماناۋي تاۋ- كەن بايىتۋ كەشەنى ىرگەتاسىنان باستاپ سالىندى. ول جىلىنا ورتاشا ەسەپپەن 10 توننا التىن كونسەنتراتىن وندىرەتىن بولادى. جوبانى جۇزەگە اسىرۋ 9 جىل بويى قۇرامىندا التىن بار كەندى اشىق تاسىلمەن، ال ودان كەيىن جەراستىنان وندىرۋگە مۇمكىندىك بەرەدى. تاۋ- كەن بايىتۋ كەشەنىنىڭ ونىمدىلىگى جىلىنا 2 ميلليون توننا كەندى قۇرايدى. وسىناۋ بىرەگەي جوبا ازىرلەۋدەن وندىرىسكە دەيىن جولدان ءوتىپ، جوسپارلانعان قۋاتىنا شىقتى جانە قازىردىڭ وزىندە 3 توننا التىن كونسەنتراتىن ءوندىردى» ، - دەپ اتاپ ءوتتى شارا بارىسىندا «باقىرشى تاۋ- كەن ءوندىرۋ كاسىپورنى» ج ش س- نىڭ باس ديرەكتورى يۋري وۆچيننيكوۆ.
تەلەكوپىر بارىسىندا اتالعان كاسىپورىن باس گەولوگىنىڭ ورىنباسارى سەرىك قوناقبايەۆتا ءسوز سويلەپ، ەلباسىنىڭ ارقاسىندا ونداعان مىڭ جاس قازاقستاندىق ساپالى كاسىبي ءبىلىم العانىن باسا ايتتى.
«Caravan Resources Ltd» ج ش س - ديرەكتورلار كەڭەسىنىڭ ءتوراعاسى قايرات ساتىلعانوۆ «المالى» كەن ورنىندا كاتودتى مىس ءوندىرۋ زاۋىتىن تەستىلى تۇردە ىسكە قوسىلعانىن اتاپ ءوتتى.
«اسا قۇرمەتتى نۇرسۇلتان ءابىش ۇلى! Sary-ArkaCopper Processing كومپانياسى قاراعاندى وبلىسى «المالى» كەن ورنىندا كاتودتى مىس ءوندىرۋ زاۋىتىن تەستىلى تۇردە ىسكە قوستى. قازىرگى تاڭدا بارلىق سىناق جۇمىستارى اياقتالىپ، 1000 توننا ءونىم شىعارىلدى. جوبا بارىسىندا جوعارى ءونىمدى 550 جاڭا جۇمىس ورنىن اشپاقپىز. ءبىزدىڭ كاسىپورىن يندۋستريا 4.0 مەن ونەركاسىپتىك سيفلاندىرۋعا كوشۋ باعدارلاماسىنىڭ تالاپتارىنا ساي. ءسىز ءاردايىم قازاقستاندىق مەتاللۋرگتەرگە قولداۋ كورسەتەسىز. ءسىزدىڭ ارقاڭىزدا ءبىز جاڭا ءوندىرىس كەزەڭدەرىن مەڭگەردىك. ءسىزدىڭ قولداۋىڭىزدى سەزىنىپ، تاۋەلسىز ءارى قۋاتتى قازاقستاننىڭ وركەندەۋى ءۇشىن جۇمىس ىستەيتىن بولامىز. قۇرمەتتى، ەلباسى! ەكى بىردەي كاسىپورىنىمىزدا تولىق ءوندىرىستى ىسكە قوسۋعا رۇقسات بەرىڭىز!» ، - دەدى قايرات ساتىلعانوۆ.
ءوز كەزەگىندە نۇرسۇلتان نازاربايەۆ زاۋىتتاردى ىسكە قوسۋعا رۇقسات بەرىپ، تابىستى بولىڭدار دەگەن تىلەگىن جەتكىزدى.