ەڭ ناتيجەلى 10 ءىس-قيمىل

 استانا. قازاقپارات - جاڭادان تانىسقان اداممەن سويلەسۋ بارىسىندا ونىڭ ءسىز تۋرالى ويىن العاشقى 4 مينۋتتا-اق قالىپتاسادى.

ءارى ءسىز تۋرالى اسەرى سوزىڭىزدەن گورى ۆەربالدى ەمەس، ياعني ءسىزدىڭ ءىس- قيمىلىڭىز ارقىلى قالماق.

1. الاقانىڭىزدى بۇكپەي وتىرىڭىز

ءسىزدىڭ قولىڭىز اڭگىمە ۇستىندە اڭگىمەلەسۋشى ادامعا كورىنىپ وتىرۋى ءتيىس. مۇنداي بەلگىگە قارسى الدىڭىزعا كىسىنىڭ ميى بىردەن نازار اۋدارادى. اڭگىمەلەسۋشىڭىز ءسىزدىڭ سوزدەرىڭىزگە وڭ كوزقاراسپەن قاراپ، كەزدەسۋىڭىز جاقسى وتپەك.

2. ساۋساقتارىڭىزدى ءارلى- بەرى جايا بەرمەڭىز

جۇرت الدىندا ءسوز سويلەگەندە ساۋساقتارىن بىرىكتىرىپ، قولىن يەگىنەن تومەن ۇستايتىندار سەنۋگە تۇرارلىق ادامدار ەكەنىن ەستەن شىعارماڭىز. سوندىقتان، ساۋساقتارىڭىزدى، قولىڭىزدى يەگىڭىزدەن جوعارى كوتەرىپ، سوزا بەرمەڭىز. بۇل ءسىزدىڭ ابىرويىڭىز بەن باسقا ادامداردىڭ سىزگە دەگەن كوڭىلىن تۇسىرەدى.

3. شىنتاعىڭىزدى سۇيەنىشكە قويىڭىز

ەگەر ادام شىنتاعىن ورىندىقتىڭ سۇيەنىشىنە تىرەپ وتىرسا، بەدەلى جوعارى، ەرىك- كۇشى مىقتى تۇلعا بولىپ كورىنەدى. البەتتە، ءسىز دە وسىلاي وتىرساڭىز، اڭگىمەلەسۋشىگە وڭ اسەر قالدىراسىز. ۇيالشاق، ءالسىز ادامدار ورىندىققا جابىسىپ وتىرۋدى ءجون كورەدى. بۇلاي وتىرۋدان قاشىق بولىڭىز.

4. ءوز كەڭىستىگىڭىزدى ساقتاڭىز

جاقسى تانىمايتىن ادامنىڭ جەكە كەڭىستىگى بار ەكەنىن ويىڭىزدا ساقتاڭىز. العاشقى كەزدەسۋدە بۇل وتە ماڭىزدى. ەگەر اڭگىمەلەسۋشىگە تىم جاقىنداپ كەتسەڭىز، ول ءوزىن ىڭعايسىز سەزىنىپ، كەرى شەگىنۋى مۇمكىن. جاسى وزىڭىزبەن قاتارلاس اداممەن جاقىن تۇرۋعا بولادى، ال ۇلكەن مەن جاس اراسىنداعى كەڭىستىك ۇلكەن بولعانى ابزال.

5. قارسى جاقتىڭ قيمىلىن اينا- قاتەسىز قايتالاڭىز

اڭگىمەلەسۋشى ادامنىڭ سويلەۋ مانەرىن، قيمىل- قوزعالىسىن، ءوزىن قالاي ۇستايتىنىن دالمە- ءدال قايتالاپ وتىرىڭىز. ءسىزدىڭ وعان دەگەن قىزىعۋشىلىعىڭىز ارتقانىن بايقاپ، سوڭىندا سىزبەن ارالاسۋ وتە وڭاي ەكەندىگىن ايتاتىن بولادى.

6. ونىڭ سويلەۋ شاپشاڭدىعىن كوشىرىپ الىڭىز

اركىمنىڭ سويلەۋ شاپشاڭدىعى ويلاۋىنىڭ جىلدامدىعىمەن بايلانىستى. اڭگىمەلەسۋشىڭىزدىڭ جىلدامدىعىمەن بىردەي نەمەسە ودان ءسال جايىراق سويلەڭىز، ونىڭ ينتوناتسياسىن، ەكپىنىن قايتالاڭىز. اينالاسىنداعىلاردان تەز سويلەيتىن ادامدى كوبىنە كۇيگەلەك، ماڭايىنداعىلارعا قىسىم كورسەتەتىن ادام رەتىندە قابىلدايتىنىن زەرتتەۋلەردەن اڭعارۋعا بولادى.

7. قولىڭىزدى قۋسىرماڭىز

 ەكى قولىن كەۋدەسىنە قۋسىرىپ ۇستاعان ادام جانىنداعىلاردان بولەكتەنگىسى كەلىپ، ۇناتپاعانىن بىلدىرەدى. جەكە كەزدەسۋلەردە قولىڭىزدى قۋسىرماڭىز، ەگەر جانىڭىزداعى ادام سولاي جاساسا، بۇل كەيپىن وزگەرتۋىن سۇراڭىز.

8. اڭگىمەلەسۋشىڭىزدىڭ شىنتاعىنان سۇيەپ ۇستاڭىز

ەگەر ول ءبىرىنشى بولىپ ىستەمەسە، ءسىزدىڭ دە جاساماعانىڭىز دۇرىس. ءبىراق 3 سەكۋندتاي اڭگىمەلەسۋشىڭىزدىڭ شىنتاعىنا جاي ءتيىپ كەتسەڭىز، ونىڭ سىزبەن بىرىگە ءىس باستاۋعا دايىندىعى %68-عا دەيىن كوتەرىلەدى.

9. ەسىمىن قايتالاڭىز

بىرەۋمەن جاڭادان تانىسقان كەزدە قول الىسۋلارىڭىز كەرەك. قول الىسىپ جاتقاندا سول قولىڭىزبەن ونىڭ شىنتاعىنان نەمەسە بىلەگىنەن جاي عانا ۇستاپ، ەسىمىن قايتالاڭىز. بۇل ونىڭ ەسىمىن دۇرىس ەستىگەنىڭىزدى بىلدىرەدى. مۇنداي ءادىس وعان جاقسى اسەر بەرىپ قانا قويماي، ءسىزدىڭ بولاشاقتا وسى ەسىمدى ۇمىتپاۋىڭىزعا دا كومەگىن تيگىزەدى.

10. سويلەپ جاتقاندا بەتىڭىزدى ۇستاماڭىز

زەرتتەۋلەرگە سۇيەنسەك، وتىرىك ايتىپ تۇرعان نەمەسە شىندىقتى جاسىرىپ تۇرعان ادامدار مۇرنى مەن بەتىن كوپ ۇستايدى. بۇل ادام وتىرىك ايتىپ تۇرعاندا ونىڭ قان قىسىمىنىڭ كوتەرىلۋىمەن تۇسىندىرىلەدى. ءتىپتى، مۇرنىڭىز كەنەتتەن قىشىسا دا، جانىڭىزداعى ادامدار وتىرىك ايتىپ تۇر دەپ قابىلداۋى مۇمكىن. سويلەپ تۇرعاندا قولىڭىزدى بەتىڭىزدەن اۋلاق ۇستاڭىز.

جۇمىس بابىمەن كەلىسسوزدەرگە، ماڭىزدى كەزدەسۋلەرگە بارار الدىندا جاقسىلاپ دايىندىق جۇرگىزىڭىز. ءبارىن ءمىنسىز ورىنداپ جاتقانىڭىزدى ەلەستەتىڭىز. ءبارىن الدىن الا ويلاستىرىپ الساڭىز، كەزدەسۋ ءسىزدىڭ پايداڭىزعا شەشىلەتىنىنە سەنىڭىز.

دەرەككوزى: "ك ك" توپتاماسىنان