استانادا 10-قاباتتان قۇلاعان بالانى قۇتقارعان جىگىت ماراپاتتالدى
«كەشە ءسىزدىڭ ەرلىگىڭىزدى ەستىپ، قاتتى قۋانىپ قالدىق. جاپ- جاس استانالىقتىڭ ءومىرىن ساقتاپ قالدىڭىز. ءبىزدىڭ اكىمدىكتىڭ اتىنان، بۇكىل حالىقتىڭ اتىنان سىزگە ۇلكەن العىس ايتقىمىز كەلەدى. البەتتە، ءبىزدىڭ قۇرمەتتەن جوعارى ەرلىك جاسادىڭىز. سىزگە كوپ راحمەت» ، - دەدى قالا اكىمى.
ءوز كەزەگىندە ارتەم كاريەۆ بۇل قۇرمەتكە العىسىن ايتتى.
ەسكە سالا كەتسەك، كەشە استانا تۇرعىنى ارتەم كاريەۆ 10-قاباتتان قۇلاعان 7 جاسار بالانى قۇتقارىپ قالعان بولاتىن. وقيعا سارىارقا اۋدانىنىڭ جەڭىس داڭعىلىنداعى كوپقاباتتى ۇيلەردىڭ بىرىندە، 24 - قىركۇيەكتە بولعان.
«تاڭعى 10:16 دا جەڭىس داڭعىلىنداعى 28-ۇيدە جاس بالانىڭ 10-قاباتتان قۇلاۋ قاۋپى تۋرالى حابار كەلىپ ءتۇستى. 10:22 دە وقيعا ورنىنا استانانىڭ №2 ارنايى مامانداندىرىلعان ءورت ءسوندىرۋ ءبولىمى جەتكەن جانە ولار كەلگەنشە 9-قاباتتاعى تۇرعىن بالانى قۇتقارىپ ۇلگەرگەن» ، - دەپ حابارلاعان ەدى ق ر ءى ءى م ت ج كوميتەتىنىڭ رەسمي وكىلى رۋسلان يمانقۇلوۆ.