+7 (701) 759 90 19 Лента
8 °С : استانا
10 °С : الماتى
USD 369.36 EUR 431.30
RUB 5.45 CNY 53.80
جاڭالىقتار

يتاليا چەمپيوناتىندا ەڭ كوپ جالاقى الاتىن 10 فۋتبولشى

15 قىركۇيەك 03:30 405
:ءبولىسۋ
يتاليا چەمپيوناتىندا ەڭ كوپ جالاقى الاتىن 10 فۋتبولشى

 استانا.قازاقپارات - بىرەر اپتا بۇرىن La Gazzetta dello Sport باسىلىمى يتاليانىڭ ىشكى بىرىنشىلىگىندە ەڭ كوپ جالاقى الاتىن فۋتبولشىلاردىڭ ءتىزىمىن جاريالاعان بولاتىن.

كۇنى كەشە «يۋۆەنتۋس» كلۋبىمەن كەلىسىمشارتىن ۇزارتقان سامي حەديرا بۇل تىزىمدەگى العاشقى وندىققا ەندى. قازىرگى تاڭدا يتاليا چەمپيوناتىندا ەڭ جالاقى الاتىن ويىنشى، ول - كريشتيانۋ رونالدۋ. جارناما، سىياقى جانە وزگە دە تابىس تۇرلەرىن قوسپاعاندا فۋتبولشى جىلىنا 30 ميلليون ەۋرو الادى. وسى جازدا عانا تۋريندىك كلۋب قاتارىن تولىقتىرعان پورتۋگالدىق جاڭا كومانداسىمەن ءتورتجىلدىق كەلىسىمشارتقا قول قويعان. رونالدۋدىڭ جالاقىسى يتاليا چەمپيوناتىنداعى وزگە فۋتبولشىلاردان الدەقايدا جوعارى. ءتىپتى مۇنداي كولەمدەگى قارجى كەي كوماندالاردىڭ بۇكىل ويىنشىلارىنا بەرەتىن جىلدىق جالاقىسىنان كوپ.

 ماسەلەن، «ساسسۋولو» كومانداسى بۇكىل ويىنشىلارىنىڭ ءبىرجىلدىق جالاقىسىنا 30 ميلليون ەۋرو شىعىندايدى. رونالدۋ بولسا ءبىر ءوزى وسىنداي جالاقى الادى. ال «كالياري» (29) ، «دجەنوا» (29) ، «اتالانتا» (27) ، «ۋدينەزە» (26) ، «پارما» (23) ، «فروزينونە» (22) ، «كيەۆو» (21) ، سپال (21) جانە «ەمپولي» (16) كلۋبتارىندا بۇدان دا تومەن. يتاليا چەمپيوناتىندا ەڭ كوپ جالاقى تولەيتىن كلۋبتار ءتىزىمىن «يۋۆەنتۋس» باستاپ تۇر. ءبىر جىلدا ويىنشىلارىنا 219 ميلليون ەۋرو شىعىندايدى ەكەن. ودان كەيىنگى ورىندارعا «ميلان» (140 ميلليون ەۋرو) مەن «ينتەر» (116 ميلليون ەۋرو) كوماندالارى جايعاسقان.

 رونالدۋدان كەيىن ەڭ كوپ ەڭبەكاقى الاتىن ويىنشى - گونسالو يگۋاين. ول جاڭا كلۋبى «ميلاندا» جىلىنا 8,5 ميلليون ەۋرو الادى. ۇزدىك ۇشتىكتە پاۋلو ديبالا تۇر. ول وسىعان دەيىنگى كەلىسىمشارتى بويىنشا 7 ميلليون ەۋرو كولەمىندە تابىس تاۋىپ كەلەدى. تۋريندىك كلۋبپەن كەلىسىمشارتىن ۇزارتقان سامي حەديرا جىلىنا 6 ميلليون ەۋرو الاتىن بولدى. ناتيجەسىندە ەڭ كوپ جالاقى الاتىن ويىنشىلار تىزىمىندە 7-ورىنعا كوتەرىلدى.

 1. رونالدۋ - 30 ميلليون ەۋرو

 2. يگۋاين - 8.5 ميلليون ەۋرو

 3. ديبالا - 7 ميلليون ەۋرو 4

. پيانيچ - 6.5 ميلليون ەۋرو

 5. دوننارۋمما - 6 ميلليون ەۋرو

6. دۋگلاس كوستا - 6 ميلليون ەۋرو

 7. حەديرا - 6 ميلليون ەۋرو

 8. بونۋچچي - 5.5 ميلليون ەۋرو

 9. يكاردي - 5 ميلليون ەۋرو

10. ەمرە دجان - 5 ميلليون ەۋرو يتالياداعى كلۋبتار اراسىندا ەڭ كوپ جالاقى الاتىن جاتتىقتىرۋشىلار كوشىن ماسسيميليانو اللەگري باستاپ تۇر. ول «يۋۆەنتۋستا» جىلىنا 7,5 ميلليون ەۋرو جالاقى الادى. ودان كەيىنگى ورىنداردا - كارلو انچەلوتتي («ناپولي»، 6,5 ميلليون ەۋرو) مەن لۋچانو سپالەتتي («ينتەر»، 4,5 ميلليون ەۋرو) .

Massaget.kz


باستى سوزدەر: الةم,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات