21:06, 17 - شىلدە 2018 | GMT +6
ۇلتتىق بانك «جاڭا» 10 مىڭ تەڭگەلىك تۋرالى: مۇنداي اقشا جوق
استانا. قازاقپارات - ۇلتتىق بانك الەۋمەتتىك جەلىلەردە «جاڭا» 10 مىڭ تەڭگەلىك تۋرالى تاراپ جاتقان حابارلاماعا قاتىستى پىكىر ءبىلدىرىپ، كۇلگىن ءتۇستى بانكنوتتى اينالىمعا شىعارماعانىن مالىمدەدى، دەپ حابارلايدى ۆەدومستۆونىڭ باسپا ءسوز قىزمەتى.
«ءبىز 10 مىڭ تەڭگەلىك جاڭا قاعاز اقشانى شىعارۋدى جوسپارلاپ وتىرعانىمىز جوق. مۇنداي اقشا جوق جانە شىعارىلىمى جوسپارلانباعان»، - دەلىنەدى ۆەدومستۆو حابارلاماسىندا.
ايتا كەتسەك، جەلىدە كۇلگىن ءتۇستى 10 مىڭ تەڭگەلىك قاعاز اقشانىڭ سۋرەتى تاراپ كەتكەن. ونىڭ ءبىر جاعىندا بۇركىت بەينەلەنسە، ەكىنشى جاعىندا استاناداعى «نۇر الەم» بەلگىسى بار. قاعاز اقشاداعى جازۋ لاتىن قارپىندە جازىلعان. ءتىپتى، مەملەكەتتىك تۋ مەن سەريالىق ءنومىرى دە كورسەتىلگەن.