ەستە ساقتاۋ قابىلەتىن دامىتۋدىڭ 10 ءادىسى

None
None
 استانا. قازاقپارات - 1. جاقسى كىتاپتار وقىڭىزدار

 كىتاپتى وقۋ بارىسىندا ميىڭىزدى كەيىپكەر ، ونىڭ مىنەز- قۇلقى، سەزىمى، ۋاقيعالار جايلى اقپاراتتى جاتتاۋعا ماجبۇرلەيسىزدەر. ميدا ناقتى بەينەلەر قۇرالىپ، قابىلداۋىڭىزدىڭ جاقسارۋنا سەبەپشى بولادى. سول ارقىلى وقۋ ءسىزدىڭ ەستە ساقتاۋ قابىلەتىڭىزدى جاقسارتىپ، زياتكەرلىگىڭىزدى جەتىلدىرىپ، سوزدىك قورىڭىزدى بايىتادى.

2. كومپيۋتەر ويىندارى

 كومپيۋتەر ويىندارىن ءسۇيىپ وينايتىندارعا، ولار وزدەرىنىڭ ميىن جاتتىقتىراتىن ءبىلۋ قۋانتار. ءبىراق... ميدى جاتتىقتىرۋ ءۇشىن جارتى ساعات، اسىپ كەتكەندە ءبىر ساعات جەتكىلىكتى. زياتكەرلى نەمەسە لوگيكالىق ويىنداردى ويناۋ بارىسىندا، ويىنشى ستراتەگيا تاڭداپ، الداعى ءىس- ارەكەتتى جوسپارلايدى. ەگەر ءسىزدىڭ جۇمىسىڭىز ەسكىشىلدىك نەگىزىندە بولسا، جارتى ساعاتتتىق ويىن ميدى بەلسەندىلىك جاعدايىندا ۇستايدى.

3. ۇيقى

 ميدى جاقسى قالىپتا ۇستاۋ ءۇشىن سەگىز ساعاتتىق ۇيقى كەرەك. كۇنى بويى ءسىزدىڭ ميىڭىز ءار ءتۇرلى ماسەلەلەردى شەشەدى -  وڭاي بولسىن، قيىن بولسىن. سوندىقتان وعان ەرتەڭگى ماسەلەلەردى شەشۋ ءۇشىن جاقسى دەمالىس كەرەك.

4. جاڭا ءبىر نارسەنى ۇيرەنىڭىز

 نە نارسەنى ۇيرەنگىڭىز كەلەدى، نە نارسە كەرەكتىگىن جاقسىلاپ ويلاپ، سونى جۇزەگە اسىرىڭىز. ءوز كۇشتەرىڭىزدى جاڭا اۋەس ىسكە جۇمساڭىزدار -  مۇمكىن، ول اتپەن سەرۋەندەۋ نەمەسە سۋرەت ونەرى بولاتىن شىعار. بالاعا ەرتەگى جازىپ نەمەسە ولەڭ شىعارىپ كورىڭىزدەر. ەشقاشان ىستەمەگەن نارسەنى ىستەڭىزدەر، ءوز ميىلارىڭىزعا وعان بەلسەندى قاتىسۋعا مۇمكىن بەرىڭىزدەر.

5. كەرتارتپالىقتان قۇتىلىپ كورىڭىز

 ەرەكشە ءىس- ارەكەتتەر جاساپ، اياق- استى شەشىمدەر قابىلداڭىزدار. مىسالى، تاڭعى كوفەڭىزدى شىرىنعا الماستىرۋ، سول قولمەن جازىپ ۇيرەنۋ؛ ۇيرەنشىكتى باعىتتى اۋىستىرىڭىز -  سول ارقىلى ەسكىلىكتەن قۇتىلاسىزدار.

6. ساندارمەن جۇمىس ىستەپ كورىڭىز

 كوبەيتۋ كەستەسىن بىلەسىز بە؟ ونى ويشا قالاي ساناۋ كەرەكتىگىن شە؟ ءبىز ءومىرىمىزدى كالكۋلياتورسىز ەلەستەتە المايمىز. ال سىزدەر سۋپەرماركەتتەگى ساۋداڭىزدى ويشا ەسەپتەپ، نە باسقا دا ەسەپتەردى ەسەپتەپ كورىڭىز. بۇل ارقىلى ميدى جاتتىقتىرىپ قويماي، ەستە ساقتاۋ قابىلەتىن دە جاقسارتاسىز.

7. جاتتاپ ۇيرەنىڭىزدەر

جاتقا قانشا تاقپاق بىلەسىزدەر؟ ال بالالار ون شاقتىسىن بىلەدى. سىزدەر بالالارىڭىزبەن بىرگە ون شاقتى تاقپاق نەمەسە قازىرگى زامانعى اقىنداردىڭ ۇناعان ولەڭدەرىن جاتتاپ الۋلارىڭىزعا بولادى. ەستە ساقتاۋ قابىلەتىن جاتتىقتىرىپ قانا قويماي، جاقسى نارسەگە دە قول تيگىزەسىزدەر. ءبىر كەزدەرى ارىپتەستەرىڭىزگە، وتباسىلارىڭىزعا جاتقا ولەڭ ايتىپ، ولاردى تاڭعالدىراسىزدار.

 8. وتكەنىڭىز تۋرالى ايتىڭىز

 بىرەۋگە كەشەگى كۇنىڭىز جايلى ايتىڭىز. سوڭىنان باسىنا دەيىن. مىسالى، كەشكە، سوسىن كۇندىز نە ىستەدىڭىزدەر، كەشەگى كۇنىڭىز قالاي باستالدى. وتكەنگە كوز جۇگىرتۋ ارقىلى ميىڭىز سول اقپاراتتى جاتتاپ قالادى.

9. شەت تىلدەرىن ۇيرەنۋ

 شەت تىلدەرىن ۇيرەنۋ ميدى جاتتىقتىرۋدىڭ جاقسى جولى. كۇنىنە كەم دەگەندە ون جاڭا ءسوز جاتتاۋدى ادەتكە اينالدىرىڭىز. وسىنى ءادىستى مەڭگەرگەندە، ءسوز ەمەس ءسوز تىركەستەرىن جاتتاۋعا كوشۋ كەرەك.

10. سوزدىك قورىڭىزدى كوبەيتىڭىز

 كۇنىنە ءوزىڭىز ءۇشىن جاڭا ءسوزدى اشىڭىز. بۇل جالپى نەمەسە ءسىزدىڭ ماماندىعىڭىزعا قاتىستى سوزدەر بولۋى مۇمكىن. سىزگە تۇسىنىكسىز سوزدەردىڭ انىقتاماسىن تابۋ ءۇشىن سوزدىكتەردى قولدانىڭىز. سول جاڭا سوزدەردى ومىردە قولدانۋ ارقىلى جاتتاڭىزدار.

ەگەر سىزدەر ەستە ساقتاۋ قابىلەتىڭىزدى جاتتىقتىرماساڭىز، ونى جوعالتىپ الاسىز. ەستە ساقتاۋ قابىلەتىن السىرەتىپ الماۋ ءۇشىن مىنا 10 كەڭەستى قولدانىڭىزدار. ولار كوپ ۋاقىتتى المايدى، ءبىراق ءبىراز ۋاقىتتان كەيىن ءسىزدىڭ ميىڭىز تيىمدىرەك جۇمىس ىستەيتىنىن بايقايسىزدار.

 

سوڭعى جاڭالىقتار