ەل اۋماعىندا ورىن العان داۋىل سالدارىن جويۋعا 10 كۇن قاجەت

استانا. قازاقپارات - بۇگىن ۇكىمەت ۇيىندەگى باسپا ءسوز ءماسليحاتىندا ق ر ىشكى ىستەر ۆيتسە-ءمينيسترى يۋري يلين ەلىمىزدىڭ اۋماعىندا ورىن العان داۋىلعا قاتىستى تۇسىنىكتەمە بەردى، دەپ حابارلايدى قازاقپارات.

«استانا مەن الماتى اۋماعىندا ورىن العان داۋىلعا قاتىستى ايتار بولسام، ءبىز قازگيدرومەتتەن داۋىل سوعاتىندىعى تۋرالى ەسكەرتۋ الىپ، ونى س م س(كەلتە حات) جانە ب ا ق قۇرالدارى ارقىلى تاراتۋ جولىمەن حابارلايمىز. استانادا ورىن العان داۋىل سالدارىن جويۋ جالعاسىپ جاتىر. مۇنان بولەك، اتىراۋ، باتىس قازاقستان، وڭتۇستىك قازاقستان وبلىستارى اۋماعىندا بولعان داۋىلدان كەيىنگى جۇمىستار جۇرگىزىلۋدە. ويتكەنى، ءار وڭىردە ءتۇرلى الاڭدار، ونىڭ ىشىندە اكىمشىلىك عيمارتتار، اكىمدىك عيماراتتار، مەكتەپ ءبۇلىندى. عيماراتتاردىڭ شاتىرىن قالپىنا كەلتىرۋ جۇمىستارى مەنىڭشە، 10 كۇنگە جالعاساتىن بولادى»، - دەدى يۋري يلين.

ەستەرىڭىزگە سالا كەتسەك، 22 -مامىردا استانادا قاتتى داۋىل سوعىپ، بۇرشاق ارالاس نوسەر جاۋدى. داۋىل سالدارىنان قالا اۋماعىنداعى قورشاۋلار قيرادى. بىرنەشە عيماراتتىڭ قاسبەتى ءبۇلىنىپ، ەكى كران قۇلادى. ال، پەتروپاۆلدا دا داۋىلدى جەل قۇرىلىس كرانىن قۇلاتتى. پاۆلودار وبلىسىنداعى اۋىلدى جەرلەردە قاتتى جەلدىڭ سالدارىنان مەكتەپ، جەكە ج ش س، دۇكەن، ەلەكتر جەلىسى كاسىپورىندارىنىڭ شاتىرلارى قيراپ، ەكى كولىك زاقىمداندى.