سەمەيدە 10 جىلدا بىتپەگەن مەشىتتىڭ قۇرىلىسى قايتا قولعا الىنادى

None
None
سەمەي. قازاقپارات - سەمەيدە 2008 -جىلى ىرگەتاسى قالانعان مەشىت قۇرىلىسى ءالى كۇنگە دەيىن توقتاپ تۇر.

سەبەبى قارجى تاپشىلىعى. ەندى وسى جازدا مەشىت قۇرىلىسى قايتا جاندانباق. بۇل ءۇشىن كاسىپكەرلەر تارتىلادى، دەپ حابارلايدى قازاقپارات.

ءۇش مىڭ ادامعا ارنالعان جاڭا مەشىتتىڭ قۇرلىسىنا الماتىلىق جانە سەمەيلىك كاسىپكەرلەر كىرىسپەك. قازىر ارادا كەلىسسوزدەر ءجۇرىپ جاتىر.

سەمەيدە 11 مەشىت بار. قازىردە قالادا قۇلشىلىق ەتەتىندەردىڭ سانى ارتقان. سوندىقتان ولاردا ورىن جەتكىلىكسىز. جۇما نامازىنا كەلگەندەر مەشىتتەرگە سىيماي قالادى. ەگەر جاڭا مەشىتتىڭ قۇرىلىسى اياقتالىپ، پايدالانۋعا بەرىلسە، بۇل ماسەلە شەشىلۋى مۇمكىن.

 null

بۇگىنگى كۇنى مەشىتتىڭ مۇنارالارى تۇرعىزىلىپ، قابىرعاسى جارتىلاي قالانىپ، كوممۋنيكاتسيا تارتىلعان. بۇل جۇمىستارعا 300 ميلليون تەڭگە كەتكەن. ەندى توبەسىن جابۋ ءۇشىن شامامان 120 ملن تەڭگە كەرەك. ال قۇرىلىستى تولىق اياقتاپ، حالىق يگىلىگىنە بەرۋ ءۇشىن تاعى قوسىمشا قاراجات كەرەك. جەرگىلىكتى قازىنادا قاراجات بولماعان سوڭ، قۇرىلىستى اياقتاۋعا مەتساناتتار قارجىسى تارتىلماق.

 null

«ماۋسىم ايىنىڭ 29 ى كۇنى الماتىدا تۇراتىن سەمەيدىڭ تۋمالارى كەلەدى. سودان كەيىن قاجەتتى قاراجات ءبولىنىپ، جۇمىستار باستالادى دەپ وتىرمىز. جەرگىلىكتى كاسىپكەرلەر دە كومەكتەسەدى دەگەن ءۇمىت بار. ۇسىنىستارىمىزدى ايتتىق. كەز كەلگەن ادام مەشىت قۇرىلىسىنا قولىنان كەلگەنشە كومەك بەرە الادى»، - دەدى ق م د ب- نىڭ سەمەي وڭىرىندەگى وكىل يمامى ماقسات قاجى التىباي.

سالىنىپ جاتقان مەشىت 4 مۇنارالى، سەگىز قىرلى. ءتورت مۇناراسىنىڭ بيىكتىگى 63 مەتر. الدىندا ۇلكەن ساياباق، 500 كولىككە ارنالعان اۆتوتۇراق، كولىكتەر كىرىپ-شىعۋعا ارنالعان اسپالى كوپىر بولادى.

سوڭعى جاڭالىقتار