زاماناۋي ەڭ ەرەكشە 10 كامەرا
OnAir Camcorder - ستريمەرلەرگە ارنالعان بەينەكامەرا
سوڭعى ۋاقىتتا ستريمەرلەر ايتارلىقتاي تانىمالدىلىققا يە بولىپ بارادى. عالامتور ارقىلى وقيعا ورنىنان كورسەتىلىم جاساعان اۋەسقوي- وپەراتورلار تەلەارنا قىزمەتكەرلەرىنە قاراعاندا الدەقايدا جىلدام ءارى الدىن- الا ويلاستىرىلماعان تۇسىرىلىمدەر جاسايدى.
الايدا، مۇنداي بايلانىستار بۇعان دەيىن سول ساتتە قولداعى تەحنيكانىڭ، سمارتفوننىڭ نەمەسە پلانشەتتىڭ كومەگىمەن جاسالسا، قازىرگى ۋاقىتتا ستريمەرلەر ءۇشىن ايرىقشا قۇرىلعىلار پايدا بولا باستادى، مىسالعا، OnAir Camcorder بەينەكامەرالارى.
OnAir Camcorder كامەراسى وقيعا ورنىنان ساپالى تىكەلەي كورسەتىلىم جۇرگىزۋگە ارنالعان. ول ەكى كامەرامەن (نەگىزگى جانە تۇتاس قامتيتىن)، ديناميكپەن، OLED- ەكرانمەن، Wi-Fi سىمسىز بايلانىس مودۋلىمەن، سونىمەن قاتار عالامتورعا 3G- جەلىسى ارقىلى قوسىلۋ مۇمكىندىگىمەن قامتاماسىز ەتىلگەن.
JVC GX-PX1 - فوتوكامەرا مەن بەينەكامەرانىڭ گيبريدى (بۋدانى)
جوعارىدا ايتىلعانداي، سيفرلىق فوتواپپاراتتاردىڭ باسىم كوپشىلىگىندە بەينەتۇسىرىلىم جاساۋ فۋنكسياسى بار. الايدا JVC كومپانياسى فوتو جانە بەينەكامەرالاردىڭ بارلىق ەڭ جاقسى قاسيەتتەرىن بىرىكتىرەتىن ايرىقشا قۇرىلعى جاساپ شىعارۋعا شەشىم قابىلدادى.
JVC GX- PX1 ديەۆايسى وزىندە فوتواپپارات پەن بەينەكامەرانىڭ بارلىق مۇمكىندىكتەرىن ۇيلەستىرەدى. بىرىنشىسىنەن ول ولشەمىنىڭ كىشىلىگىن جانە اجىراتىمدىلىعى 12 مەگاپيكسەل بولاتىن ماتريتساسى بار ء«پىشىنىن» السا، ەكىنشىسىنەن - بەينەتۇسىرىلىم جاساۋعا ارنالعان ارنايى وبەكتيۆىن العان.
JVC GX- PX1 سەكۋندىنا جيىلىگى 60 كادر جانە اجىراتىلىمدىلىعى 1080*1920 نۇكتە بولاتىن بەينەتۇسىرىلىم جاساي الادى، الايدا سەكۋندىنا ساپاسى تومەندەۋ 300 كادرعا دەيىن تۇسىرۋگە قول جەتكىزۋگە بولادى. فوتواپپارات رەجيمىندە بۇل ءمان وتىزعا دەيىن ازايادى. JVC GX- PX1 وبەكتيۆى ون ەسەلى وپتيكالىق زۋم مەن كىرىكتىرىلگەن بەينەقۇبىلىسقا قول جەتكىزۋدى مۇمكىن ەتەدى.
Loofa - بالانى باقىلاۋعا ارنالعان كامەرا- شىراعدان
قازىرگى ۋاقىتتا بالانى قاشىقتان باقىلاۋعا جانە كۇتىم جاساۋعا ارنالعان كوپتەگەن الۋان ءتۇرلى قۇرىلعىلار بار. الايدا ولاردىڭ ەڭ ادەمىسى جانە وزگەشەسى - بۇل Loofa دەپ اتالاتىن تۇنگى شام، ول سونىمەن قوسا بەينەكامەرا دا بولىپ تابىلادى.
ءيا، بالالار بولمەسىنە ءىلىپ قويۋعا بولاتىن بۇل شىراعدانعا مۇلدە بايقالمايتىن بەينەكامەرا ورناتىلعان، ول سىمسىز بايلانىستىڭ ينتەرفەيسى ارقىلى كورىنىستى اتا-اناسىنىڭ كومپيۋتەرىنە نەمەسە ءموبيلدى تەلەفونىنا بەرە الادى.
Loofa كامەرا- شىراعدانىنىڭ تاعى ءبىر ارتىقشىلىعى ونىڭ سۇيكىمدى سىرتقى ءتۇرى مەن بەزەندىرىلۋىنىڭ ءار ءتۇرلى تۇستىلىگى، ولاردىڭ ىشىنەن ۇناعان بىرەۋىن نەمەسە بىرنەشەۋىن تاڭداپ الۋعا بولادى.
Bellami HD-1 Digital Super 8 - رەترو ستيلىندەگى بەينەكامەرا
قازىرگى تانىمال رەجيسسەرلاردىڭ كوبى شىعارماشىلىق جۇمىستارىن 8 ميلليمەترلىك بەينەكامەرامەن قىسقا روليكتەر جانە تىپتەن كىشىگىرىم فيلمدەر تۇسىرۋدەن باستاعان. ناتيجەسىندە مۇنداي قۇرىلعىلار ۇلى ادامداردىڭ مانسابىنىڭ باستاماسىنىڭ سيمۆولىنا اينالدى جانە جيىرماسىنشى عاسىردىڭ جەتپىسىنشى جىلدارىمەن تىعىز بايلانىسقان اتريبۋتتاردىڭ ءبىرى بولىپ قالدى.
ال 2010 -جىلى جاپونيالىق Сhinon كومپانياسى زاماناۋي ەلەكترونيكاعا سول كەزەڭدەردىڭ ستيليستيكاسىن قايتارۋعا شەشىم قابىلداپ، كلاسسيكالىق 8 ميلليمەترلىك بەينەكامەرانىڭ ستيلىنە كەلتىرىلگەن Bellami HD-1 Digital Super 8 دەپ اتالاتىن قۇرىلعى جاساپ شىعاردى.
دەگەنمەن، Bellami HD-1 Digital Super 8-دىڭ ىشىنە سالىنعان تەحنيكالىق بولشەكتەرى تولىقتاي زاماناۋي. ونىڭ اجىراتىمدىلىعى 21 مەگاپيكسەل بولاتىن ماتريساسى مەن 8 ميلليمەترلىك وبەكتيۆى بار. قۇرىلعى سەكۋندىنا جيىلىگى 30 كادر بولاتىن 2ك- بەينەتۇسىرىلىم جاساي الادى.
Bublcam - پانورامالىق بەينەكامەرا
قازىرگى نارىقتاعى قولجەتىمدى سانسىز كوپ ەكشن- بەينەكامەرالاردىڭ ىشىندە ەڭ تانىمال جانە كوپ تۇتىنىلاتىنى GoPro كومپانياسىنىڭ ونىمدەرى بولىپ تابىلادى. ارينە، Bublcam كامەراسى بۇل فلاگمانعا ايتارلىقتاي باسەكەلەس بولا المايدى، دەگەنمەن ءبارىبىر دە ەڭ كوپ سۇرانىسقا يە بولاتىنى ءسوزسىز.
Bublcam - بۇل 360 گرادۋس شولۋ بۇرىشىمەن كەڭ اۋماقتى بەينەتۇسىرىلىم جاساي الاتىن الەمدەگى ەڭ العاشق ەكشن-كامەرا. ونىڭ كەڭ اۋماقتى قامتيتىن ءتۇرلى جاقتارعا باعىتتالعان ءتورت وبەكتيۆى بار. ۇشەۋى ءبۇيىر جاقتارىنا، ال ءتورتىنشىسى - ۇستىگە قاراتىلعان.
Bublcam كامەراسىنىڭ ءپىشىنى بەيسبول دوبىنىڭ ولشەمىندەي. ونى بەينەتۇسىرىلىم جاساۋدى قاجەت ەتەتىن: پاراشيۋتپەن سەكىرگەن ۋاقىتتا، ۆەلوسيپەدپەن نەمەسە موتوتسيكلمەن جول جۇرگەن كەزدە، تابيعاتى اسەم جەرلەرگە ساياحاتتاعاندا جانە باسقا دا بەلسەندى ءىس- ارەكەتتەر كەزىندە شلەمگە (باس كيىمگە) بەكىتىپ قويۋعا بولادى.
Canon EOS-1D C - فيلم تۇسىرۋگە بولاتىن فوتوكامەرا
جالپى Canon EOS-1D C - بۇل فوتواپپارات. ءبىراق بۇل قۇرىلعى، ەڭ الدىمەن، كاسىبي دەڭگەيدە بەينەتۇسىرىلىم جاساۋعا ارنالعان. بۇل ديەۆايس، شىن مانىندە، الەمدەگى سيپاتتاماسى مەن مۇمكىندىكتەرى بويىنشا كاسىبي بەينەكامەرالاردان ەش ايىرماشىلىعى جوق العاشقى فوتوكامەرا بولىپ تابىلادى، ءبىراق ولاردىڭ ولشەمدەرىنەن الدەقايدا كىشى جانە باعاسى ايتارلىقتاي تومەن.
Canon EOS-1D C فوتوكامەراسى 4ك (2160 پيكسەلگە 4096) اجىراتىمدىلىقپەن بەينەتۇسىرىلىم جاساي الادى، بۇل كوركەم فيلمدەر، تەلەسەريالدار مەن دەرەكتى حابارلار ءتۇسىرۋ ءۇشىن دە تولىقتاي لايىقتى. كامەرانىڭ 18.1 مەگاپيكسەلدىك ماتريتساسى مەن كورىنىستەردى (بەينەلەردى) وڭدەۋگە ارنالعان Digic 5+ ەكى پروتسەسسورى بار.
Canon كومپانياسى وزدەرىنىڭ ونىمدەرى تەلەديدار سالاسىندا قىزمەت ەتەتىن كاسىبي وپەراتورلاردىڭ قۇرالىنا اينالادى دەپ كۇتەدى. ويتكەنى بۇل ونىمدەر ولارعا سۋرەتتەردىڭ ساپاسىن جوعالتپاي الدەقايدا موبيلدى بولۋعا مۇمكىندىك بەرەدى.
Camsports Coach - كۇننەن قورعايتىن كوزىلدىرىكتى ەكشن-ۆيدەوكامەرا
Camsports Coach - بۇل قۇرىلعىدان تەك فوتوعا ءتۇسىرۋ مەن بەيتۇسىرىلىم جاساۋ فۋنكتسيالارىن عانا قاجەت ەتەتىندەرگە ارنالعان «اقىلدى» كوزىلدىرىكتەر. مۇنداي جۇمىستاردى بۇل ديەۆايس تاماشا جۇزەگە اسىرادى.
Camsports Coach - بۇل سپورتپەن اينالىسقان، اڭ اۋلاعان ۋاقىتتا جانە سەرۋەن كەزىندە ءسىزدىڭ بارلىق ءىس- قيمىلىڭىزدى ءتۇسىرىپ تۇراتىن، بىرمەزەتتە كۇننەن قورعايتىن كوزىلدىرىك تە، ەكشن- كامەرا دا بولا الادى. ونىڭ كومەگىمەن ءسىز قولدارىڭىزدى ازات ەتەسىز، سونىمەن قاتار قۇرىلعىنى قوسۋ جانە ءوشىرۋ، راكۋرس تاڭداۋ جانە باسقا دا ۇساق جۇمىستاردان مۇلدە بوساتىلاسىز.
تەك باسىڭىزعا Camsports Coach كيۋ جانە ونى ىسكە قوسۋ جەتكىلىكتى - كامەرا ءبىرىنشى تۇلعا اتىنان بەينەتۇسىرىلىم جاسايدى، وندا كورەرمەندەر ءدال ءسىز كورگەن نارسەنىڭ ءبارىن كورە الادى.
الەمدەگى ەڭ جىلدام
لۋند ۋنيۆەرسيتەتىنىڭ (شۆەتسيا) عالىمدارى الەمدەگى ەڭ جىلدام تۇسىرەتىن كامەرانى جاساپ شىعاردى، ول سەكۋندىنا بەس تريلليون كادر جيىلىكپەن ءتۇسىرىلىم جاسايدى. كامەرا FRAME دەپ اتالادى. اعىلشىن تىلىندە بۇل ءسوز «كادر» دەگەندى بىلدىرەدى، الايدا «Frequency Recognition Algorithm for Multiple Exposures» - دىڭ (كوپتەگەن ەكسپوزيتسيالار ءۇشىن جيىلىك تانىلۋ الگوريتمى) قىسقارتىلعان اتاۋى بولىپ تابىلادى.
قۇراستىرۋشىلار كامەراعا سيپاتتاما بەرگەندە، ول كورىنىستى سونشالىقتى قىسقا 0,2 تريلليون سەكۋند ىشىندە ءتۇسىرىپ الا وتىرىپ، «ءىس جۇزىندە جارىقتىڭ تارالۋىن توقتاتا» الادى دەپ تۇسىندىرەدى. عالىمدار كامەرا حيمياداعى، فيزيكاداعى، بيولوگياداعى جانە مەديتسيناداعى بۇرىندارى مۇمكىن ەمەس بولعان ءتۇرلى قۇبىلىستاردى قۇجاتپەن دالەلدەۋدە كومەكتەسەدى دەپ سانايدى.
بۇل قانشالىقتى كوپ - سەكۋندىنا بەس تريلليون رەت؟ بۇل ون ەكى ءنولى بار بەستىك - 5000000000000. سالىستىرۋ ءۇشىن - ەگەر ادام ءومىرىنىڭ ۇزاقتىعى 80 جاس دەپ الاتىن بولساق، وندا 2,5 ميلليارد سەكۋند بار دەگەن ءسوز. بار جوعى ەكى جارىم ميلليارد! شۆەد سۋپەركامەراسى ءبىر سەكۋند ىشىندە ءبىزدىڭ بۇكىل ءومىر سۇرگەن ۋاقىتىمىزداعى سەكۋندتىڭ مولشەرىنەن 2000 ەسە كوپ كادر جاساي الادى.
الەمدەگى ەڭ ۇلكەن كامەرا
ونى قۇراستىرۋشىلار - بۇزىلعان El Toro Marine Corps Air Station اسكەري اۋە بازاسىنىڭ قالالىق ساياباققا اينالۋىن قۇجاتتاندىرۋشى ەنتۋزياستتار توبى. كامەرانىڭ ولشەمى 14/49/24 مەتردى قۇرايدى. الىپ فوتواپپاراتقا ارنالعان ءۇلدىردى 80 ليتر ەمۋلسيامەن قولمەن جابىلاتىن اۋقىمدى مۋسلين كەنەپ ماتاسىنان ازىرلەيدى.
بۇل كامەرامەن جاسالعان فوتوسۋرەتتىڭ بيىكتىگى 9,5 مەترگە، ال ۇزىندىعى 34 مەترگە جەتەدى. [CUT] فوتوعا ءتۇسىرۋ ءۇشىن دايىن «ءۇلدىردى» جارىقتان تولىقتاي وقشاۋلاندىرىلعان كەڭىستىككە ورنالاستىرىپ، كامەرانىڭ «ىسىرماسىن» 35 مينۋتقا اشادى. ءبىر كادردى ايقىنداۋ ءۇشىن حاۋىز بەن 600 ليتر ايقىنداعىش قاجەت. بۇل كامەرامەن ازىرگە تەك ءبىر عانا فوتو تۇسىرىلگەندىگى تاڭعالارلىق جايت ەمەس.
bilim-all.kz