رەسەيگە بالىق تاسىمالداعان قىلمىستىق توپ مۇشەلەرى 10 جىلعا سوتتالدى

None
None
اتىراۋ. قازاقپارات - اتىراۋدا سوت ۇلتارالىق قىلمىستىق توپتىڭ مۇشەلەرىنە ۇكىم شىعاردى. ولار زاڭسىز بالىق اۋلاپ، ونى شەتەلگە كونتراباندالىق جولمەن جەتكىزىپ وتىرعان، دەپ حابارلايدى قازاقپارات ءتىلشىسى.

«سوت بولاتبەك ماحىشقاليەۆتى ق ر ق ك 264-بابى 1-بولىگى، 336-بابى 4-بولىگى، 339-بابى، 364 جانە 367-باپتارى بويىنشا ايىپتى دەپ تانىپ، 10 جىلعا باس بوستاندىعىنان ايىردى. سوتتالۋشىلار ش. ميراسوۆ پەن ب. قۇرمانعاليەۆ ق ر قىلمىستىق كودەكستىڭ 264-بابى، 2-بولىگى جانە 335-بابى، 4-بولىگى بويىنشا ايىپتى دەپ تانىلدى. ولاردىڭ ءارقايسىسى 8 جىلعا سوتتالدى»، - دەپ مالىمدەدى وبلىستىق سوتتىڭ باسپا ءسوز قىزمەتىنەن.

تەرگەۋ بارىسىندا انىقتالعانداي، ر ف ازاماتى قۇرمانعازى اۋداندىق ورمان شارۋاشىلىعى جانە جانۋارلار الەمى ينسپەكتسياسىنىڭ باس مامانى بولاتبەك ماحىشقاليەۆپەن بىرلەسىپ، «اقسۋ-قيعاش» ج ش س- نىڭ ديرەكتورى مەن ماماندارىن جۇمىستان بوساتىپ، وسى كومپانيانى يەمدەنىپ العان.

كەيىن شتاتقا تۋىستارى مەن تانىستارىن العان. رەسەي ازاماتى «اقسۋ-قيعاش» ج شس  ديرەكتورى بولىپ تاعايىندالىپ، ونىڭ ورىنباسارى بالىق ينسپەكتورىنىڭ تانىسى بولعان. جاڭا ديرەكتوردىڭ ورىنباسارى كاسىپورىننىڭ بالىقشىلارىن زاڭسىز بالىق اۋلاۋعا جانە ونىڭ استراحان وبلىسىندا شەكارا ارقىلى تاسىمالداۋعا دايىنداعان. تەرگەۋ نۇسقاسى بويىنشا، ب. ماحىشقاليەۆتەن بولەك، «اقسۋ-قيعاش» ج ش س ديرەكتورىنىڭ ورىنباسارى شالقار ميراسوۆ جانە «اق جايىق» مەملەكەتتىك تابيعي رەزەرۆاتىنىڭ باس ينسپەكتورى باقىتجان قۇرمانعاليەۆ قىلمىستىق توپ مۇشەسى بولعان.

ۇلتارالىق قىلمىستىق توپتىڭ ارەكەتىن ق ر ۇ ق ك قىزمەتكەرلەرى اشكەرەلەدى.

سوڭعى جاڭالىقتار